സരസ്വതീ സൂക്തമ്

സരസ്വതീ സൂക്തമ്

ശ്ലോക 1

-(ഋ.വേ.6.61)

ഇ॒യമ്॑ദദാദ്രഭ॒സമൃ॑ണ॒ച്യുത॒-ന്ദിവോ᳚ദാസം-വഁദ്ര്യ॒ശ്വായ॑ ദാ॒ശുഷേ᳚ ।

യാ ശശ്വ᳚ന്തമാച॒ഖശദാ᳚വ॒സ-മ്പ॒ണി-ന്താ തേ᳚ ദാ॒ത്രാണി॑ തവി॒ഷാ സ॑രസ്വതി

ശ്ലോക 2

ഇ॒യം ശുഷ്മേ᳚ഭിര്ബിസ॒ഖാ ഇ॑വാരുജ॒ത്സാനു॑ ഗിരീ॒ണാ-ന്ത॑വി॒ഷേഭി॑രൂ॒ര്മിഭിഃ॑ ।

പാ॒രാ॒വ॒ത॒ഘ്നീമവ॑സേ സുവൃ॒ക്തിഭി॑സ്സര॑സ്വതീ॒ മാ വി॑വാസേമ ധീ॒തിഭിഃ॑

॥ 1 ॥

ശ്ലോക 3

സര॑സ്വതി ദേവ॒നിദോ॒ നി ബ॑ര്​ഹയ പ്ര॒ജാം-വിഁശ്വ॑സ്യ॒ ബൃസ॑യസ്യ മാ॒യിനഃ॑ ।

ഉ॒ത ക്ഷി॒തിഭ്യോ॒-ഽവനീ᳚രവിന്ദോ വി॒ഷമേ᳚ഭ്യോ അസ്രവോ വാജിനീവതി

॥ 2 ॥

ശ്ലോക 4

പ്രണോ᳚ ദേ॒വീ സര॑സ്വതീ॒ വാജേ᳚ഭിര്വാ॒ജിനീ᳚വതീ ।

ധീ॒നാമ॑വി॒ത്ര്യ॑വതു

॥ 3 ॥

ശ്ലോക 5

യസ്ത്വാ᳚ ദേവി സരസ്വത്യുപബ്രൂ॒തേ ധനേ᳚ ഹി॒തേ ।

ഇന്ദ്ര॒-ന്ന വൃ॑ത്ര॒തൂര്യേ᳚

॥ 4 ॥

ശ്ലോക 6

ത്വ-ന്ദേ᳚വി സരസ്വ॒ത്യവാ॒ വാജേ᳚ഷു വാജിനി ।

രദാ᳚ പൂ॒ഷേവ॑ ന-സ്സ॒നിമ്

॥ 5 ॥

ശ്ലോക 7

ഉ॒ത സ്യാ ന॒-സ്സര॑സ്വതീ ഘോ॒രാ ഹിര᳚ണ്യവര്തനിഃ ।

വൃ॒ത്ര॒ഘ്നീ വ॑ഷ്ടി സുഷ്ടു॒തിമ്

॥ 6 ॥

ശ്ലോക 8

യസ്യാ᳚ അന॒ന്തോ അഹ്രു॑തസ്ത്വേ॒ഷശ്ച॑രി॒ഷ്ണുര᳚ര്ണ॒വഃ ।

അമ॒ശ്ചര॑തി॒ രോരു॑വത്

॥ 7 ॥

ശ്ലോക 9

സാ നോ॒ വിശ്വാ॒ അതി॒ ദ്വിഷ॒-സ്സ്വസൄ᳚ര॒ന്യാ ഋ॒താവ॑രീ ।

അത॒ന്നഹേ᳚വ॒ സൂര്യഃ॑

॥ 8 ॥

ശ്ലോക 10

ഉ॒ത നഃ॑ പ്രി॒യാ പ്രി॒യാസു॑ സ॒പ്തസ്വ॑സാ॒ സുജു॑ഷ്ടാ ।

സര॑സ്വതീ॒ സ്തോമ്യാ᳚ ഭൂത്

॥ 9 ॥

ശ്ലോക 11

ആ॒പ॒പ്രുഷീ॒ പാര്ഥി॑വാന്യു॒രു രജോ᳚ അ॒ന്തരി॑ക്ഷമ് ।

സര॑സ്വതീ നി॒ദസ്പാ᳚തു

॥ 10 ॥

ശ്ലോക 12

ത്രി॒ഷ॒ധസ്ഥാ᳚ സ॒പ്തധാ᳚തുഃ॒ പഞ്ച॑ ജാ॒താ വ॒ര്ധയ᳚ന്തീ ।

വാജേ᳚വാജേ॒ ഹവ്യാ᳚ ഭൂത്

॥ 11 ॥

ശ്ലോക 13

പ്ര യാ മ॑ഹി॒മ്നാ മ॒ഹിനാ᳚സു॒ ചേകി॑തേ ദ്യു॒മ്നേഭി॑ര॒ന്യാ അ॒പസാ᳚മ॒പസ്ത॑മാ ।

രഥ॑ ഇവ ബൃഹ॒തീ വി॒ഭ്വനേ᳚ കൃ॒തോപ॒സ്തുത്യാ᳚ ചികി॒തുഷാ॒ സര॑സ്വതീ

॥ 12 ॥

ശ്ലോക 14

സര॑സ്വത്യ॒ഭി നോ᳚ നേഷി॒ വസ്യോ॒ മാപ॑ സ്ഫരീഃ॒ പയ॑സാ॒ മാ ന॒ ആ ധ॑ക് ।

ജു॒ഷസ്വ॑ ന-സ്സ॒ഖ്യാ വേ॒ശ്യാ᳚ ച॒ മാ ത്വ-ത്ക്ഷേത്രാ॒ണ്യര॑ണാനി ഗന്മ

॥ 13 ॥

ശ്ലോക 15

–(ഋ.വേ.7.95)

പ്ര ക്ഷോദ॑സാ॒ ധായ॑സാ സസ്ര ഏ॒ഷാ സര॑സ്വതീ ധ॒രുണ॒മായ॑സീ॒ പൂഃ ।

പ്ര॒ബാബ॑ധാനാ ര॒ഥ്യേ᳚വ യാതി॒ വിശ്വാ᳚ അ॒പോ മ॑ഹി॒നാ സിന്ധു॑ര॒ന്യാഃ

॥ 14 ॥

ശ്ലോക 16

ഏകാ᳚ചേത॒ത്സര॑സ്വതീ ന॒ദീനാം॒ ശുചി᳚ര്യ॒തീ ഗി॒രിഭ്യ॒ ആ സ॑മു॒ദ്രാത് ।

രാ॒യശ്ചേത᳚ന്തീ॒ ഭുവ॑നസ്യ॒ ഭൂരേ᳚ര്ഘൃ॒ത-മ്പയോ᳚ ദുദുഹേ॒ നാഹു॑ഷായ

॥ 15 ॥

ശ്ലോക 17

സ വാ᳚വൃധേ॒ നര്യോ॒ യോഷ॑ണാസു॒ വൃഷാ॒ ശിശു᳚ര്വൃഷ॒ഭോ യ॒ജ്ഞിയാ᳚സു ।

സ വാ॒ജിന᳚-മ്മ॒ഘവ॑ദ്ഭ്യോ ദധാതി॒ വി സാ॒തയേ᳚ ത॒ന്വ᳚-മ്മാമൃജീത

॥ 16 ॥

ശ്ലോക 18

ഉ॒ത സ്യാ ന॒-സ്സര॑സ്വതീ ജുഷാ॒ണോപ॑ ശ്രവത്സു॒ഭഗാ᳚ യ॒ജ്ഞേ അ॒സ്മിന്ന് ।

മി॒തജ്ഞു॑ഭിര്നമ॒സ്യൈ᳚രിയാ॒നാ രാ॒യാ യു॒ജാ ചി॒ദുത്ത॑രാ॒ സഖി॑ഭ്യഃ

॥ 17 ॥

ശ്ലോക 19

ഇ॒മാ ജുഹ്വാ᳚നാ യു॒ഷ്മദാ നമോ᳚ഭിഃ॒ പ്രതി॒ സ്തോമം᳚ സരസ്വതി ജുഷസ്വ ।

തവ॒ ശര്മ᳚ന്പ്രി॒യത॑മേ॒ ദധാ᳚നാ॒ ഉപ॑ സ്ഥേയാമ ശര॒ണ-ന്ന വൃ॒ക്ഷമ്

॥ 18 ॥

ശ്ലോക 20

അ॒യമു॑ തേ സരസ്വതി॒ വസി॑ഷ്ഠോ॒ ദ്വാരാ᳚വൃ॒തസ്യ॑ സുഭഗേ॒ വ്യാ᳚വഃ ।

വര്ധ॑ ശുഭ്രേ സ്തുവ॒തേ രാ᳚സി॒ വാജാ॑ന്യൂ॒യ-മ്പാ᳚ത സ്വ॒സ്തിഭി॒-സ്സദാ᳚ നഃ

॥ 19 ॥

ശ്ലോക 21

(ഋ.വേ.7.96)

ബൃ॒ഹദു॑ ഗായിഷേ॒ വചോ᳚-ഽസു॒ര്യാ᳚ ന॒ദീനാ᳚മ് ।

സര॑സ്വതീ॒മിന്മ॑ഹയാ സുവൃ॒ക്തിഭി॒സ്സ്തോമൈ᳚ര്വസിഷ്ഠ॒ രോദ॑സീ

॥ 20 ॥

ശ്ലോക 22

ഉ॒ഭേ യത്തേ᳚ മഹി॒നാ ശു॑ഭ്രേ॒ അന്ധ॑സീ അധിക്ഷി॒യന്തി॑ പൂ॒രവഃ॑ ।

സാ നോ᳚ ബോധ്യവി॒ത്രീ മ॒രുത്സ॑ഖാ॒ ചോദ॒ രാധോ᳚ മ॒ഘോനാ᳚മ്

॥ 21 ॥

ശ്ലോക 23

ഭ॒ദ്രമിദ്ഭ॒ദ്രാ കൃ॑ണവ॒ത്സര॑സ്വ॒ത്യക॑വാരീ ചേതതി വാ॒ജിനീ᳚വതീ ।

ഗൃ॒ണാ॒നാ ജ॑മദഗ്നി॒വത്സ്തു॑വാ॒നാ ച॑ വസിഷ്ഠ॒വത്

॥ 22 ॥

ശ്ലോക 24

ജ॒നീ॒യന്തോ॒ ന്വഗ്ര॑വഃ പുത്രീ॒യന്തഃ॑ സു॒ദാന॑വഃ ।

സര॑സ്വന്തം ഹവാമഹേ

॥ 23 ॥

ശ്ലോക 25

യേ തേ᳚ സരസ്വ ഊ॒ര്മയോ॒ മധു॑മന്തോ ഘൃത॒ശ്ചുതഃ॑ ।

തേഭി᳚ര്നോ-ഽവി॒താ ഭ॒വ

॥ 24 ॥

ശ്ലോക 26

പീ॒പി॒വാംസം॒ സര॑സ്വത॒-സ്സ്തനം॒-യോഁ വി॒ശ്വദ॑ര്​ശതഃ ।

ഭ॒ക്ഷീ॒മഹി॑ പ്ര॒ജാമിഷമ്᳚

॥ 25 ॥

ശ്ലോക 27

(ഋ.വേ.2.41.16)

അമ്ബി॑തമേ॒ നദീ᳚തമേ॒ ദേവി॑തമേ॒ സര॑സ്വതി ।

അ॒പ്ര॒ശ॒സ്താ ഇ॑വ സ്മസി॒ പ്രശ॑സ്തിമമ്ബ നസ്കൃധി

॥ 26 ॥

ശ്ലോക 28

ത്വേ വിശ്വാ᳚ സരസ്വതി ശ്രി॒തായൂം᳚ഷി ദേ॒വ്യാമ് ।

ശു॒നഹോ᳚ത്രേഷു മത്സ്വ പ്ര॒ജാ-ന്ദേ᳚വി ദിദിഡ്ഢി നഃ

॥ 27 ॥

ശ്ലോക 29

ഇ॒മാ ബ്രഹ്മ॑ സരസ്വതി ജു॒ഷസ്വ॑ വാജിനീവതി ।

യാ തേ॒ മന്മ॑ ഗൃത്സമ॒ദാ ഋ॑താവരി പ്രി॒യാ ദേ॒വേഷു॒ ജുഹ്വ॑തി

॥ 28 ॥

ശ്ലോക 30

(ഋ.വേ.1.3.10)

പാ॒വ॒കാ ന॒-സ്സര॑സ്വതീ॒ വാജേ᳚ഭിര്വാ॒ജിനീ᳚വതീ ।

യ॒ജ്ഞം-വഁ॑ഷ്ടു ധി॒യാവ॑സുഃ

॥ 29 ॥

ശ്ലോക 31

ചോ॒ദ॒യി॒ത്രീ സൂ॒നൃതാ᳚നാ॒-ഞ്ചേത᳚ന്തീ സുമതീ॒നാമ് ।

യ॒ജ്ഞ-ന്ദ॑ധേ॒ സര॑സ്വതീ

॥ 30 ॥

ശ്ലോക 32

മ॒ഹോ അര്ണ॒-സ്സര॑സ്വതീ॒ പ്ര ചേ᳚തയതി കേ॒തുനാ᳚ ।

ധിയോ॒ വിശ്വാ॒ വി രാ᳚ജതി

॥ 31 ॥

ശ്ലോക 33

(ഋ.വേ.10.17.7)

സര॑സ്വതീ-ന്ദേവ॒യന്തോ᳚ ഹവന്തേ॒ സര॑സ്വതീമധ്വ॒രേ താ॒യമാ᳚നേ ।

സര॑സ്വതീം സു॒കൃതോ᳚ അഹ്വയന്ത॒ സര॑സ്വതീ ദാ॒ശുഷേ॒ വാര്യ᳚-ന്ദാത്

॥ 32 ॥

ശ്ലോക 34

സര॑സ്വതി॒ യാ സ॒രഥം᳚-യഁ॒യാഥ॑ സ്വ॒ധാഭി॑ര്ദേവി പി॒തൃഭി॒ര്മദ᳚ന്തീ ।

ആ॒സദ്യാ॒സ്മിന്ബ॒ര്​ഹിഷി॑ മാദയസ്വാനമീ॒വാ ഇഷ॒ ആ ധേ᳚ഹ്യ॒സ്മേ

॥ 33 ॥

ശ്ലോക 35

സര॑സ്വതീം॒-യാഁ-മ്പി॒തരോ॒ ഹവ᳚ന്തേ ദക്ഷി॒ണാ യ॒ജ്ഞമ॑ഭി॒നക്ഷ॑മാണാഃ ।

സ॒ഹ॒സ്രാ॒ര്ഘമി॒ലോ അത്ര॑ ഭാ॒ഗം രാ॒യസ്പോഷം॒-യഁജ॑മാനേഷു ധേഹി

॥ 34 ॥

ശ്ലോക 36

(ഋ.വേ.5.43.11)

ആ നോ᳚ ദി॒വോ ബൃ॑ഹ॒തഃ പര്വ॑താ॒ദാ സര॑സ്വതീ യജ॒താ ഗ᳚ന്തു യ॒ജ്ഞമ് ।

ഹവ᳚-ന്ദേ॒വീ ജു॑ജുഷാ॒ണാ ഘൃ॒താചീ᳚ ശ॒ഗ്മാ-ന്നോ॒ വാച॑മുശ॒തീ ശൃ॑ണോതു

॥ 35 ॥

ശ്ലോക 37

(ഋ.വേ.2.32.4)

രാ॒കാമ॒ഹം സു॒ഹവാം᳚ സുഷ്ടു॒തീ ഹു॑വേ ശൃ॒ണോതു॑ ന-സ്സു॒ഭഗാ॒ ബോധ॑തു॒ ത്മനാ᳚ ।

സീവ്യ॒ത്വപഃ॑ സൂ॒ച്യാച്ഛി॑ദ്യമാനയാ॒ ദദാ᳚തു വീ॒രം ശ॒തദാ᳚യമു॒ക്ഥ്യമ്᳚

॥ 36 ॥

ശ്ലോക 38

യാസ്തേ᳚ രാകേ സുമ॒തയഃ॑ സു॒പേശ॑സോ॒ യാഭി॒ര്ദദാ᳚സി ദാ॒ശുഷേ॒ വസൂ᳚നി ।

താഭി᳚ര്നോ അ॒ദ്യ സു॒മനാ᳚ ഉ॒പാഗ॑ഹി സഹസ്രപോ॒ഷം സു॑ഭഗേ॒ രരാ᳚ണാ

॥ 37 ॥

ശ്ലോക 39

സിനീ᳚വാലി॒ പൃഥു॑ഷ്ടുകേ॒ യാ ദേ॒വാനാ॒മസി॒ സ്വസാ᳚ ।

ജു॒ഷസ്വ॑ ഹ॒വ്യമാഹു॑ത-മ്പ്ര॒ജാ-ന്ദേ᳚വി ദിദിഡ്ഢി നഃ

॥ 38 ॥

ശ്ലോക 40

യാ സു॑ബാ॒ഹു-സ്സ്വ᳚ങ്ഗു॒രി-സ്സു॒ഷൂമാ᳚ ബഹു॒സൂവ॑രീ ।

തസ്യൈ᳚ വി॒ശ്പത്ന്യൈ᳚ ഹ॒വി-സ്സി॑നീവാ॒ല്യൈ ജു॑ഹോതന

॥ 39 ॥

ശ്ലോക 41

യാ ഗു॒ങ്ഗൂര്യാ സി॑നീവാ॒ലീ യാ രാ॒കാ യാ സര॑സ്വതീ ।

ഇ॒ന്ദ്രാ॒ണീമ॑ഹ്വ ഊ॒തയേ᳚ വരുണാ॒നീം സ്വ॒സ്തയേ᳚

॥ 40 ॥

ശ്ലോക 42

ഓം ശാന്തി॒-ശ്ശാന്തി॒-ശ്ശാന്തിഃ॑ ॥