Shanti Mantram
శాన్తి మన్త్రమ్
Shanti Mantram
శాన్తి మన్త్రమ్
శ్లోక 1
ఆపో॒ హిష్ఠా మ॑యో॒భువః॒ । తా న॑ ఊ॒ర్జే ద॑ధాతన । మ॒హేరణా॑య॒ చక్ష॑సే । యో వః॑ శి॒వత॑మో॒ రస॒స్తస్య॑ భాజయతే॒ హ నః॒ । ఉ॒ష॒తీరి॑వ మా॒తరః॑ । తస్మా॒ అర॑ఙ్గమామవో॒ యస్య॒ క్షయా॑య॒ జి॑న్వథ । ఆపో॑ జ॒నయ॑థా చ నః ।
పృ॒థి॒వీ శా॒న్తా సాగ్నినా॑ శా॒న్తా సామే॑ శా॒న్తా శుచగ్ం॑ శమయతు ।
అ॒న్తరి॑క్షగ్ం శా॒న్త-న్తద్వా॒యునా॑ శా॒న్త-న్తన్మే॑ శా॒న్తగ్ం శుచగ్ం॑ శమయతు ।
ద్యౌశ్శా॒న్తా॒ సాది॒త్యేన॑ శా॒న్తా సా మే॑ శా॒న్తా శుచగ్ం॑ శమయతు ।
పృ॒థి॒వీ శాన్తి॑ర॒న్తరి॑క్ష॒గ్ం॒ శాన్తి॒-
ర్ద్యౌ-శ్శాన్తి॒ర్-దిశ॒-శ్శాన్తి॑-రవాన్తరది॒శా-శ్శాన్తి॑-
ర॒గ్ని-శ్శాన్తి॑ర్-వా॒యు-శ్శాన్తి॑-రాది॒త్య-
శ్శాన్తి॑-శ్చన్ద్ర॒మా॒-శ్శాన్తి॒ర్-నక్ష॑త్రాణి॒-
శ్శాన్తి రాప॒శ్శాన్తి॒-రోష॑ధయ॒-
శ్శాన్తి॒ర్-వన॒స్పత॑య॒-శ్శాన్తి॒ర్-గౌ॑-
శ్శాన్తి॑-ర॒జా-శాన్తి-రశ్వ॒-శ్శాన్తిః॒ పురు॑ష॒-
శ్శాన్తి॒-బ్రహ్మ॒-శాన్తి॑ర్-బ్రాహ్మ॒ణ-
శ్శాన్తి-శాన్తి॑-రేవ శాన్తి-శాన్తి॑-ర్మే అస్తు॒ శాన్తిః॑ ।
తయా॒హగ్ం శాన్॒త్యా॒ స॑ర్వశా॒న్త్యా॒
మహ్య॑-న్ద్వి॒పదే॒ చతు॑ష్పదే చ॒
శాన్తి॑-ఙ్కరోమి శాన్తి॑ర్మే అస్తు॒ శాన్తిః॑ ॥
ఏహ॒ శ్రీశ్చ॒ హ్రీశ్చ॒ ధృతి॑శ్చ॒
తపో॑ మే॒ధా ప్ర॑తి॒ష్ఠా శ్ర॒ద్ధా స॒త్యం
ధర్మ॑శ్చై॒తాని॒ మోత్తి॑ష్ఠన్త॒-మనూత్తి॑ష్ఠన్తు॒
మా మా॒గ్॒ శ్రీశ్చ॒ హ్రీశ్చ॒ ధృతి॑శ్చ॒
తపో॑ మే॒ధా ప్ర॑తి॒ష్ఠా శ్ర॒ద్ధా స॒త్యం
ధర్మ॑శ్చై॒తాని॑ మా॒ మా హా॑సిషుః ।
ఉదాయు॑షా స్వా॒యుషోదో॑షదీనా॒గ్ం॒
రసే॒నోత్ప॒ర్జన్య॑స్య॒ శుష్మే॒ణోదస్థామ॒మృతా॒గ్ం॒ అను॑ ।
తచ్చక్షు॑ర్-దే॒వహి॑త-మ్పు॒రస్తా᳚చ్చు॒క్రము॒చ్చర॑త్ ।
పశ్యే॑మ శ॒రద॑శ్శ॒త-ఞ్జీవే॑మ శ॒రద॑శ్శ॒తం
నన్దా॑మ శ॒రద॑శ్శ॒త-మ్మోదా॑మ శ॒రద॑శ్శ॒తం
భవా॑మ శ॒రద॑శ్శ॒తగ్ం శృ॒ణవా॑మ శ॒రద॑శ్శ॒తం
పబ్ర॑వామ శ॒రద॑శ్శ॒తమజీ॑తాస్యామ శ॒రద॑శ్శ॒తం
జోక్చ॒ సూర్య॑-న్దృ॒శే ।
య ఉద॑గాన్మహ॒తో-ఽర్ణవా᳚-ద్వి॒భ్రాజ॑మానస్సరి॒రస్య॒ మధ్యా॒థ్సమా॑ వృష॒భో లో॑హితా॒క్షసూర్యో॑ విప॒శ్చిన్మన॑సా పునాతు ॥
బ్రహ్మ॑ణ॒శ్చోత॒న్యసి॒ బ్రహ్మ॑ణ ఆ॒ణీస్థో॒ బ్రాహ్మ॑ణ ఆ॒వప॑నమసి ధారి॒తేయ-మ్పృ॑థి॒వీ బ్రహ్మ॑ణా మ॒హీ దా॑రి॒తమే॑నేన మ॒హదన్॒తరి॑క్ష॒-న్దివ॑-న్దాధార పృథి॒వీగ్ం సదేవాం॒-యఁద॒హం-వేఁద॒ తద॒హ-న్ధా॑రయాణి॒ మామద్వేదో-ఽథి॒ విస్ర॑సత్ ।
మే॒ధా॒మ॒నీ॒షే మావి॒శతాగ్ం స॒మీచీ॑ భూ॒తస్య॒ భవ్య॒స్యావ॑రుధ్యై॒ సర్వ॒మాయు॑రయాణి॒ సర్వ॒మాయు॑రయాణి ।
ఆ॒భిర్గీ॒ర్భి-ర్యదతో॑న ఊ॒నమాప్యా॑యయ హరివో॒ వర్ధ॑మానః ।
య॒దా స్తో॒తృభ్యో॒ మహి॑ గో॒త్రా రు॒జాసి॑ భూయిష్ఠ॒భాజో॒ అధ॑ తే స్యామ ।
బ్రహ్మ॒ ప్రావా॑దిష్మ॒ తన్నో॒ మా హా॑సీత్ ॥
ఓం శాన్తి॒-శ్శాన్తి॒-శ్శాన్తిః॑ ॥
ఓం స-న్త్వా॑ సిఞ్చామి॒ యజు॑షా ప్ర॒జామాయు॒ర్ధన॑-ఞ్చ ॥
ఓం శాన్తి॒-శ్శాన్తి॒-శ్శాన్తిః॑ ॥
ఓం శ-న్నో॑ మి॒త్ర-శ్శం-వఁరు॑ణః ।
శ-న్నో॑ భవత్వర్య॒మా ।
శ-న్న॒ ఇన్ద్రో॒ బృహ॒స్పతిః॑ ।
శ-న్నో॒ విష్ణు॑రురుక్ర॒మః ।
నమో॒ బ్రహ్మ॑ణే । నమ॑స్తే వాయో ।
త్వమే॒వ ప్ర॒త్యక్ష॒-మ్బ్రహ్మా॑సి ।
త్వామే॒వ ప్ర॒త్యక్ష॒-మ్బ్రహ్మ॑ వదిష్యామి ।
ఋ॒తం-వఁ॑దిష్యామి । స॒త్యం-వఁ॑దిష్యామి ।
తన్మామ॑వతు । తద్వ॒క్తార॑మవతు ।
అవ॑తు॒ మామ్ । అవ॑తు వ॒క్తారమ్᳚ ॥
ఓం శాన్తి॒-శ్శాన్తి॒-శ్శాన్తిః॑ ॥
ఓ-న్తచ్ఛం॒-యోఁరావృ॑ణీమహే ।
గా॒తుం-యఁ॒జ్ఞాయ॑ । గా॒తుం-యఁ॒జ్ఞప॑తయే ।
దైవీ᳚ స్వ॒స్తిర॑స్తు నః । స్వ॒స్తిర్-మాను॑షేభ్యః ।
ఊ॒ర్ధ్వ-ఞ్జి॑గాతు భేష॒జమ్ ।
శ-న్నో॑ అస్తు ద్వి॒పదే᳚ । శ-ఞ్చతు॒ష్పదే ।
ఓం శాన్తి॒-శ్శాన్తి॒-శ్శాన్తిః॑ ॥
ఓం స॒హ నా॑ వవతు । స॒హ నౌ॑ భునక్తు ।
స॒హ వీ॒ర్య॑-ఙ్కరవావహై ।
తే॒జ॒స్వినా॒వధీ॑తమస్తు॒ మా వి॑ద్విషా॒వహై᳚ ॥ (3)
ఓం శాన్తి॒-శ్శాన్తి॒-శ్శాన్తిః॑ ॥ (3)