Shani Vajrapanjara Kavacham

ශනි වජ්රපඤ්ජර කවචම්

ශ්ලොක 1

නීලාම්බරෝ නීලවපුඃ කිරීටී

ගෘධ්රස්ථිතාස්ත්රකරෝ ධනුෂ්මාන් .

චතුර්භුජඃ සූර්යසුතඃ ප්රසන්නඃ

සදා මමස්යාද්වරදඃ ප්රශාන්තඃ ..

බ්රහ්මා උවාච .

ශෘණුධ්වං ඍෂයඃ සර්වේ ශනි පීඩාහරං මහත් .

කවචං ශනිරාජස්ය සෞරෛරිදමනුත්තමම් ..

කවචං දේවතාවාසං වජ්ර පඤ්ජර සංඞ්ගකම් .

ශනෛශ්චර ප්රීතිකරං සර්වසෞභාග්යදායකම් ..

අථ ශ්රී ශනි වජ්ර පඤ්ජර කවචම් .

ඕං ශ්රී ශනෛශ්චරඃ පාතු ඵාලං මේ සූර්යනන්දනඃ . [භාලං]

නේත්රේ ඡායාත්මජඃ පාතු පාතු කර්ණෞ යමානුජඃ .. 1 ..

නාසාං වෛවස්වතඃ පාතු මුඛං මේ භාස්කරඃ සදා .

ස්නිග්ධකණ්ඨශ්ච මේ කණ්ඨං භුජෞ පාතු මහාභුජඃ .. 2 ..

ස්කන්ධෞ පාතු ශනිශ්චෛව කරෞ පාතු ශුභප්රදඃ .

වක්ෂඃ පාතු යමභ්රාතා කුක්ෂිං පාත්වසිතස්තථා .. 3 ..

නාභිං ග්රහපතිඃ පාතු මන්දඃ පාතු කටිං තථා .

ඌරූ මමාන්තකඃ පාතු යමෝ ජානුයුගං තථා .. 4 ..

පාදෞ මන්දගතිඃ පාතු සර්වාඞ්ගං පාතු පිප්පලඃ .

අඞ්ගෝපාඞ්ගානි සර්වාණි රක්ෂේන් මේ සූර්යනන්දනඃ .. 5 ..

ඵලශ්රුතිඃ

ඉත්යේතත්කවචං දිව්යං පඨේත්සූර්යසුතස්ය යඃ .

න තස්ය ජායතේ පීඩා ප්රීතෝ භවති සූර්යජඃ ..

ව්යයජන්මද්විතීයස්ථෝ මෘත්යුස්ථානගතෝපිවා .

කලත්රස්ථෝ ගතෝවාපි සුප්රීතස්තු සදා ශනිඃ ..

අෂ්ටමස්ථෝ සූර්යසුතේ ව්යයේ ජන්මද්විතීයගේ .

කවචං පඨතේ නිත්යං න පීඩා ජායතේ ක්වචිත් ..

ඉත්යේතත්කවචං දිව්යං සෞරේර්යන්නිර්මිතං පුරා .

ද්වාදශාෂ්ටමජන්මස්ථදෝෂාන්නාශයතේ සදා .

ජන්මලග්නස්ථිතාන් දෝෂාන් සර්වාන්නාශයතේ ප්රභුඃ ..

ඉති ශ්රී බ්රහ්මාණ්ඩපුරාණේ බ්රහ්මනාරදසංවාදේ ශනිවජ්රපඤ්ජර කවචං සම්පූර්ණම් ..