സര്വദേവ കൃത ശ്രീ ലക്ഷ്മീ സ്തോത്രമ്

സര്വദേവ കൃത ശ്രീ ലക്ഷ്മീ സ്തോത്രമ്

ശ്ലോക 1

ക്ഷമസ്വ ഭഗവത്യമ്ബ ക്ഷമാ ശീലേ പരാത്പരേ।

ശുദ്ധ സത്വ സ്വരൂപേച കോപാദി പരി വര്ജിതേ॥

ഉപമേ സര്വ സാധ്വീനാം ദേവീനാം ദേവ പൂജിതേ।

ത്വയാ വിനാ ജഗത്സര്വം മൃത തുല്യഞ്ച നിഷ്ഫലമ്।

സര്വ സമ്പത്സ്വരൂപാത്വം സര്വേഷാം സര്വ രൂപിണീ।

രാസേശ്വര്യധി ദേവീത്വം ത്വത്കലാഃ സര്വയോഷിതഃ॥

കൈലാസേ പാര്വതീ ത്വഞ്ച ക്ഷീരോധേ സിന്ധു കന്യകാ।

സ്വര്ഗേച സ്വര്ഗ ലക്ഷ്മീ സ്ത്വം മര്ത്യ ലക്ഷ്മീശ്ച ഭൂതലേ॥

വൈകുണ്ഠേച മഹാലക്ഷ്മീഃ ദേവദേവീ സരസ്വതീ।

ഗങ്ഗാച തുലസീത്വഞ്ച സാവിത്രീ ബ്രഹ്മ ലോകതഃ॥

കൃഷ്ണ പ്രാണാധി ദേവീത്വം ഗോലോകേ രാധികാ സ്വയമ്।

രാസേ രാസേശ്വരീ ത്വഞ്ച ബൃന്ദാ ബൃന്ദാവനേ വനേ॥

കൃഷ്ണ പ്രിയാ ത്വം ഭാണ്ഡീരേ ചന്ദ്രാ ചന്ദന കാനനേ।

വിരജാ ചമ്പക വനേ ശത ശൃങ്ഗേച സുന്ദരീ।

പദ്മാവതീ പദ്മ വനേ മാലതീ മാലതീ വനേ।

കുന്ദ ദന്തീ കുന്ദവനേ സുശീലാ കേതകീ വനേ॥

കദമ്ബ മാലാ ത്വം ദേവീ കദമ്ബ കാനനേ2പിച।

രാജലക്ഷ്മീഃ രാജ ഗേഹേ ഗൃഹലക്ഷ്മീ ര്ഗൃഹേ ഗൃഹേ॥

ഇത്യുക്ത്വാ ദേവതാസ്സര്വാഃ മുനയോ മനവസ്തഥാ।

രൂരൂദുര്ന മ്രവദനാഃ ശുഷ്ക കണ്ഠോഷ്ഠ താലുകാഃ॥

ഇതി ലക്ഷ്മീ സ്തവം പുണ്യം സര്വദേവൈഃ കൃതം ശുഭമ്।

യഃ പഠേത്പ്രാതരുത്ഥായ സവൈസര്വം ലഭേദ്ധ്രുവമ്॥

അഭാര്യോ ലഭതേ ഭാര്യാം വിനീതാം സുസുതാം സതീമ്।

സുശീലാം സുന്ദരീം രമ്യാമതി സുപ്രിയവാദിനീമ്॥

പുത്ര പൌത്ര വതീം ശുദ്ധാം കുലജാം കോമലാം വരാമ്।

അപുത്രോ ലഭതേ പുത്രം വൈഷ്ണവം ചിരജീവിനമ്॥

പരമൈശ്വര്യ യുക്തഞ്ച വിദ്യാവന്തം യശസ്വിനമ്।

ഭ്രഷ്ടരാജ്യോ ലഭേദ്രാജ്യം ഭ്രഷ്ട ശ്രീര്ലഭേതേ ശ്രിയമ്॥

ഹത ബന്ധുര്ലഭേദ്ബന്ധും ധന ഭ്രഷ്ടോ ധനം ലഭേത്॥

കീര്തി ഹീനോ ലഭേത്കീര്തിം പ്രതിഷ്ഠാഞ്ച ലഭേദ്ധ്രുവമ്॥

സര്വ മങ്ഗലദം സ്തോത്രം ശോക സന്താപ നാശനമ്।

ഹര്ഷാനന്ദകരം ശാശ്വദ്ധര്മ മോക്ഷ സുഹൃത്പദമ്॥

॥ ഇതി സര്വ ദേവ കൃത ലക്ഷ്മീ സ്തോത്രം സമ്പൂര്ണമ് ॥