శారదా భుజఙ్గ ప్రయాత అష్టకం

శారదా భుజఙ్గ ప్రయాత అష్టకం

శ్లోక 1

సువక్షోజకుమ్భాం సుధాపూర్ణకుమ్భాం

ప్రసాదావలమ్బాం ప్రపుణ్యావలమ్బామ్ ।

సదాస్యేన్దుబిమ్బాం సదానోష్ఠబిమ్బాం

భజే శారదామ్బామజస్రం మదమ్బామ్

శ్లోక 2

కటాక్షే దయార్ద్రాం కరే జ్ఞానముద్రాం

కలాభిర్వినిద్రాం కలాపైః సుభద్రామ్ ।

పురస్త్రీం వినిద్రాం పురస్తుఙ్గభద్రాం

భజే శారదామ్బామజస్రం మదమ్బామ్

॥ 1 ॥

శ్లోక 3

లలామాఙ్కఫాలాం లసద్గానలోలాం

స్వభక్తైకపాలాం యశఃశ్రీకపోలామ్ ।

కరే త్వక్షమాలాం కనత్పత్రలోలాం

భజే శారదామ్బామజస్రం మదమ్బామ్

॥ 2 ॥

శ్లోక 4

సుసీమన్తవేణీం దృశా నిర్జితైణీం

రమత్కీరవాణీం నమద్వజ్రపాణీమ్ ।

సుధామన్థరాస్యాం ముదా చిన్త్యవేణీం

భజే శారదామ్బామజస్రం మదమ్బామ్

॥ 3 ॥

శ్లోక 5

సుశాన్తాం సుదేహాం దృగన్తే కచాన్తాం

లసత్సల్లతాఙ్గీమనన్తామచిన్త్యామ్ ।

స్మరేత్తాపసైః సర్గపూర్వస్థితాం తాం

భజే శారదామ్బామజస్రం మదమ్బామ్

॥ 4 ॥

శ్లోక 6

కురఙ్గే తురఙ్గే మృగేన్ద్రే ఖగేన్ద్రే

మరాలే మదేభే మహోక్షేఽధిరూఢామ్ ।

మహత్యాం నవమ్యాం సదా సామరూపాం

భజే శారదామ్బామజస్రం మదమ్బామ్

॥ 5 ॥

శ్లోక 7

జ్వలత్కాన్తివహ్నిం జగన్మోహనాఙ్గీం

భజే మానసామ్భోజ సుభ్రాన్తభృఙ్గీమ్ ।

నిజస్తోత్రసఙ్గీతనృత్యప్రభాఙ్గీం

భజే శారదామ్బామజస్రం మదమ్బామ్

॥ 6 ॥

శ్లోక 8

భవామ్భోజనేత్రాజసమ్పూజ్యమానాం

లసన్మన్దహాసప్రభావక్త్రచిహ్నామ్ ।

చలచ్చఞ్చలాచారుతాటఙ్కకర్ణాం

భజే శారదామ్బామజస్రం మదమ్బామ్

॥ 7 ॥

శ్లోక 9

॥ ఇతి శ్రీమచ్ఛఙ్కరాచార్యవిరచితా శ్రీ శారదా భుజఙ్గ ప్రయాతాష్టకమ్ ॥