Shani Vajrapanjara Kavacham

shani vajrapa~njara kavacham

shloka 1

nIlAmbaro nIlavapuH kirITI

gRRidhrasthitAstrakaro dhanuShmAn |

chaturbhujaH sUryasutaH prasannaH

sadA mamasyAdvaradaH prashAntaH ||

brahmA uvAcha |

shRRiNudhvaM RRiShayaH sarve shani pIDAharaM mahat |

kavachaM shanirAjasya saurairidamanuttamam ||

kavachaM devatAvAsaM vajra panjara saMNgakam |

shanaishchara prItikaraM sarvasaubhAgyadAyakam ||

atha shrI shani vajra pa~njara kavacham |

OM shrI shanaishcharaH pAtu phAlaM me sUryanandanaH | [bhAlaM]

netre ChAyAtmajaH pAtu pAtu karNau yamAnujaH || 1 ||

nAsAM vaivasvataH pAtu mukhaM me bhAskaraH sadA |

snigdhakaNThashcha me kaNThaM bhujau pAtu mahAbhujaH || 2 ||

skandhau pAtu shanishchaiva karau pAtu shubhapradaH |

vakShaH pAtu yamabhrAtA kukShiM pAtvasitastathA || 3 ||

nAbhiM grahapatiH pAtu mandaH pAtu kaTiM tathA |

UrU mamAntakaH pAtu yamo jAnuyugaM tathA || 4 ||

pAdau mandagatiH pAtu sarvA~NgaM pAtu pippalaH |

aNgopANgAni sarvANi rakShen me sUryanandanaH || 5 ||

phalashrutiH

ityetatkavachaM divyaM paThetsUryasutasya yaH |

na tasya jAyate pIDA prIto bhavati sUryajaH ||

vyayajanmadvitIyastho mRRityusthAnagatopivA |

kalatrastho gatovApi suprItastu sadA shaniH ||

aShTamastho sUryasute vyaye janmadvitIyage |

kavachaM paThate nityaM na pIDA jAyate kvachit ||

ityetatkavachaM divyaM saureryannirmitaM purA |

dvAdashAShTamajanmasthadoShAnnAshayate sadA |

janmalagnasthitAn doShAn sarvAnnAshayate prabhuH ||

iti shrI brahmANDapurANe brahmanAradasaMvAde shanivajrapa~njara kavachaM sampUrNam ||