શારદા ભુજઙ્ગ પ્રયાત અષ્ટકં

શારદા ભુજઙ્ગ પ્રયાત અષ્ટકં

શ્લોક 1

સુવક્ષોજકુમ્ભાં સુધાપૂર્ણકુમ્ભાં

પ્રસાદાવલમ્બાં પ્રપુણ્યાવલમ્બામ્ ।

સદાસ્યેન્દુબિમ્બાં સદાનોષ્ઠબિમ્બાં

ભજે શારદામ્બામજસ્રં મદમ્બામ્

શ્લોક 2

કટાક્ષે દયાર્દ્રાં કરે જ્ઞાનમુદ્રાં

કલાભિર્વિનિદ્રાં કલાપૈઃ સુભદ્રામ્ ।

પુરસ્ત્રીં વિનિદ્રાં પુરસ્તુઙ્ગભદ્રાં

ભજે શારદામ્બામજસ્રં મદમ્બામ્

॥ 1 ॥

શ્લોક 3

લલામાઙ્કફાલાં લસદ્ગાનલોલાં

સ્વભક્તૈકપાલાં યશઃશ્રીકપોલામ્ ।

કરે ત્વક્ષમાલાં કનત્પત્રલોલાં

ભજે શારદામ્બામજસ્રં મદમ્બામ્

॥ 2 ॥

શ્લોક 4

સુસીમન્તવેણીં દૃશા નિર્જિતૈણીં

રમત્કીરવાણીં નમદ્વજ્રપાણીમ્ ।

સુધામન્થરાસ્યાં મુદા ચિન્ત્યવેણીં

ભજે શારદામ્બામજસ્રં મદમ્બામ્

॥ 3 ॥

શ્લોક 5

સુશાન્તાં સુદેહાં દૃગન્તે કચાન્તાં

લસત્સલ્લતાઙ્ગીમનન્તામચિન્ત્યામ્ ।

સ્મરેત્તાપસૈઃ સર્ગપૂર્વસ્થિતાં તાં

ભજે શારદામ્બામજસ્રં મદમ્બામ્

॥ 4 ॥

શ્લોક 6

કુરઙ્ગે તુરઙ્ગે મૃગેન્દ્રે ખગેન્દ્રે

મરાલે મદેભે મહોક્ષેઽધિરૂઢામ્ ।

મહત્યાં નવમ્યાં સદા સામરૂપાં

ભજે શારદામ્બામજસ્રં મદમ્બામ્

॥ 5 ॥

શ્લોક 7

જ્વલત્કાન્તિવહ્નિં જગન્મોહનાઙ્ગીં

ભજે માનસામ્ભોજ સુભ્રાન્તભૃઙ્ગીમ્ ।

નિજસ્તોત્રસઙ્ગીતનૃત્યપ્રભાઙ્ગીં

ભજે શારદામ્બામજસ્રં મદમ્બામ્

॥ 6 ॥

શ્લોક 8

ભવામ્ભોજનેત્રાજસમ્પૂજ્યમાનાં

લસન્મન્દહાસપ્રભાવક્ત્રચિહ્નામ્ ।

ચલચ્ચઞ્ચલાચારુતાટઙ્કકર્ણાં

ભજે શારદામ્બામજસ્રં મદમ્બામ્

॥ 7 ॥

શ્લોક 9

॥ ઇતિ શ્રીમચ્છઙ્કરાચાર્યવિરચિતા શ્રી શારદા ભુજઙ્ગ પ્રયાતાષ્ટકમ્ ॥