শারদা ভুজঙ্গ প্রযাত অষ্টকং

শারদা ভুজঙ্গ প্রযাত অষ্টকং

শ্লোক 1

সুবক্ষোজকুম্ভাং সুধাপূর্ণকুম্ভাং

প্রসাদাবলম্বাং প্রপুণ্যাবলম্বাম্ ।

সদাস্যেন্দুবিম্বাং সদানোষ্ঠবিম্বাং

ভজে শারদাম্বামজস্রং মদম্বাম্

শ্লোক 2

কটাক্ষে দযার্দ্রাং করে জ্ঞানমুদ্রাং

কলাভির্বিনিদ্রাং কলাপৈঃ সুভদ্রাম্ ।

পুরস্ত্রীং বিনিদ্রাং পুরস্তুঙ্গভদ্রাং

ভজে শারদাম্বামজস্রং মদম্বাম্

॥ 1 ॥

শ্লোক 3

ললামাঙ্কফালাং লসদ্গানলোলাং

স্বভক্তৈকপালাং যশঃশ্রীকপোলাম্ ।

করে ত্বক্ষমালাং কনত্পত্রলোলাং

ভজে শারদাম্বামজস্রং মদম্বাম্

॥ 2 ॥

শ্লোক 4

সুসীমন্তবেণীং দৃশা নির্জিতৈণীং

রমত্কীরবাণীং নমদ্বজ্রপাণীম্ ।

সুধামন্থরাস্যাং মুদা চিন্ত্যবেণীং

ভজে শারদাম্বামজস্রং মদম্বাম্

॥ 3 ॥

শ্লোক 5

সুশান্তাং সুদেহাং দৃগন্তে কচান্তাং

লসত্সল্লতাঙ্গীমনন্তামচিন্ত্যাম্ ।

স্মরেত্তাপসৈঃ সর্গপূর্বস্থিতাং তাং

ভজে শারদাম্বামজস্রং মদম্বাম্

॥ 4 ॥

শ্লোক 6

কুরঙ্গে তুরঙ্গে মৃগেন্দ্রে খগেন্দ্রে

মরালে মদেভে মহোক্ষেঽধিরূঢাম্ ।

মহত্যাং নবম্যাং সদা সামরূপাং

ভজে শারদাম্বামজস্রং মদম্বাম্

॥ 5 ॥

শ্লোক 7

জ্বলত্কান্তিবহ্নিং জগন্মোহনাঙ্গীং

ভজে মানসাম্ভোজ সুভ্রান্তভৃঙ্গীম্ ।

নিজস্তোত্রসঙ্গীতনৃত্যপ্রভাঙ্গীং

ভজে শারদাম্বামজস্রং মদম্বাম্

॥ 6 ॥

শ্লোক 8

ভবাম্ভোজনেত্রাজসম্পূজ্যমানাং

লসন্মন্দহাসপ্রভাবক্ত্রচিহ্নাম্ ।

চলচ্চঞ্চলাচারুতাটঙ্ককর্ণাং

ভজে শারদাম্বামজস্রং মদম্বাম্

॥ 7 ॥

শ্লোক 9

॥ ইতি শ্রীমচ্ছঙ্করাচার্যবিরচিতা শ্রী শারদা ভুজঙ্গ প্রযাতাষ্টকম্ ॥