Shri Giriraj Chalisa

Jai Ho Jai Bandita Giriraja

Śloka 1

|| dohā ||

bandahu~ vīṇā vādinī,

dhari gaṇapati ko dhyāna|

mahāśakti rādhā sahita,

kṛṣṇa karau kalyāṇa||

sumirana kari saba devagaṇa,

guru pitu bārambāra|

baranau śrīgirirāja yaśa,

nija mati ke anusāra||

|| caupāī ||

jaya ho jaya baṃdita girirājā|

braja maṇḍala ke śrī mahārājā||

viṣṇu rūpa tuma ho avatārī|

sundaratā pai jaga balihārī||

svarṇa śikhara ati śobhā pāmeṃ|

sura muni gaṇa daraśana kūṃ āmeṃ||

śāṃta kandarā svarga samānā|

jahā~ tapasvī dharate dhyānā||

droṇagiri ke tuma yuvarājā|

bhaktana ke sādhau hau kājā||

muni pulastya jī ke mana bhāye|

jora vinaya kara tuma kū~ lāye||

munivara saṃgha jaba braja meṃ āye|

lakhi brajabhūmi yahā~ ṭhaharāye||

viṣṇu dhāma gauloka suhāvana|

yamunā govardhana vṛndāvana||

dekha deva mana meṃ lalacāye|

bāsa karana bahu rūpa banāye||

kou bānara kou mṛga ke rūpā|

kou vṛkṣa kou latā svarūpā||

ānanda leṃ goloka dhāma ke|

parama upāsaka rūpa nāma ke||

dvāpara aṃta bhaye avatārī|

kṛṣṇacandra ānanda murārī||

mahimā tumharī kṛṣṇa bakhānī|

pūjā karibe kī mana ṭhānī||

brajavāsī saba ke liye bulāī|

govarddhana pūjā karavāī||

pūjana kū~ vyañjana banavāye|

brajavāsī ghara ghara te lāye||

gvāla bāla mili pūjā kīnī|

sahasa bhujā tumane kara līnī||

svayaṃ prakaṭa ho kṛṣṇa pūjā meṃ|

māga māga ke bhojana pāmeṃ||

lakhi nara nāri mana haraṣāmeṃ|

jai jai jai girivara guṇa gāmeṃ||

devarāja mana meṃ risiyāe|

naṣṭa karana braja megha bulāe||

chā~yā kara braja liyau bacāī|

ekau bū~da na nīce āī||

sāta divasa bhaī barasā bhārī|

thake megha bhārī jala dhārī||

kṛṣṇacandra ne nakha pai dhāre|

namo namo braja ke rakhavāre||

kari abhimāna thake surasāī|

kṣamā mā~ga puni astuti gāī||

trāhi mām maiṃ śaraṇa tihārī|

kṣamā karo prabhu cūka hamārī||

bāra bāra binatī ati kīnī|

sāta kosa parikammā dīnī||

saṃga surabhi airāvata lāye|

hātha joḍa़ kara bheṃṭa gahāye||

abhaya dāna pā indra sihāye|

kari praṇāma nija loka sidhāye||

jo yaha kathā sunaiṃ cita lāveṃ|

anta samaya surapati pada pāveṃ||

govarddhana hai nāma tihārau|

karate bhaktana kau nistārau||

jo nara tumhare darśana pāveṃ|

tinake duḥkha dūra hvai jāveṃ||

kuṇḍana meṃ jo kareṃ ācamana|

dhanya dhanya vaha mānava jīvana||

mānasī gaṃgā meṃ jo nhāveṃ|

sīdhe svarga loka kū~ jāveṃ||

dūdha caḍha़ā jo bhoga lagāveṃ|

ādhi vyādhi tehi pāsa na āveṃ||

jala phala tulasī patra caḍha़āveṃ|

mana vāṃchita phala niścaya pāveṃ||

jo nara deta dūdha kī dhārā|

bharau rahe tākau bhaṇḍārā||

kareṃ jāgaraṇa jo nara koī|

dukha daridra bhaya tāhi na hoī||

'śyāma' śilāmaya nija jana trātā|

bhakti mukti sarabasa ke dātā||

putra hīna jo tuma kū~ dhyāveṃ|

tākū~ putra prāpti hvai jāveṃ||

daṃḍautī parikammā karahīṃ|

te sahajahi bhavasāgara tarahīṃ||

kali meṃ tuma sama deva na dūjā|

sura nara muni saba karate pūjā||

|| dohā ||

jo yaha cālīsā paḍha़ai,

sunai śuddha citta lāya|

satya satya yaha satya hai,

girivara karai sahāya||

kṣamā karahu~ aparādha mama,

trāhi mām girirāja|

śyāma bihārī śaraṇa meṃ,

govarddhana mahārāja||