సర్వదేవ కృత శ్రీ లక్ష్మీ స్తోత్రమ్

సర్వదేవ కృత శ్రీ లక్ష్మీ స్తోత్రమ్

శ్లోక 1

క్షమస్వ భగవత్యమ్బ క్షమా శీలే పరాత్పరే।

శుద్ధ సత్వ స్వరూపేచ కోపాది పరి వర్జితే॥

ఉపమే సర్వ సాధ్వీనాం దేవీనాం దేవ పూజితే।

త్వయా వినా జగత్సర్వం మృత తుల్యఞ్చ నిష్ఫలమ్।

సర్వ సమ్పత్స్వరూపాత్వం సర్వేషాం సర్వ రూపిణీ।

రాసేశ్వర్యధి దేవీత్వం త్వత్కలాః సర్వయోషితః॥

కైలాసే పార్వతీ త్వఞ్చ క్షీరోధే సిన్ధు కన్యకా।

స్వర్గేచ స్వర్గ లక్ష్మీ స్త్వం మర్త్య లక్ష్మీశ్చ భూతలే॥

వైకుణ్ఠేచ మహాలక్ష్మీః దేవదేవీ సరస్వతీ।

గఙ్గాచ తులసీత్వఞ్చ సావిత్రీ బ్రహ్మ లోకతః॥

కృష్ణ ప్రాణాధి దేవీత్వం గోలోకే రాధికా స్వయమ్।

రాసే రాసేశ్వరీ త్వఞ్చ బృన్దా బృన్దావనే వనే॥

కృష్ణ ప్రియా త్వం భాణ్డీరే చన్ద్రా చన్దన కాననే।

విరజా చమ్పక వనే శత శృఙ్గేచ సున్దరీ।

పద్మావతీ పద్మ వనే మాలతీ మాలతీ వనే।

కున్ద దన్తీ కున్దవనే సుశీలా కేతకీ వనే॥

కదమ్బ మాలా త్వం దేవీ కదమ్బ కాననే2పిచ।

రాజలక్ష్మీః రాజ గేహే గృహలక్ష్మీ ర్గృహే గృహే॥

ఇత్యుక్త్వా దేవతాస్సర్వాః మునయో మనవస్తథా।

రూరూదుర్న మ్రవదనాః శుష్క కణ్ఠోష్ఠ తాలుకాః॥

ఇతి లక్ష్మీ స్తవం పుణ్యం సర్వదేవైః కృతం శుభమ్।

యః పఠేత్ప్రాతరుత్థాయ సవైసర్వం లభేద్ధ్రువమ్॥

అభార్యో లభతే భార్యాం వినీతాం సుసుతాం సతీమ్।

సుశీలాం సున్దరీం రమ్యామతి సుప్రియవాదినీమ్॥

పుత్ర పౌత్ర వతీం శుద్ధాం కులజాం కోమలాం వరామ్।

అపుత్రో లభతే పుత్రం వైష్ణవం చిరజీవినమ్॥

పరమైశ్వర్య యుక్తఞ్చ విద్యావన్తం యశస్వినమ్।

భ్రష్టరాజ్యో లభేద్రాజ్యం భ్రష్ట శ్రీర్లభేతే శ్రియమ్॥

హత బన్ధుర్లభేద్బన్ధుం ధన భ్రష్టో ధనం లభేత్॥

కీర్తి హీనో లభేత్కీర్తిం ప్రతిష్ఠాఞ్చ లభేద్ధ్రువమ్॥

సర్వ మఙ్గలదం స్తోత్రం శోక సన్తాప నాశనమ్।

హర్షానన్దకరం శాశ్వద్ధర్మ మోక్ష సుహృత్పదమ్॥

॥ ఇతి సర్వ దేవ కృత లక్ష్మీ స్తోత్రం సమ్పూర్ణమ్ ॥