ಶಾರದಾ ಭುಜಙ್ಗ ಪ್ರಯಾತ ಅಷ್ಟಕಂ

ಶಾರದಾ ಭುಜಙ್ಗ ಪ್ರಯಾತ ಅಷ್ಟಕಂ

ಶ್ಲೋಕ 1

ಸುವಕ್ಷೋಜಕುಮ್ಭಾಂ ಸುಧಾಪೂರ್ಣಕುಮ್ಭಾಂ

ಪ್ರಸಾದಾವಲಮ್ಬಾಂ ಪ್ರಪುಣ್ಯಾವಲಮ್ಬಾಮ್ ।

ಸದಾಸ್ಯೇನ್ದುಬಿಮ್ಬಾಂ ಸದಾನೋಷ್ಠಬಿಮ್ಬಾಂ

ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್

ಶ್ಲೋಕ 2

ಕಟಾಕ್ಷೇ ದಯಾರ್ದ್ರಾಂ ಕರೇ ಜ್ಞಾನಮುದ್ರಾಂ

ಕಲಾಭಿರ್ವಿನಿದ್ರಾಂ ಕಲಾಪೈಃ ಸುಭದ್ರಾಮ್ ।

ಪುರಸ್ತ್ರೀಂ ವಿನಿದ್ರಾಂ ಪುರಸ್ತುಙ್ಗಭದ್ರಾಂ

ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್

॥ 1 ॥

ಶ್ಲೋಕ 3

ಲಲಾಮಾಙ್ಕಫಾಲಾಂ ಲಸದ್ಗಾನಲೋಲಾಂ

ಸ್ವಭಕ್ತೈಕಪಾಲಾಂ ಯಶಃಶ್ರೀಕಪೋಲಾಮ್ ।

ಕರೇ ತ್ವಕ್ಷಮಾಲಾಂ ಕನತ್ಪತ್ರಲೋಲಾಂ

ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್

॥ 2 ॥

ಶ್ಲೋಕ 4

ಸುಸೀಮನ್ತವೇಣೀಂ ದೃಶಾ ನಿರ್ಜಿತೈಣೀಂ

ರಮತ್ಕೀರವಾಣೀಂ ನಮದ್ವಜ್ರಪಾಣೀಮ್ ।

ಸುಧಾಮನ್ಥರಾಸ್ಯಾಂ ಮುದಾ ಚಿನ್ತ್ಯವೇಣೀಂ

ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್

॥ 3 ॥

ಶ್ಲೋಕ 5

ಸುಶಾನ್ತಾಂ ಸುದೇಹಾಂ ದೃಗನ್ತೇ ಕಚಾನ್ತಾಂ

ಲಸತ್ಸಲ್ಲತಾಙ್ಗೀಮನನ್ತಾಮಚಿನ್ತ್ಯಾಮ್ ।

ಸ್ಮರೇತ್ತಾಪಸೈಃ ಸರ್ಗಪೂರ್ವಸ್ಥಿತಾಂ ತಾಂ

ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್

॥ 4 ॥

ಶ್ಲೋಕ 6

ಕುರಙ್ಗೇ ತುರಙ್ಗೇ ಮೃಗೇನ್ದ್ರೇ ಖಗೇನ್ದ್ರೇ

ಮರಾಲೇ ಮದೇಭೇ ಮಹೋಕ್ಷೇಽಧಿರೂಢಾಮ್ ।

ಮಹತ್ಯಾಂ ನವಮ್ಯಾಂ ಸದಾ ಸಾಮರೂಪಾಂ

ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್

॥ 5 ॥

ಶ್ಲೋಕ 7

ಜ್ವಲತ್ಕಾನ್ತಿವಹ್ನಿಂ ಜಗನ್ಮೋಹನಾಙ್ಗೀಂ

ಭಜೇ ಮಾನಸಾಮ್ಭೋಜ ಸುಭ್ರಾನ್ತಭೃಙ್ಗೀಮ್ ।

ನಿಜಸ್ತೋತ್ರಸಙ್ಗೀತನೃತ್ಯಪ್ರಭಾಙ್ಗೀಂ

ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್

॥ 6 ॥

ಶ್ಲೋಕ 8

ಭವಾಮ್ಭೋಜನೇತ್ರಾಜಸಮ್ಪೂಜ್ಯಮಾನಾಂ

ಲಸನ್ಮನ್ದಹಾಸಪ್ರಭಾವಕ್ತ್ರಚಿಹ್ನಾಮ್ ।

ಚಲಚ್ಚಞ್ಚಲಾಚಾರುತಾಟಙ್ಕಕರ್ಣಾಂ

ಭಜೇ ಶಾರದಾಮ್ಬಾಮಜಸ್ರಂ ಮದಮ್ಬಾಮ್

॥ 7 ॥

ಶ್ಲೋಕ 9

॥ ಇತಿ ಶ್ರೀಮಚ್ಛಙ್ಕರಾಚಾರ್ಯವಿರಚಿತಾ ಶ್ರೀ ಶಾರದಾ ಭುಜಙ್ಗ ಪ್ರಯಾತಾಷ್ಟಕಮ್ ॥