સર્વદેવ કૃત શ્રી લક્ષ્મી સ્તોત્રમ્

સર્વદેવ કૃત શ્રી લક્ષ્મી સ્તોત્રમ્

શ્લોક 1

ક્ષમસ્વ ભગવત્યમ્બ ક્ષમા શીલે પરાત્પરે।

શુદ્ધ સત્વ સ્વરૂપેચ કોપાદિ પરિ વર્જિતે॥

ઉપમે સર્વ સાધ્વીનાં દેવીનાં દેવ પૂજિતે।

ત્વયા વિના જગત્સર્વં મૃત તુલ્યઞ્ચ નિષ્ફલમ્।

સર્વ સમ્પત્સ્વરૂપાત્વં સર્વેષાં સર્વ રૂપિણી।

રાસેશ્વર્યધિ દેવીત્વં ત્વત્કલાઃ સર્વયોષિતઃ॥

કૈલાસે પાર્વતી ત્વઞ્ચ ક્ષીરોધે સિન્ધુ કન્યકા।

સ્વર્ગેચ સ્વર્ગ લક્ષ્મી સ્ત્વં મર્ત્ય લક્ષ્મીશ્ચ ભૂતલે॥

વૈકુણ્ઠેચ મહાલક્ષ્મીઃ દેવદેવી સરસ્વતી।

ગઙ્ગાચ તુલસીત્વઞ્ચ સાવિત્રી બ્રહ્મ લોકતઃ॥

કૃષ્ણ પ્રાણાધિ દેવીત્વં ગોલોકે રાધિકા સ્વયમ્।

રાસે રાસેશ્વરી ત્વઞ્ચ બૃન્દા બૃન્દાવને વને॥

કૃષ્ણ પ્રિયા ત્વં ભાણ્ડીરે ચન્દ્રા ચન્દન કાનને।

વિરજા ચમ્પક વને શત શૃઙ્ગેચ સુન્દરી।

પદ્માવતી પદ્મ વને માલતી માલતી વને।

કુન્દ દન્તી કુન્દવને સુશીલા કેતકી વને॥

કદમ્બ માલા ત્વં દેવી કદમ્બ કાનને2પિચ।

રાજલક્ષ્મીઃ રાજ ગેહે ગૃહલક્ષ્મી ર્ગૃહે ગૃહે॥

ઇત્યુક્ત્વા દેવતાસ્સર્વાઃ મુનયો મનવસ્તથા।

રૂરૂદુર્ન મ્રવદનાઃ શુષ્ક કણ્ઠોષ્ઠ તાલુકાઃ॥

ઇતિ લક્ષ્મી સ્તવં પુણ્યં સર્વદેવૈઃ કૃતં શુભમ્।

યઃ પઠેત્પ્રાતરુત્થાય સવૈસર્વં લભેદ્ધ્રુવમ્॥

અભાર્યો લભતે ભાર્યાં વિનીતાં સુસુતાં સતીમ્।

સુશીલાં સુન્દરીં રમ્યામતિ સુપ્રિયવાદિનીમ્॥

પુત્ર પૌત્ર વતીં શુદ્ધાં કુલજાં કોમલાં વરામ્।

અપુત્રો લભતે પુત્રં વૈષ્ણવં ચિરજીવિનમ્॥

પરમૈશ્વર્ય યુક્તઞ્ચ વિદ્યાવન્તં યશસ્વિનમ્।

ભ્રષ્ટરાજ્યો લભેદ્રાજ્યં ભ્રષ્ટ શ્રીર્લભેતે શ્રિયમ્॥

હત બન્ધુર્લભેદ્બન્ધું ધન ભ્રષ્ટો ધનં લભેત્॥

કીર્તિ હીનો લભેત્કીર્તિં પ્રતિષ્ઠાઞ્ચ લભેદ્ધ્રુવમ્॥

સર્વ મઙ્ગલદં સ્તોત્રં શોક સન્તાપ નાશનમ્।

હર્ષાનન્દકરં શાશ્વદ્ધર્મ મોક્ષ સુહૃત્પદમ્॥

॥ ઇતિ સર્વ દેવ કૃત લક્ષ્મી સ્તોત્રં સમ્પૂર્ણમ્ ॥