Sharada Bhujanga Prayata Ashtakam

ଶାରଦା ଭୁଜଙ୍ଗ ପ୍ରଯାତ ଅଷ୍ଟକଂ

ଶ୍ଲୋକ 1

ସୁଵକ୍ଷୋଜକୁମ୍ଭାଂ ସୁଧାପୂର୍ଣକୁମ୍ଭାଂ

ପ୍ରସାଦାଵଲମ୍ବାଂ ପ୍ରପୁଣ୍ଯାଵଲମ୍ବାମ୍ ।

ସଦାସ୍ଯେନ୍ଦୁବିମ୍ବାଂ ସଦାନୋଷ୍ଠବିମ୍ବାଂ

ଭଜେ ଶାରଦାମ୍ବାମଜସ୍ରଂ ମଦମ୍ବାମ୍

ଶ୍ଲୋକ 2

କଟାକ୍ଷେ ଦଯାର୍ଦ୍ରାଂ କରେ ଜ୍ଞାନମୁଦ୍ରାଂ

କଲାଭିର୍ଵିନିଦ୍ରାଂ କଲାପୈଃ ସୁଭଦ୍ରାମ୍ ।

ପୁରସ୍ତ୍ରୀଂ ଵିନିଦ୍ରାଂ ପୁରସ୍ତୁଙ୍ଗଭଦ୍ରାଂ

ଭଜେ ଶାରଦାମ୍ବାମଜସ୍ରଂ ମଦମ୍ବାମ୍

॥ 1 ॥

ଶ୍ଲୋକ 3

ଲଲାମାଙ୍କଫାଲାଂ ଲସଦ୍ଗାନଲୋଲାଂ

ସ୍ଵଭକ୍ତୈକପାଲାଂ ଯଶଃଶ୍ରୀକପୋଲାମ୍ ।

କରେ ତ୍ଵକ୍ଷମାଲାଂ କନତ୍ପତ୍ରଲୋଲାଂ

ଭଜେ ଶାରଦାମ୍ବାମଜସ୍ରଂ ମଦମ୍ବାମ୍

॥ 2 ॥

ଶ୍ଲୋକ 4

ସୁସୀମନ୍ତଵେଣୀଂ ଦୃଶା ନିର୍ଜିତୈଣୀଂ

ରମତ୍କୀରଵାଣୀଂ ନମଦ୍ଵଜ୍ରପାଣୀମ୍ ।

ସୁଧାମନ୍ଥରାସ୍ଯାଂ ମୁଦା ଚିନ୍ତ୍ଯଵେଣୀଂ

ଭଜେ ଶାରଦାମ୍ବାମଜସ୍ରଂ ମଦମ୍ବାମ୍

॥ 3 ॥

ଶ୍ଲୋକ 5

ସୁଶାନ୍ତାଂ ସୁଦେହାଂ ଦୃଗନ୍ତେ କଚାନ୍ତାଂ

ଲସତ୍ସଲ୍ଲତାଙ୍ଗୀମନନ୍ତାମଚିନ୍ତ୍ଯାମ୍ ।

ସ୍ମରେତ୍ତାପସୈଃ ସର୍ଗପୂର୍ଵସ୍ଥିତାଂ ତାଂ

ଭଜେ ଶାରଦାମ୍ବାମଜସ୍ରଂ ମଦମ୍ବାମ୍

॥ 4 ॥

ଶ୍ଲୋକ 6

କୁରଙ୍ଗେ ତୁରଙ୍ଗେ ମୃଗେନ୍ଦ୍ରେ ଖଗେନ୍ଦ୍ରେ

ମରାଲେ ମଦେଭେ ମହୋକ୍ଷେଽଧିରୂଢାମ୍ ।

ମହତ୍ଯାଂ ନଵମ୍ଯାଂ ସଦା ସାମରୂପାଂ

ଭଜେ ଶାରଦାମ୍ବାମଜସ୍ରଂ ମଦମ୍ବାମ୍

॥ 5 ॥

ଶ୍ଲୋକ 7

ଜ୍ଵଲତ୍କାନ୍ତିଵହ୍ନିଂ ଜଗନ୍ମୋହନାଙ୍ଗୀଂ

ଭଜେ ମାନସାମ୍ଭୋଜ ସୁଭ୍ରାନ୍ତଭୃଙ୍ଗୀମ୍ ।

ନିଜସ୍ତୋତ୍ରସଙ୍ଗୀତନୃତ୍ଯପ୍ରଭାଙ୍ଗୀଂ

ଭଜେ ଶାରଦାମ୍ବାମଜସ୍ରଂ ମଦମ୍ବାମ୍

॥ 6 ॥

ଶ୍ଲୋକ 8

ଭଵାମ୍ଭୋଜନେତ୍ରାଜସମ୍ପୂଜ୍ଯମାନାଂ

ଲସନ୍ମନ୍ଦହାସପ୍ରଭାଵକ୍ତ୍ରଚିହ୍ନାମ୍ ।

ଚଲଚ୍ଚଞ୍ଚଲାଚାରୁତାଟଙ୍କକର୍ଣାଂ

ଭଜେ ଶାରଦାମ୍ବାମଜସ୍ରଂ ମଦମ୍ବାମ୍

॥ 7 ॥

ଶ୍ଲୋକ 9

॥ ଇତି ଶ୍ରୀମଚ୍ଛଙ୍କରାଚାର୍ଯଵିରଚିତା ଶ୍ରୀ ଶାରଦା ଭୁଜଙ୍ଗ ପ୍ରଯାତାଷ୍ଟକମ୍ ॥