ಶುಕ್ರ ಕವಚಮ್

ಶುಕ್ರ ಕವಚಮ್

ಶ್ಲೋಕ 1

ಧ್ಯಾನಮ್

ಮೃಣಾಲಕುನ್ದೇನ್ದುಪಯೋಜಸುಪ್ರಭಂ

ಪೀತಾಮ್ಬರಂ ಪ್ರಸೃತಮಕ್ಷಮಾಲಿನಮ್ ।

ಸಮಸ್ತಶಾಸ್ತ್ರಾರ್ಥವಿಧಿಂ ಮಹಾನ್ತಂ

ಧ್ಯಾಯೇತ್ಕವಿಂ ವಾಞ್ಛಿತಮರ್ಥಸಿದ್ಧಯೇ

ಶ್ಲೋಕ 2

ಅಥ ಶುಕ್ರಕವಚಮ್

ಶಿರೋ ಮೇ ಭಾರ್ಗವಃ ಪಾತು ಭಾಲಂ ಪಾತು ಗ್ರಹಾಧಿಪಃ ।

ನೇತ್ರೇ ದೈತ್ಯಗುರುಃ ಪಾತು ಶ್ರೋತ್ರೇ ಮೇ ಚನ್ದನದ್ಯುತಿಃ

॥ 1 ॥

ಶ್ಲೋಕ 3

ಪಾತು ಮೇ ನಾಸಿಕಾಂ ಕಾವ್ಯೋ ವದನಂ ದೈತ್ಯವನ್ದಿತಃ ।

ವಚನಂ ಚೋಶನಾಃ ಪಾತು ಕಣ್ಠಂ ಶ್ರೀಕಣ್ಠಭಕ್ತಿಮಾನ್

॥ 2 ॥

ಶ್ಲೋಕ 4

ಭುಜೌ ತೇಜೋನಿಧಿಃ ಪಾತು ಕುಕ್ಷಿಂ ಪಾತು ಮನೋವ್ರಜಃ ।

ನಾಭಿಂ ಭೃಗುಸುತಃ ಪಾತು ಮಧ್ಯಂ ಪಾತು ಮಹೀಪ್ರಿಯಃ

॥ 3 ॥

ಶ್ಲೋಕ 5

ಕಟಿಂ ಮೇ ಪಾತು ವಿಶ್ವಾತ್ಮಾ ಉರೂ ಮೇ ಸುರಪೂಜಿತಃ ।

ಜಾನುಂ ಜಾಡ್ಯಹರಃ ಪಾತು ಜಙ್ಘೇ ಜ್ಞಾನವತಾಂ ವರಃ

॥ 4 ॥

ಶ್ಲೋಕ 6

ಗುಲ್ಫೌ ಗುಣನಿಧಿಃ ಪಾತು ಪಾತು ಪಾದೌ ವರಾಮ್ಬರಃ ।

ಸರ್ವಾಣ್ಯಙ್ಗಾನಿ ಮೇ ಪಾತು ಸ್ವರ್ಣಮಾಲಾಪರಿಷ್ಕೃತಃ

॥ 5 ॥

ಶ್ಲೋಕ 7

ಫಲಶ್ರುತಿಃ

ಯ ಇದಂ ಕವಚಂ ದಿವ್ಯಂ ಪಠತಿ ಶ್ರದ್ಧಯಾನ್ವಿತಃ ।

ನ ತಸ್ಯ ಜಾಯತೇ ಪೀಡಾ ಭಾರ್ಗವಸ್ಯ ಪ್ರಸಾದತಃ

॥ 6 ॥

ಶ್ಲೋಕ 8

॥ ಇತಿ ಶ್ರೀಬ್ರಹ್ಮಾಣ್ಡಪುರಾಣೇ ಶುಕ್ರಕವಚಂ ಸಮ್ಪೂರ್ಣಮ್ ॥