Sanusvara Prasna (Sunnala Pannam)
Sanusvara Prasna (Sunnala Pannam)
Sanusvara Prasna (Sunnala Pannam)
sAnusvAra prashna (sunnAla pannam)
shloka 1
shrI gurubhyo namaH | hariH om |
brahma'Ne brAhma_NamAla'bhate | kSha_ttrAya' rAja_nyam᳚ |
ma_rudbhyo_ vaishyam᳚ | tapa'se shU_dram |
tama'se_ taska'ram | nAra'kAya vIra_haNam᳚ |
pA_pmane᳚ klI_bam | A_kra_yAyA'yo_gUm |
kAmA'ya pugg{}shcha_lUm | ati'kruShTAya mAga_dham || 1 ||
gI_tAya' sU_tam | nRRi_ttAya' shailU_Sham |
dharmA'ya sabhAcha_ram | na_rmAya' re_bham |
nari'ShThAyai bhIma_lam | hasA'ya_ kArim᳚ |
A_na_ndAya' strISha_kham | pra_mude' kumArIpu_tram |
me_dhAyai' rathakA_ram | dhairyA'ya_ takShA'Nam || 2 ||
shramA'ya kaulA_lam | mA_yAyai' kArmA_ram |
rU_pAya' maNikA_ram | shubhe' va_pam |
sha_ra_vyA'yA iShukA_ram | he_tyai dha'nvakA_ram |
karma'Ne jyAkA_ram | di_ShTAya' rajjusa_rgam |
mRRi_tyave' mRRiga_yum | anta'kAya shva_nitam᳚ || 3 ||
sa_ndhaye' jA_ram | ge_hAyo'papa_tim |
nir-RRi'tyai parivi_ttam | Artyai' parivividA_nam |
arA᳚dhyai didhiShU_patim᳚ | pa_vitrA'ya bhi_Shajam᳚ |
pra_j~nAnA'ya nakShatrada_rsham | niShkRRi'tyai peshaskA_rIm |
balA'yopa_dAm | varNA'yAnU_rudham᳚ || 4 ||
na_dIbhyaH' pau~nji_ShTam | RRi_kShIkA᳚bhyo_ naiShA'dam |
pu_ru_Sha_vyA_ghrAya' du_rmadam᳚ | pra_yudbhya_ unma'ttam |
ga_ndha_rvA_psa_rAbhyo_ vrAtyam᳚ | sa_rpa_de_va_ja_nebhyo-.apra'tipadam |
ave᳚bhyaH kita_vam | i_ryatA'yA_ aki'tavam |
pi_shA_chebhyo' bidalakA_ram | yA_tu_dhAne᳚bhyaH kaNTakakA_ram || 5 ||
u_thsA_debhyaH' ku_bjam | pra_mude' vAma_nam |
dvA_rbhya-ssrA_mam | svapnA'yA_ndham |
adha'rmAya badhi_ram | sa_njnAnA'ya smarakA_rIm |
pra_kA_modyA'yopa_sadam᳚ | A_shi_kShAyai᳚ pra_shninam᳚ |
u_pa_shi_kShAyA' abhipra_shninam᳚ | ma_ryAdA'yai prashnavivA_kam || 6 ||
RRityai᳚ ste_nahRRi'dayam | vaira'hatyAya_ pishu'nam |
vivi'ttyai kSha_ttAram᳚ | aupa'draShTAya sa~NgrahI_tAram᳚ |
balA'yAnucha_ram | bhU_mne pa'riShka_ndam |
pri_yAya' priyavA_dinam᳚ | ari'ShTyA ashvasA_dam |
medhA'ya vAsaH palpU_lIm | pra_kA_mAya' rajayi_trIm || 7 ||
bhAyai' dArvAhA_ram | pra_bhAyA' Agne_ndham |
nAka'sya pRRi_ShThAyA'bhiShe_ktAram᳚ |
bra_dhnasya' vi_ShTapA'ya pAtranirNe_gam |
de_va_lo_kAya' peshi_tAram᳚ | ma_nu_Shya_lo_kAya' prakari_tAram᳚ |
sarve᳚bhyo lo_kebhya' upase_ktAram᳚ |
ava'rtyai va_dhAyo'pamanthi_tAram᳚ | su_va_rgAya' lo_kAya' bhAga_dugham᳚ |
varShi'ShThAya_ nAkA'ya parive_ShTAram᳚ || 8 ||
arme᳚bhyo hasti_pam | ja_vAyA᳚shva_pam |
puShTyai' gopA_lam | teja'se-.ajapA_lam |
vI_ryA'yAvipA_lam | irA'yai kI_nAsham᳚ |
kI_lAlA'ya surAkA_ram | bha_drAya' gRRiha_pam |
shreya'se vitta_dham | adhya'kShAyAnukSha_ttAram᳚ || 9 ||
ma_nyave'-.ayastA_pam | krodhA'ya nisa_ram |
shokA'yAbhisa_ram | u_tkU_la_vi_kU_lAbhyA᳚-ntri_sthinam᳚ |
yogA'ya yo_ktAram᳚ | kShemA'ya vimo_ktAram᳚ |
vapu'She mAnaskRRi_tam | shIlA'yA~njanIkA_ram |
nir-RRi'tyai koshakA_rIm | ya_mAyA_sUm || 10 ||
ya_myai' yama_sUm | atha'rva_bhyo-.ava'tokAm |
saM_va.N_thsa_rAya' paryA_riNI᳚m | pa_ri_va_thsa_rAyAvi'jAtAm |
i_dA_va_thsa_rAyA'pa_skadva'rIm | i_dva_tsa_rAyA_tItva'rIm |
va_thsa_rAya_ vija'rjarAm | saM_va.N_thsa_rAya_ pali'knIm |
vanA'ya vana_pam | a_nyato'-.araNyAya dAva_pam || 11 ||
saro᳚bhyo dhaiva_ram | vesha'ntAbhyo_ dAsham᳚ |
u_pa_sthAva'rIbhyo_ baindam᳚ | na_Dva_lAbhyaH' shauShka_lam |
pA_ryA'ya kaiva_rtam | a_vA_ryA'ya mArgA_ram |
tI_rthebhya' A_ndam | viSha'mebhyo mainA_lam |
svane᳚bhyaH_ parNa'kam | guhA᳚bhyaH_ kirA'tam |
sAnu'bhyo_ jambha'kam | parva'tebhyaH_ kimpU'ruSham || 12 ||
pra_ti_shrutkA'yA..RRitu_lam | ghoShA'ya bha_Sham |
antA'ya bahuvA_dinam᳚ | a_na_ntAya_ mUkam᳚ |
maha'se vINAvA_dam | kroshA'ya tUNava_dhmam |
A_kra_ndAya' dundubhyAghA_tam | a_va_ra_spa_rAya' sha~Nkha_dhmam |
RRi_bhubhyo'-.ajinasandhA_yam | sA_dhyebhya'shcharma_mNam || 13 ||
bI_bha_thsAyai' paulka_sam | bhUtyai' jAgara_Nam |
abhU᳚tyai svapa_nam | tu_lAyai' vANi_jam |
varNA'ya hiraNyakA_ram | vishve᳚bhyo de_vebhyaH' sidhma_lam |
pa_shchA_ddo_ShAya' glA_vam | RRityai' janavA_dinam᳚ |
vyRRi'ddhyA apaga_lbham | sa_gM_{}sha_rAya' pra_chChidam᳚ || 14 ||
hasA'ya pugg{}shcha_lUmAla'bhate | vI_NA_vA_da-NgaNa'ka-NgI_tAya' |
yAda'se shAbu_lyAm | na_rmAya' bhadrava_tIm |
tU_ShNa_va_dhma-NgrA'ma_Nya'-mpANisaNghA_ta-nnRRi_ttAya' |
modA'yAnu_krosha'kam | A_na_ndAya' tala_vam || 15 ||
a_kSha_rA_jAya' kita_vam | kRRi_tAya' sabhA_vinam᳚ |
tretA'yA Adinavada_rsham | dvA_pa_rAya' bahi_-ssadam᳚ |
kala'ye sabhAsthA_Num | du_ShkRRi_tAya' cha_rakA'chAryam |
adhva'ne brahmachA_riNam᳚ | pi_shA_chebhyaH' saila_gam |
pi_pA_sAyai' govya_chCham | nir-RRi'tyai goghA_tam |
kShu_dhe go'vika_rtam | kShu_ttRRi_ShNAbhyA_-ntam |
yo gAM-vi.N_kRRinta'nta-mmA_gM_sa-mbhikSha'mANa upa_tiShTha'te || 16 ||
bhUmyai' pIThasa_rpiNa_mAla'bhate | a_gnaye-.agM'sa_lam |
vA_yave' chANDA_lam | a_ntari'kShAya vagMshana_rtinam᳚ |
di_ve kha'la_tim | sUryA'ya harya_kSham |
cha_ndrama'se mirmi_ram | nakSha'trebhyaH ki_lAsam᳚ |
ahne' shu_kla-mpi'Nga_lam | rAtri'yai kRRi_ShNa-mpi'NgA_kSham || 17 ||
vA_che puru'Sha_mAla'bhate | prA_Nama'pA_naM-vyA.N_namu'dA_nagM sa'mA_na-ntAnvA_yave᳚ |
sUryA'ya_ chakShu_rAla'bhate | mana'shcha_ndrama'se |
di_gbhya-shshrotram᳚ | pra_jApa'taye_ puru'Sham || 18 ||
athai_tAnarU'pebhya_ Ala'bhate | ati'hrasva_mati'dIrgham |
ati'kRRisha_matyagM'salam | ati'shukla_mati'kRRiShNam |
ati'shlakShNa_mati'lomasham | ati'kiriTa_mati'danturam |
ati'mirmira_mati'memiSham | A_shAyai' jA_mim | pra_tI_kShAyai' kumA_rIm || 19 ||