Sanusvara Prasna (Sunnala Pannam)

ସାନୁସ୍ଵାର ପ୍ରଶ୍ନ (ସୁନ୍ନାଲ ପନ୍ନମ୍)

ଶ୍ଲୋକ 1

ଶ୍ରୀ ଗୁରୁଭ୍ଯୋ ନମଃ । ହରିଃ ଓମ୍ ।

ବ୍ରହ୍ମ॑ଣେ ବ୍ରାହ୍ମ॒ଣମାଲ॑ଭତେ । କ୍ଷ॒ତ୍ତ୍ରାଯ॑ ରାଜ॒ନ୍ଯମ୍᳚ ।

ମ॒ରୁଦ୍ଭ୍ଯୋ॒ ଵୈଶ୍ଯମ୍᳚ । ତପ॑ସେ ଶୂ॒ଦ୍ରମ୍ ।

ତମ॑ସେ॒ ତସ୍କ॑ରମ୍ । ନାର॑କାଯ ଵୀର॒ହଣମ୍᳚ ।

ପା॒ପ୍ମନେ᳚ କ୍ଲୀ॒ବମ୍ । ଆ॒କ୍ର॒ଯାଯା॑ଯୋ॒ଗୂମ୍ ।

କାମା॑ଯ ପୁଗ୍ଗ୍‍ଶ୍ଚ॒ଲୂମ୍ । ଅତି॑କ୍ରୁଷ୍ଟାଯ ମାଗ॒ଧମ୍

ଶ୍ଲୋକ 2

ଗୀ॒ତାଯ॑ ସୂ॒ତମ୍ । ନୃ॒ତ୍ତାଯ॑ ଶୈଲୂ॒ଷମ୍ ।

ଧର୍ମା॑ଯ ସଭାଚ॒ରମ୍ । ନ॒ର୍ମାଯ॑ ରେ॒ଭମ୍ ।

ନରି॑ଷ୍ଠାଯୈ ଭୀମ॒ଲମ୍ । ହସା॑ଯ॒ କାରିମ୍᳚ ।

ଆ॒ନ॒ନ୍ଦାଯ॑ ସ୍ତ୍ରୀଷ॒ଖମ୍ । ପ୍ର॒ମୁଦେ॑ କୁମାରୀପୁ॒ତ୍ରମ୍ ।

ମେ॒ଧାଯୈ॑ ରଥକା॒ରମ୍ । ଧୈର୍ଯା॑ଯ॒ ତକ୍ଷା॑ଣମ୍

॥ 1 ॥

ଶ୍ଲୋକ 3

ଶ୍ରମା॑ଯ କୌଲା॒ଲମ୍ । ମା॒ଯାଯୈ॑ କାର୍ମା॒ରମ୍ ।

ରୂ॒ପାଯ॑ ମଣିକା॒ରମ୍ । ଶୁଭେ॑ ଵ॒ପମ୍ ।

ଶ॒ର॒ଵ୍ଯା॑ଯା ଇଷୁକା॒ରମ୍ । ହେ॒ତ୍ଯୈ ଧ॑ନ୍ଵକା॒ରମ୍ ।

କର୍ମ॑ଣେ ଜ୍ଯାକା॒ରମ୍ । ଦି॒ଷ୍ଟାଯ॑ ରଜ୍ଜୁସ॒ର୍ଗମ୍ ।

ମୃ॒ତ୍ଯଵେ॑ ମୃଗ॒ଯୁମ୍ । ଅନ୍ତ॑କାଯ ଶ୍ଵ॒ନିତମ୍᳚

॥ 2 ॥

ଶ୍ଲୋକ 4

ସ॒ନ୍ଧଯେ॑ ଜା॒ରମ୍ । ଗେ॒ହାଯୋ॑ପପ॒ତିମ୍ ।

ନିର୍-ଋ॑ତ୍ଯୈ ପରିଵି॒ତ୍ତମ୍ । ଆର୍ତ୍ଯୈ॑ ପରିଵିଵିଦା॒ନମ୍ ।

ଅରା᳚ଧ୍ଯୈ ଦିଧିଷୂ॒ପତିମ୍᳚ । ପ॒ଵିତ୍ରା॑ଯ ଭି॒ଷଜମ୍᳚ ।

ପ୍ର॒ଜ୍ଞାନା॑ଯ ନକ୍ଷତ୍ରଦ॒ର୍​ଶମ୍ । ନିଷ୍କୃ॑ତ୍ଯୈ ପେଶସ୍କା॒ରୀମ୍ ।

ବଲା॑ଯୋପ॒ଦାମ୍ । ଵର୍ଣା॑ଯାନୂ॒ରୁଧମ୍᳚

॥ 3 ॥

ଶ୍ଲୋକ 5

ନ॒ଦୀଭ୍ଯଃ॑ ପୌଞ୍ଜି॒ଷ୍ଟମ୍ । ଋ॒କ୍ଷୀକା᳚ଭ୍ଯୋ॒ ନୈଷା॑ଦମ୍ ।

ପୁ॒ରୁ॒ଷ॒ଵ୍ଯା॒ଘ୍ରାଯ॑ ଦୁ॒ର୍ମଦମ୍᳚ । ପ୍ର॒ଯୁଦ୍ଭ୍ଯ॒ ଉନ୍ମ॑ତ୍ତମ୍ ।

ଗ॒ନ୍ଧ॒ର୍ଵା॒ପ୍ସ॒ରାଭ୍ଯୋ॒ ଵ୍ରାତ୍ଯମ୍᳚ । ସ॒ର୍ପ॒ଦେ॒ଵ॒ଜ॒ନେଭ୍ଯୋ-ଽପ୍ର॑ତିପଦମ୍ ।

ଅଵେ᳚ଭ୍ଯଃ କିତ॒ଵମ୍ । ଇ॒ର୍ଯତା॑ଯା॒ ଅକି॑ତଵମ୍ ।

ପି॒ଶା॒ଚେଭ୍ଯୋ॑ ବିଦଲକା॒ରମ୍ । ଯା॒ତୁ॒ଧାନେ᳚ଭ୍ଯଃ କଣ୍ଟକକା॒ରମ୍

॥ 4 ॥

ଶ୍ଲୋକ 6

ଉ॒ଥ୍ସା॒ଦେଭ୍ଯଃ॑ କୁ॒ବ୍ଜମ୍ । ପ୍ର॒ମୁଦେ॑ ଵାମ॒ନମ୍ ।

ଦ୍ଵା॒ର୍ଭ୍ଯ-ସ୍ସ୍ରା॒ମମ୍ । ସ୍ଵପ୍ନା॑ଯା॒ନ୍ଧମ୍ ।

ଅଧ॑ର୍ମାଯ ବଧି॒ରମ୍ । ସ॒ଞ୍ଜ୍ଞାନା॑ଯ ସ୍ମରକା॒ରୀମ୍ ।

ପ୍ର॒କା॒ମୋଦ୍ଯା॑ଯୋପ॒ସଦମ୍᳚ । ଆ॒ଶି॒କ୍ଷାଯୈ᳚ ପ୍ର॒ଶ୍ନିନମ୍᳚ ।

ଉ॒ପ॒ଶି॒କ୍ଷାଯା॑ ଅଭିପ୍ର॒ଶ୍ନିନମ୍᳚ । ମ॒ର୍ଯାଦା॑ଯୈ ପ୍ରଶ୍ନଵିଵା॒କମ୍

॥ 5 ॥

ଶ୍ଲୋକ 7

ଋତ୍ଯୈ᳚ ସ୍ତେ॒ନହୃ॑ଦଯମ୍ । ଵୈର॑ହତ୍ଯାଯ॒ ପିଶୁ॑ନମ୍ ।

ଵିଵି॑ତ୍ତ୍ଯୈ କ୍ଷ॒ତ୍ତାରମ୍᳚ । ଔପ॑ଦ୍ରଷ୍ଟାଯ ସଙ୍ଗ୍ରହୀ॒ତାରମ୍᳚ ।

ବଲା॑ଯାନୁଚ॒ରମ୍ । ଭୂ॒ମ୍ନେ ପ॑ରିଷ୍କ॒ନ୍ଦମ୍ ।

ପ୍ରି॒ଯାଯ॑ ପ୍ରିଯଵା॒ଦିନମ୍᳚ । ଅରି॑ଷ୍ଟ୍ଯା ଅଶ୍ଵସା॒ଦମ୍ ।

ମେଧା॑ଯ ଵାସଃ ପଲ୍ପୂ॒ଲୀମ୍ । ପ୍ର॒କା॒ମାଯ॑ ରଜଯି॒ତ୍ରୀମ୍

॥ 6 ॥

ଶ୍ଲୋକ 8

ଭାଯୈ॑ ଦାର୍ଵାହା॒ରମ୍ । ପ୍ର॒ଭାଯା॑ ଆଗ୍ନେ॒ନ୍ଧମ୍ ।

ନାକ॑ସ୍ଯ ପୃ॒ଷ୍ଠାଯା॑ଭିଷେ॒କ୍ତାରମ୍᳚ ।

ବ୍ର॒ଧ୍ନସ୍ଯ॑ ଵି॒ଷ୍ଟପା॑ଯ ପାତ୍ରନିର୍ଣେ॒ଗମ୍ ।

ଦେ॒ଵ॒ଲୋ॒କାଯ॑ ପେଶି॒ତାରମ୍᳚ । ମ॒ନୁ॒ଷ୍ଯ॒ଲୋ॒କାଯ॑ ପ୍ରକରି॒ତାରମ୍᳚ ।

ସର୍ଵେ᳚ଭ୍ଯୋ ଲୋ॒କେଭ୍ଯ॑ ଉପସେ॒କ୍ତାରମ୍᳚ ।

ଅଵ॑ର୍ତ୍ଯୈ ଵ॒ଧାଯୋ॑ପମନ୍ଥି॒ତାରମ୍᳚ । ସୁ॒ଵ॒ର୍ଗାଯ॑ ଲୋ॒କାଯ॑ ଭାଗ॒ଦୁଘମ୍᳚ ।

ଵର୍​ଷି॑ଷ୍ଠାଯ॒ ନାକା॑ଯ ପରିଵେ॒ଷ୍ଟାରମ୍᳚

॥ 7 ॥

ଶ୍ଲୋକ 9

ଅର୍ମେ᳚ଭ୍ଯୋ ହସ୍ତି॒ପମ୍ । ଜ॒ଵାଯା᳚ଶ୍ଵ॒ପମ୍ ।

ପୁଷ୍ଟ୍ଯୈ॑ ଗୋପା॒ଲମ୍ । ତେଜ॑ସେ-ଽଜପା॒ଲମ୍ ।

ଵୀ॒ର୍ଯା॑ଯାଵିପା॒ଲମ୍ । ଇରା॑ଯୈ କୀ॒ନାଶମ୍᳚ ।

କୀ॒ଲାଲା॑ଯ ସୁରାକା॒ରମ୍ । ଭ॒ଦ୍ରାଯ॑ ଗୃହ॒ପମ୍ ।

ଶ୍ରେଯ॑ସେ ଵିତ୍ତ॒ଧମ୍ । ଅଧ୍ଯ॑କ୍ଷାଯାନୁକ୍ଷ॒ତ୍ତାରମ୍᳚

॥ 8 ॥

ଶ୍ଲୋକ 10

ମ॒ନ୍ଯଵେ॑-ଽଯସ୍ତା॒ପମ୍ । କ୍ରୋଧା॑ଯ ନିସ॒ରମ୍ ।

ଶୋକା॑ଯାଭିସ॒ରମ୍ । ଉ॒ତ୍କୂ॒ଲ॒ଵି॒କୂ॒ଲାଭ୍ଯା᳚-ନ୍ତ୍ରି॒ସ୍ଥିନମ୍᳚ ।

ଯୋଗା॑ଯ ଯୋ॒କ୍ତାରମ୍᳚ । କ୍ଷେମା॑ଯ ଵିମୋ॒କ୍ତାରମ୍᳚ ।

ଵପୁ॑ଷେ ମାନସ୍କୃ॒ତମ୍ । ଶୀଲା॑ଯାଞ୍ଜନୀକା॒ରମ୍ ।

ନିର୍-ଋ॑ତ୍ଯୈ କୋଶକା॒ରୀମ୍ । ଯ॒ମାଯା॒ସୂମ୍

॥ 9 ॥

ଶ୍ଲୋକ 11

ଯ॒ମ୍ଯୈ॑ ଯମ॒ସୂମ୍ । ଅଥ॑ର୍ଵ॒ଭ୍ଯୋ-ଽଵ॑ତୋକାମ୍ ।

ସଂ॒​ଵଁ॒ଥ୍ସ॒ରାଯ॑ ପର୍ଯା॒ରିଣୀ᳚ମ୍ । ପ॒ରି॒ଵ॒ଥ୍ସ॒ରାଯାଵି॑ଜାତାମ୍ ।

ଇ॒ଦା॒ଵ॒ଥ୍ସ॒ରାଯା॑ପ॒ସ୍କଦ୍ଵ॑ରୀମ୍ । ଇ॒ଦ୍ଵ॒ତ୍ସ॒ରାଯା॒ତୀତ୍ଵ॑ରୀମ୍ ।

ଵ॒ଥ୍ସ॒ରାଯ॒ ଵିଜ॑ର୍ଜରାମ୍ । ସଂ॒​ଵଁ॒ଥ୍ସ॒ରାଯ॒ ପଲି॑କ୍ନୀମ୍ ।

ଵନା॑ଯ ଵନ॒ପମ୍ । ଅ॒ନ୍ଯତୋ॑-ଽରଣ୍ଯାଯ ଦାଵ॒ପମ୍

॥ 10 ॥

ଶ୍ଲୋକ 12

ସରୋ᳚ଭ୍ଯୋ ଧୈଵ॒ରମ୍ । ଵେଶ॑ନ୍ତାଭ୍ଯୋ॒ ଦାଶମ୍᳚ ।

ଉ॒ପ॒ସ୍ଥାଵ॑ରୀଭ୍ଯୋ॒ ବୈନ୍ଦମ୍᳚ । ନ॒ଡ୍ଵ॒ଲାଭ୍ଯଃ॑ ଶୌଷ୍କ॒ଲମ୍ ।

ପା॒ର୍ଯା॑ଯ କୈଵ॒ର୍ତମ୍ । ଅ॒ଵା॒ର୍ଯା॑ଯ ମାର୍ଗା॒ରମ୍ ।

ତୀ॒ର୍ଥେଭ୍ଯ॑ ଆ॒ନ୍ଦମ୍ । ଵିଷ॑ମେଭ୍ଯୋ ମୈନା॒ଲମ୍ ।

ସ୍ଵନେ᳚ଭ୍ଯଃ॒ ପର୍ଣ॑କମ୍ । ଗୁହା᳚ଭ୍ଯଃ॒ କିରା॑ତମ୍ ।

ସାନୁ॑ଭ୍ଯୋ॒ ଜମ୍ଭ॑କମ୍ । ପର୍ଵ॑ତେଭ୍ଯଃ॒ କିମ୍ପୂ॑ରୁଷମ୍

॥ 11 ॥

ଶ୍ଲୋକ 13

ପ୍ର॒ତି॒ଶ୍ରୁତ୍କା॑ଯା..ଋତୁ॒ଲମ୍ । ଘୋଷା॑ଯ ଭ॒ଷମ୍ ।

ଅନ୍ତା॑ଯ ବହୁଵା॒ଦିନମ୍᳚ । ଅ॒ନ॒ନ୍ତାଯ॒ ମୂକମ୍᳚ ।

ମହ॑ସେ ଵୀଣାଵା॒ଦମ୍ । କ୍ରୋଶା॑ଯ ତୂଣଵ॒ଧ୍ମମ୍ ।

ଆ॒କ୍ର॒ନ୍ଦାଯ॑ ଦୁନ୍ଦୁଭ୍ଯାଘା॒ତମ୍ । ଅ॒ଵ॒ର॒ସ୍ପ॒ରାଯ॑ ଶଙ୍ଖ॒ଧ୍ମମ୍ ।

ଋ॒ଭୁଭ୍ଯୋ॑-ଽଜିନସନ୍ଧା॒ଯମ୍ । ସା॒ଧ୍ଯେଭ୍ଯ॑ଶ୍ଚର୍ମ॒ମ୍ଣମ୍

॥ 12 ॥

ଶ୍ଲୋକ 14

ବୀ॒ଭ॒ଥ୍ସାଯୈ॑ ପୌଲ୍କ॒ସମ୍ । ଭୂତ୍ଯୈ॑ ଜାଗର॒ଣମ୍ ।

ଅଭୂ᳚ତ୍ଯୈ ସ୍ଵପ॒ନମ୍ । ତୁ॒ଲାଯୈ॑ ଵାଣି॒ଜମ୍ ।

ଵର୍ଣା॑ଯ ହିରଣ୍ଯକା॒ରମ୍ । ଵିଶ୍ଵେ᳚ଭ୍ଯୋ ଦେ॒ଵେଭ୍ଯଃ॑ ସିଧ୍ମ॒ଲମ୍ ।

ପ॒ଶ୍ଚା॒ଦ୍ଦୋ॒ଷାଯ॑ ଗ୍ଲା॒ଵମ୍ । ଋତ୍ଯୈ॑ ଜନଵା॒ଦିନମ୍᳚ ।

ଵ୍ଯୃ॑ଦ୍ଧ୍ଯା ଅପଗ॒ଲ୍ଭମ୍ । ସ॒ଗ୍ଂ॒‍ଶ॒ରାଯ॑ ପ୍ର॒ଚ୍ଛିଦମ୍᳚

॥ 13 ॥

ଶ୍ଲୋକ 15

ହସା॑ଯ ପୁଗ୍ଗ୍‍ଶ୍ଚ॒ଲୂମାଲ॑ଭତେ । ଵୀ॒ଣା॒ଵା॒ଦ-ଙ୍ଗଣ॑କ-ଙ୍ଗୀ॒ତାଯ॑ ।

ଯାଦ॑ସେ ଶାବୁ॒ଲ୍ଯାମ୍ । ନ॒ର୍ମାଯ॑ ଭଦ୍ରଵ॒ତୀମ୍ ।

ତୂ॒ଷ୍ଣ॒ଵ॒ଧ୍ମ-ଙ୍ଗ୍ରା॑ମ॒ଣ୍ଯ॑-ମ୍ପାଣିସଙ୍ଘା॒ତ-ନ୍ନୃ॒ତ୍ତାଯ॑ ।

ମୋଦା॑ଯାନୁ॒କ୍ରୋଶ॑କମ୍ । ଆ॒ନ॒ନ୍ଦାଯ॑ ତଲ॒ଵମ୍

॥ 14 ॥

ଶ୍ଲୋକ 16

ଅ॒କ୍ଷ॒ରା॒ଜାଯ॑ କିତ॒ଵମ୍ । କୃ॒ତାଯ॑ ସଭା॒ଵିନମ୍᳚ ।

ତ୍ରେତା॑ଯା ଆଦିନଵଦ॒ର୍​ଶମ୍ । ଦ୍ଵା॒ପ॒ରାଯ॑ ବହି॒-ସ୍ସଦମ୍᳚ ।

କଲ॑ଯେ ସଭାସ୍ଥା॒ଣୁମ୍ । ଦୁ॒ଷ୍କୃ॒ତାଯ॑ ଚ॒ରକା॑ଚାର୍ଯମ୍ ।

ଅଧ୍ଵ॑ନେ ବ୍ରହ୍ମଚା॒ରିଣମ୍᳚ । ପି॒ଶା॒ଚେଭ୍ଯଃ॑ ସୈଲ॒ଗମ୍ ।

ପି॒ପା॒ସାଯୈ॑ ଗୋଵ୍ଯ॒ଚ୍ଛମ୍ । ନିର୍-ଋ॑ତ୍ଯୈ ଗୋଘା॒ତମ୍ ।

କ୍ଷୁ॒ଧେ ଗୋ॑ଵିକ॒ର୍ତମ୍ । କ୍ଷୁ॒ତ୍ତୃ॒ଷ୍ଣାଭ୍ଯା॒-ନ୍ତମ୍ ।

ଯୋ ଗାଂ-ଵିଁ॒କୃନ୍ତ॑ନ୍ତ-ମ୍ମା॒ଗ୍ଂ॒ସ-ମ୍ଭିକ୍ଷ॑ମାଣ ଉପ॒ତିଷ୍ଠ॑ତେ

॥ 15 ॥

ଶ୍ଲୋକ 17

ଭୂମ୍ଯୈ॑ ପୀଠସ॒ର୍ପିଣ॒ମାଲ॑ଭତେ । ଅ॒ଗ୍ନଯେ-ଽଗ୍ଂ॑ସ॒ଲମ୍ ।

ଵା॒ଯଵେ॑ ଚାଣ୍ଡା॒ଲମ୍ । ଅ॒ନ୍ତରି॑କ୍ଷାଯ ଵଗ୍ଂଶନ॒ର୍ତିନମ୍᳚ ।

ଦି॒ଵେ ଖ॑ଲ॒ତିମ୍ । ସୂର୍ଯା॑ଯ ହର୍ଯ॒କ୍ଷମ୍ ।

ଚ॒ନ୍ଦ୍ରମ॑ସେ ମିର୍ମି॒ରମ୍ । ନକ୍ଷ॑ତ୍ରେଭ୍ଯଃ କି॒ଲାସମ୍᳚ ।

ଅହ୍ନେ॑ ଶୁ॒କ୍ଲ-ମ୍ପି॑ଙ୍ଗ॒ଲମ୍ । ରାତ୍ରି॑ଯୈ କୃ॒ଷ୍ଣ-ମ୍ପି॑ଙ୍ଗା॒କ୍ଷମ୍

॥ 16 ॥

ଶ୍ଲୋକ 18

ଵା॒ଚେ ପୁରୁ॑ଷ॒ମାଲ॑ଭତେ । ପ୍ରା॒ଣମ॑ପା॒ନଂ-ଵ୍ଯାଁ॒ନମୁ॑ଦା॒ନଗ୍ଂ ସ॑ମା॒ନ-ନ୍ତାନ୍ଵା॒ଯଵେ᳚ ।

ସୂର୍ଯା॑ଯ॒ ଚକ୍ଷୁ॒ରାଲ॑ଭତେ । ମନ॑ଶ୍ଚ॒ନ୍ଦ୍ରମ॑ସେ ।

ଦି॒ଗ୍ଭ୍ଯ-ଶ୍ଶ୍ରୋତ୍ରମ୍᳚ । ପ୍ର॒ଜାପ॑ତଯେ॒ ପୁରୁ॑ଷମ୍

॥ 17 ॥

ଶ୍ଲୋକ 19

ଅଥୈ॒ତାନରୂ॑ପେଭ୍ଯ॒ ଆଲ॑ଭତେ । ଅତି॑ହ୍ରସ୍ଵ॒ମତି॑ଦୀର୍ଘମ୍ ।

ଅତି॑କୃଶ॒ମତ୍ଯଗ୍ଂ॑ସଲମ୍ । ଅତି॑ଶୁକ୍ଲ॒ମତି॑କୃଷ୍ଣମ୍ ।

ଅତି॑ଶ୍ଲକ୍ଷ୍ଣ॒ମତି॑ଲୋମଶମ୍ । ଅତି॑କିରିଟ॒ମତି॑ଦନ୍ତୁରମ୍ ।

ଅତି॑ମିର୍ମିର॒ମତି॑ମେମିଷମ୍ । ଆ॒ଶାଯୈ॑ ଜା॒ମିମ୍ । ପ୍ର॒ତୀ॒କ୍ଷାଯୈ॑ କୁମା॒ରୀମ୍

॥ 18 ॥

ଶ୍ଲୋକ 20