ശാരദാ ഭുജങ്ഗ പ്രയാത അഷ്ടകം

ശാരദാ ഭുജങ്ഗ പ്രയാത അഷ്ടകം

ശ്ലോക 1

സുവക്ഷോജകുമ്ഭാം സുധാപൂര്ണകുമ്ഭാം

പ്രസാദാവലമ്ബാം പ്രപുണ്യാവലമ്ബാമ് ।

സദാസ്യേന്ദുബിമ്ബാം സദാനോഷ്ഠബിമ്ബാം

ഭജേ ശാരദാമ്ബാമജസ്രം മദമ്ബാമ്

ശ്ലോക 2

കടാക്ഷേ ദയാര്ദ്രാം കരേ ജ്ഞാനമുദ്രാം

കലാഭിര്വിനിദ്രാം കലാപൈഃ സുഭദ്രാമ് ।

പുരസ്ത്രീം വിനിദ്രാം പുരസ്തുങ്ഗഭദ്രാം

ഭജേ ശാരദാമ്ബാമജസ്രം മദമ്ബാമ്

॥ 1 ॥

ശ്ലോക 3

ലലാമാങ്കഫാലാം ലസദ്ഗാനലോലാം

സ്വഭക്തൈകപാലാം യശഃശ്രീകപോലാമ് ।

കരേ ത്വക്ഷമാലാം കനത്പത്രലോലാം

ഭജേ ശാരദാമ്ബാമജസ്രം മദമ്ബാമ്

॥ 2 ॥

ശ്ലോക 4

സുസീമന്തവേണീം ദൃശാ നിര്ജിതൈണീം

രമത്കീരവാണീം നമദ്വജ്രപാണീമ് ।

സുധാമന്ഥരാസ്യാം മുദാ ചിന്ത്യവേണീം

ഭജേ ശാരദാമ്ബാമജസ്രം മദമ്ബാമ്

॥ 3 ॥

ശ്ലോക 5

സുശാന്താം സുദേഹാം ദൃഗന്തേ കചാന്താം

ലസത്സല്ലതാങ്ഗീമനന്താമചിന്ത്യാമ് ।

സ്മരേത്താപസൈഃ സര്ഗപൂര്വസ്ഥിതാം താം

ഭജേ ശാരദാമ്ബാമജസ്രം മദമ്ബാമ്

॥ 4 ॥

ശ്ലോക 6

കുരങ്ഗേ തുരങ്ഗേ മൃഗേന്ദ്രേ ഖഗേന്ദ്രേ

മരാലേ മദേഭേ മഹോക്ഷേഽധിരൂഢാമ് ।

മഹത്യാം നവമ്യാം സദാ സാമരൂപാം

ഭജേ ശാരദാമ്ബാമജസ്രം മദമ്ബാമ്

॥ 5 ॥

ശ്ലോക 7

ജ്വലത്കാന്തിവഹ്നിം ജഗന്മോഹനാങ്ഗീം

ഭജേ മാനസാമ്ഭോജ സുഭ്രാന്തഭൃങ്ഗീമ് ।

നിജസ്തോത്രസങ്ഗീതനൃത്യപ്രഭാങ്ഗീം

ഭജേ ശാരദാമ്ബാമജസ്രം മദമ്ബാമ്

॥ 6 ॥

ശ്ലോക 8

ഭവാമ്ഭോജനേത്രാജസമ്പൂജ്യമാനാം

ലസന്മന്ദഹാസപ്രഭാവക്ത്രചിഹ്നാമ് ।

ചലച്ചഞ്ചലാചാരുതാടങ്കകര്ണാം

ഭജേ ശാരദാമ്ബാമജസ്രം മദമ്ബാമ്

॥ 7 ॥

ശ്ലോക 9

॥ ഇതി ശ്രീമച്ഛങ്കരാചാര്യവിരചിതാ ശ്രീ ശാരദാ ഭുജങ്ഗ പ്രയാതാഷ്ടകമ് ॥