Shani Vajrapanjara Kavacham

ଶନି ଵଜ୍ରପଞ୍ଜର କଵଚମ୍

ଶ୍ଲୋକ 1

ନୀଲାମ୍ବରୋ ନୀଲଵପୁଃ କିରୀଟୀ

ଗୃଧ୍ରସ୍ଥିତାସ୍ତ୍ରକରୋ ଧନୁଷ୍ମାନ୍ ।

ଚତୁର୍ଭୁଜଃ ସୂର୍ଯସୁତଃ ପ୍ରସନ୍ନଃ

ସଦା ମମସ୍ଯାଦ୍ଵରଦଃ ପ୍ରଶାନ୍ତଃ ॥

ବ୍ରହ୍ମା ଉଵାଚ ।

ଶୃଣୁଧ୍ଵଂ ଋଷଯଃ ସର୍ଵେ ଶନି ପୀଡାହରଂ ମହତ୍ ।

କଵଚଂ ଶନିରାଜସ୍ଯ ସୌରୈରିଦମନୁତ୍ତମମ୍ ॥

କଵଚଂ ଦେଵତାଵାସଂ ଵଜ୍ର ପଞ୍ଜର ସଂଙ୍ଗକମ୍ ।

ଶନୈଶ୍ଚର ପ୍ରୀତିକରଂ ସର୍ଵସୌଭାଗ୍ଯଦାଯକମ୍ ॥

ଅଥ ଶ୍ରୀ ଶନି ଵଜ୍ର ପଞ୍ଜର କଵଚମ୍ ।

ଓଁ ଶ୍ରୀ ଶନୈଶ୍ଚରଃ ପାତୁ ଫାଲଂ ମେ ସୂର୍ଯନନ୍ଦନଃ । [ଭାଲଂ]

ନେତ୍ରେ ଛାଯାତ୍ମଜଃ ପାତୁ ପାତୁ କର୍ଣୌ ଯମାନୁଜଃ

ଶ୍ଲୋକ 2

ନାସାଂ ଵୈଵସ୍ଵତଃ ପାତୁ ମୁଖଂ ମେ ଭାସ୍କରଃ ସଦା ।

ସ୍ନିଗ୍ଧକଣ୍ଠଶ୍ଚ ମେ କଣ୍ଠଂ ଭୁଜୌ ପାତୁ ମହାଭୁଜଃ

॥ 1 ॥

ଶ୍ଲୋକ 3

ସ୍କନ୍ଧୌ ପାତୁ ଶନିଶ୍ଚୈଵ କରୌ ପାତୁ ଶୁଭପ୍ରଦଃ ।

ଵକ୍ଷଃ ପାତୁ ଯମଭ୍ରାତା କୁକ୍ଷିଂ ପାତ୍ଵସିତସ୍ତଥା

॥ 2 ॥

ଶ୍ଲୋକ 4

ନାଭିଂ ଗ୍ରହପତିଃ ପାତୁ ମନ୍ଦଃ ପାତୁ କଟିଂ ତଥା ।

ଊରୂ ମମାନ୍ତକଃ ପାତୁ ଯମୋ ଜାନୁଯୁଗଂ ତଥା

॥ 3 ॥

ଶ୍ଲୋକ 5

ପାଦୌ ମନ୍ଦଗତିଃ ପାତୁ ସର୍ଵାଙ୍ଗଂ ପାତୁ ପିପ୍ପଲଃ ।

ଅଙ୍ଗୋପାଙ୍ଗାନି ସର୍ଵାଣି ରକ୍ଷେନ୍ ମେ ସୂର୍ଯନନ୍ଦନଃ

॥ 4 ॥

ଶ୍ଲୋକ 6

ଫଲଶ୍ରୁତିଃ

ଇତ୍ଯେତତ୍କଵଚଂ ଦିଵ୍ଯଂ ପଠେତ୍ସୂର୍ଯସୁତସ୍ଯ ଯଃ ।

ନ ତସ୍ଯ ଜାଯତେ ପୀଡା ପ୍ରୀତୋ ଭଵତି ସୂର୍ଯଜଃ ॥

ଵ୍ଯଯଜନ୍ମଦ୍ଵିତୀଯସ୍ଥୋ ମୃତ୍ଯୁସ୍ଥାନଗତୋପିଵା ।

କଲତ୍ରସ୍ଥୋ ଗତୋଵାପି ସୁପ୍ରୀତସ୍ତୁ ସଦା ଶନିଃ ॥

ଅଷ୍ଟମସ୍ଥୋ ସୂର୍ଯସୁତେ ଵ୍ଯଯେ ଜନ୍ମଦ୍ଵିତୀଯଗେ ।

କଵଚଂ ପଠତେ ନିତ୍ଯଂ ନ ପୀଡା ଜାଯତେ କ୍ଵଚିତ୍ ॥

ଇତ୍ଯେତତ୍କଵଚଂ ଦିଵ୍ଯଂ ସୌରେର୍ଯନ୍ନିର୍ମିତଂ ପୁରା ।

ଦ୍ଵାଦଶାଷ୍ଟମଜନ୍ମସ୍ଥଦୋଷାନ୍ନାଶଯତେ ସଦା ।

ଜନ୍ମଲଗ୍ନସ୍ଥିତାନ୍ ଦୋଷାନ୍ ସର୍ଵାନ୍ନାଶଯତେ ପ୍ରଭୁଃ ॥

ଇତି ଶ୍ରୀ ବ୍ରହ୍ମାଣ୍ଡପୁରାଣେ ବ୍ରହ୍ମନାରଦସଂଵାଦେ ଶନିଵଜ୍ରପଞ୍ଜର କଵଚଂ ସମ୍ପୂର୍ଣମ୍ ॥