Sharada Bhujanga Prayata Ashtakam

shAradA bhuja~Nga prayAta aShTakaM

shloka 1

suvakShojakumbhAM sudhApUrNakumbhAM

prasAdAvalambAM prapuNyAvalambAm |

sadAsyendubimbAM sadAnoShThabimbAM

bhaje shAradAmbAmajasraM madambAm || 1 ||

kaTAkShe dayArdrAM kare j~nAnamudrAM

kalAbhirvinidrAM kalApaiH subhadrAm |

purastrIM vinidrAM purastu~NgabhadrAM

bhaje shAradAmbAmajasraM madambAm || 2 ||

lalAmA~NkaphAlAM lasadgAnalolAM

svabhaktaikapAlAM yashaHshrIkapolAm |

kare tvakShamAlAM kanatpatralolAM

bhaje shAradAmbAmajasraM madambAm || 3 ||

susImantaveNIM dRRishA nirjitaiNIM

ramatkIravANIM namadvajrapANIm |

sudhAmantharAsyAM mudA chintyaveNIM

bhaje shAradAmbAmajasraM madambAm || 4 ||

sushAntAM sudehAM dRRigante kachAntAM

lasatsallatA~NgImanantAmachintyAm |

smarettApasaiH sargapUrvasthitAM tAM

bhaje shAradAmbAmajasraM madambAm || 5 ||

kuraNge turaNge mRRigendre khagendre

marAle madebhe mahokShe.adhirUDhAm |

mahatyAM navamyAM sadA sAmarUpAM

bhaje shAradAmbAmajasraM madambAm || 6 ||

jvalatkAntivahniM jaganmohanA~NgIM

bhaje mAnasAmbhoja subhrAntabhRRi~NgIm |

nijastotrasaNgItanRRityaprabhANgIM

bhaje shAradAmbAmajasraM madambAm || 7 ||

bhavAmbhojanetrAjasampUjyamAnAM

lasanmandahAsaprabhAvaktrachihnAm |

chalachchanchalAchArutATaNkakarNAM

bhaje shAradAmbAmajasraM madambAm || 8 ||

|| iti shrImachChaNkarAchAryavirachitA shrI shAradA bhujaNga prayAtAShTakam ||