Sarvadeva Kruta Sri Lakshmi Stotram

ସର୍ଵଦେଵ କୃତ ଶ୍ରୀ ଲକ୍ଷ୍ମୀ ସ୍ତୋତ୍ରମ୍

ଶ୍ଲୋକ 1

କ୍ଷମସ୍ଵ ଭଗଵତ୍ଯମ୍ବ କ୍ଷମା ଶୀଲେ ପରାତ୍ପରେ।

ଶୁଦ୍ଧ ସତ୍ଵ ସ୍ଵରୂପେଚ କୋପାଦି ପରି ଵର୍ଜିତେ॥

ଉପମେ ସର୍ଵ ସାଧ୍ଵୀନାଂ ଦେଵୀନାଂ ଦେଵ ପୂଜିତେ।

ତ୍ଵଯା ଵିନା ଜଗତ୍ସର୍ଵଂ ମୃତ ତୁଲ୍ଯଞ୍ଚ ନିଷ୍ଫଲମ୍।

ସର୍ଵ ସମ୍ପତ୍ସ୍ଵରୂପାତ୍ଵଂ ସର୍ଵେଷାଂ ସର୍ଵ ରୂପିଣୀ।

ରାସେଶ୍ଵର୍ଯଧି ଦେଵୀତ୍ଵଂ ତ୍ଵତ୍କଲାଃ ସର୍ଵଯୋଷିତଃ॥

କୈଲାସେ ପାର୍ଵତୀ ତ୍ଵଞ୍ଚ କ୍ଷୀରୋଧେ ସିନ୍ଧୁ କନ୍ଯକା।

ସ୍ଵର୍ଗେଚ ସ୍ଵର୍ଗ ଲକ୍ଷ୍ମୀ ସ୍ତ୍ଵଂ ମର୍ତ୍ଯ ଲକ୍ଷ୍ମୀଶ୍ଚ ଭୂତଲେ॥

ଵୈକୁଣ୍ଠେଚ ମହାଲକ୍ଷ୍ମୀଃ ଦେଵଦେଵୀ ସରସ୍ଵତୀ।

ଗଙ୍ଗାଚ ତୁଲସୀତ୍ଵଞ୍ଚ ସାଵିତ୍ରୀ ବ୍ରହ୍ମ ଲୋକତଃ॥

କୃଷ୍ଣ ପ୍ରାଣାଧି ଦେଵୀତ୍ଵଂ ଗୋଲୋକେ ରାଧିକା ସ୍ଵଯମ୍।

ରାସେ ରାସେଶ୍ଵରୀ ତ୍ଵଞ୍ଚ ବୃନ୍ଦା ବୃନ୍ଦାଵନେ ଵନେ॥

କୃଷ୍ଣ ପ୍ରିଯା ତ୍ଵଂ ଭାଣ୍ଡୀରେ ଚନ୍ଦ୍ରା ଚନ୍ଦନ କାନନେ।

ଵିରଜା ଚମ୍ପକ ଵନେ ଶତ ଶୃଙ୍ଗେଚ ସୁନ୍ଦରୀ।

ପଦ୍ମାଵତୀ ପଦ୍ମ ଵନେ ମାଲତୀ ମାଲତୀ ଵନେ।

କୁନ୍ଦ ଦନ୍ତୀ କୁନ୍ଦଵନେ ସୁଶୀଲା କେତକୀ ଵନେ॥

କଦମ୍ବ ମାଲା ତ୍ଵଂ ଦେଵୀ କଦମ୍ବ କାନନେ2ପିଚ।

ରାଜଲକ୍ଷ୍ମୀଃ ରାଜ ଗେହେ ଗୃହଲକ୍ଷ୍ମୀ ର୍ଗୃହେ ଗୃହେ॥

ଇତ୍ଯୁକ୍ତ୍ଵା ଦେଵତାସ୍ସର୍ଵାଃ ମୁନଯୋ ମନଵସ୍ତଥା।

ରୂରୂଦୁର୍ନ ମ୍ରଵଦନାଃ ଶୁଷ୍କ କଣ୍ଠୋଷ୍ଠ ତାଲୁକାଃ॥

ଇତି ଲକ୍ଷ୍ମୀ ସ୍ତଵଂ ପୁଣ୍ଯଂ ସର୍ଵଦେଵୈଃ କୃତଂ ଶୁଭମ୍।

ଯଃ ପଠେତ୍ପ୍ରାତରୁତ୍ଥାଯ ସଵୈସର୍ଵଂ ଲଭେଦ୍ଧ୍ରୁଵମ୍॥

ଅଭାର୍ଯୋ ଲଭତେ ଭାର୍ଯାଂ ଵିନୀତାଂ ସୁସୁତାଂ ସତୀମ୍।

ସୁଶୀଲାଂ ସୁନ୍ଦରୀଂ ରମ୍ଯାମତି ସୁପ୍ରିଯଵାଦିନୀମ୍॥

ପୁତ୍ର ପୌତ୍ର ଵତୀଂ ଶୁଦ୍ଧାଂ କୁଲଜାଂ କୋମଲାଂ ଵରାମ୍।

ଅପୁତ୍ରୋ ଲଭତେ ପୁତ୍ରଂ ଵୈଷ୍ଣଵଂ ଚିରଜୀଵିନମ୍॥

ପରମୈଶ୍ଵର୍ଯ ଯୁକ୍ତଞ୍ଚ ଵିଦ୍ଯାଵନ୍ତଂ ଯଶସ୍ଵିନମ୍।

ଭ୍ରଷ୍ଟରାଜ୍ଯୋ ଲଭେଦ୍ରାଜ୍ଯଂ ଭ୍ରଷ୍ଟ ଶ୍ରୀର୍ଲଭେତେ ଶ୍ରିଯମ୍॥

ହତ ବନ୍ଧୁର୍ଲଭେଦ୍ବନ୍ଧୁଂ ଧନ ଭ୍ରଷ୍ଟୋ ଧନଂ ଲଭେତ୍॥

କୀର୍ତି ହୀନୋ ଲଭେତ୍କୀର୍ତିଂ ପ୍ରତିଷ୍ଠାଞ୍ଚ ଲଭେଦ୍ଧ୍ରୁଵମ୍॥

ସର୍ଵ ମଙ୍ଗଲଦଂ ସ୍ତୋତ୍ରଂ ଶୋକ ସନ୍ତାପ ନାଶନମ୍।

ହର୍ଷାନନ୍ଦକରଂ ଶାଶ୍ଵଦ୍ଧର୍ମ ମୋକ୍ଷ ସୁହୃତ୍ପଦମ୍॥

॥ ଇତି ସର୍ଵ ଦେଵ କୃତ ଲକ୍ଷ୍ମୀ ସ୍ତୋତ୍ରଂ ସମ୍ପୂର୍ଣମ୍ ॥