Sanusvara Prasna (Sunnala Pannam)

sAnusvAra prazna (sunnAla pannam)

zloka 1

zrI gurubhyo namaH | hariH om |

brahma॑Ne brAhma॒NamAla॑bhate | kSa॒ttrAya॑ rAja॒nyam᳚ |

ma॒rudbhyo॒ vaizyam᳚ | tapa॑se zU॒dram |

tama॑se॒ taska॑ram | nAra॑kAya vIra॒haNam᳚ |

pA॒pmane᳚ klI॒bam | A॒kra॒yAyA॑yo॒gUm |

kAmA॑ya pugg‍zca॒lUm | ati॑kruSTAya mAga॒dham || 1 ||

gI॒tAya॑ sU॒tam | nR॒ttAya॑ zailU॒Sam |

dharmA॑ya sabhAca॒ram | na॒rmAya॑ re॒bham |

nari॑SThAyai bhIma॒lam | hasA॑ya॒ kArim᳚ |

A॒na॒ndAya॑ strISa॒kham | pra॒mude॑ kumArIpu॒tram |

me॒dhAyai॑ rathakA॒ram | dhairyA॑ya॒ takSA॑Nam || 2 ||

zramA॑ya kaulA॒lam | mA॒yAyai॑ kArmA॒ram |

rU॒pAya॑ maNikA॒ram | zubhe॑ va॒pam |

za॒ra॒vyA॑yA iSukA॒ram | he॒tyai dha॑nvakA॒ram |

karma॑Ne jyAkA॒ram | di॒STAya॑ rajjusa॒rgam |

mR॒tyave॑ mRga॒yum | anta॑kAya zva॒nitam᳚ || 3 ||

sa॒ndhaye॑ jA॒ram | ge॒hAyo॑papa॒tim |

nir-R॑tyai parivi॒ttam | Artyai॑ parivividA॒nam |

arA᳚dhyai didhiSU॒patim᳚ | pa॒vitrA॑ya bhi॒Sajam᳚ |

pra॒jJAnA॑ya nakSatrada॒r​zam | niSkR॑tyai pezaskA॒rIm |

balA॑yopa॒dAm | varNA॑yAnU॒rudham᳚ || 4 ||

na॒dIbhyaH॑ pauJji॒STam | R॒kSIkA᳚bhyo॒ naiSA॑dam |

pu॒ru॒Sa॒vyA॒ghrAya॑ du॒rmadam᳚ | pra॒yudbhya॒ unma॑ttam |

ga॒ndha॒rvA॒psa॒rAbhyo॒ vrAtyam᳚ | sa॒rpa॒de॒va॒ja॒nebhyo-'pra॑tipadam |

ave᳚bhyaH kita॒vam | i॒ryatA॑yA॒ aki॑tavam |

pi॒zA॒cebhyo॑ bidalakA॒ram | yA॒tu॒dhAne᳚bhyaH kaNTakakA॒ram || 5 ||

u॒thsA॒debhyaH॑ ku॒bjam | pra॒mude॑ vAma॒nam |

dvA॒rbhya-ssrA॒mam | svapnA॑yA॒ndham |

adha॑rmAya badhi॒ram | sa॒JjJAnA॑ya smarakA॒rIm |

pra॒kA॒modyA॑yopa॒sadam᳚ | A॒zi॒kSAyai᳚ pra॒zninam᳚ |

u॒pa॒zi॒kSAyA॑ abhipra॒zninam᳚ | ma॒ryAdA॑yai praznavivA॒kam || 6 ||

Rtyai᳚ ste॒nahR॑dayam | vaira॑hatyAya॒ pizu॑nam |

vivi॑ttyai kSa॒ttAram᳚ | aupa॑draSTAya saGgrahI॒tAram᳚ |

balA॑yAnuca॒ram | bhU॒mne pa॑riSka॒ndam |

pri॒yAya॑ priyavA॒dinam᳚ | ari॑STyA azvasA॒dam |

medhA॑ya vAsaH palpU॒lIm | pra॒kA॒mAya॑ rajayi॒trIm || 7 ||

bhAyai॑ dArvAhA॒ram | pra॒bhAyA॑ Agne॒ndham |

nAka॑sya pR॒SThAyA॑bhiSe॒ktAram᳚ |

bra॒dhnasya॑ vi॒STapA॑ya pAtranirNe॒gam |

de॒va॒lo॒kAya॑ pezi॒tAram᳚ | ma॒nu॒Sya॒lo॒kAya॑ prakari॒tAram᳚ |

sarve᳚bhyo lo॒kebhya॑ upase॒ktAram᳚ |

ava॑rtyai va॒dhAyo॑pamanthi॒tAram᳚ | su॒va॒rgAya॑ lo॒kAya॑ bhAga॒dugham᳚ |

var​Si॑SThAya॒ nAkA॑ya parive॒STAram᳚ || 8 ||

arme᳚bhyo hasti॒pam | ja॒vAyA᳚zva॒pam |

puSTyai॑ gopA॒lam | teja॑se-'japA॒lam |

vI॒ryA॑yAvipA॒lam | irA॑yai kI॒nAzam᳚ |

kI॒lAlA॑ya surAkA॒ram | bha॒drAya॑ gRha॒pam |

zreya॑se vitta॒dham | adhya॑kSAyAnukSa॒ttAram᳚ || 9 ||

ma॒nyave॑-'yastA॒pam | krodhA॑ya nisa॒ram |

zokA॑yAbhisa॒ram | u॒tkU॒la॒vi॒kU॒lAbhyA᳚-ntri॒sthinam᳚ |

yogA॑ya yo॒ktAram᳚ | kSemA॑ya vimo॒ktAram᳚ |

vapu॑Se mAnaskR॒tam | zIlA॑yAJjanIkA॒ram |

nir-R॑tyai kozakA॒rIm | ya॒mAyA॒sUm || 10 ||

ya॒myai॑ yama॒sUm | atha॑rva॒bhyo-'va॑tokAm |

saM॒​va~॒thsa॒rAya॑ paryA॒riNI᳚m | pa॒ri॒va॒thsa॒rAyAvi॑jAtAm |

i॒dA॒va॒thsa॒rAyA॑pa॒skadva॑rIm | i॒dva॒tsa॒rAyA॒tItva॑rIm |

va॒thsa॒rAya॒ vija॑rjarAm | saM॒​va~॒thsa॒rAya॒ pali॑knIm |

vanA॑ya vana॒pam | a॒nyato॑-'raNyAya dAva॒pam || 11 ||

saro᳚bhyo dhaiva॒ram | veza॑ntAbhyo॒ dAzam᳚ |

u॒pa॒sthAva॑rIbhyo॒ baindam᳚ | na॒Dva॒lAbhyaH॑ zauSka॒lam |

pA॒ryA॑ya kaiva॒rtam | a॒vA॒ryA॑ya mArgA॒ram |

tI॒rthebhya॑ A॒ndam | viSa॑mebhyo mainA॒lam |

svane᳚bhyaH॒ parNa॑kam | guhA᳚bhyaH॒ kirA॑tam |

sAnu॑bhyo॒ jambha॑kam | parva॑tebhyaH॒ kimpU॑ruSam || 12 ||

pra॒ti॒zrutkA॑yA..Rtu॒lam | ghoSA॑ya bha॒Sam |

antA॑ya bahuvA॒dinam᳚ | a॒na॒ntAya॒ mUkam᳚ |

maha॑se vINAvA॒dam | krozA॑ya tUNava॒dhmam |

A॒kra॒ndAya॑ dundubhyAghA॒tam | a॒va॒ra॒spa॒rAya॑ zaGkha॒dhmam |

R॒bhubhyo॑-'jinasandhA॒yam | sA॒dhyebhya॑zcarma॒mNam || 13 ||

bI॒bha॒thsAyai॑ paulka॒sam | bhUtyai॑ jAgara॒Nam |

abhU᳚tyai svapa॒nam | tu॒lAyai॑ vANi॒jam |

varNA॑ya hiraNyakA॒ram | vizve᳚bhyo de॒vebhyaH॑ sidhma॒lam |

pa॒zcA॒ddo॒SAya॑ glA॒vam | Rtyai॑ janavA॒dinam᳚ |

vyR॑ddhyA apaga॒lbham | sa॒gM॒‍za॒rAya॑ pra॒cchidam᳚ || 14 ||

hasA॑ya pugg‍zca॒lUmAla॑bhate | vI॒NA॒vA॒da-GgaNa॑ka-GgI॒tAya॑ |

yAda॑se zAbu॒lyAm | na॒rmAya॑ bhadrava॒tIm |

tU॒SNa॒va॒dhma-GgrA॑ma॒Nya॑-mpANisaGghA॒ta-nnR॒ttAya॑ |

modA॑yAnu॒kroza॑kam | A॒na॒ndAya॑ tala॒vam || 15 ||

a॒kSa॒rA॒jAya॑ kita॒vam | kR॒tAya॑ sabhA॒vinam᳚ |

tretA॑yA Adinavada॒r​zam | dvA॒pa॒rAya॑ bahi॒-ssadam᳚ |

kala॑ye sabhAsthA॒Num | du॒SkR॒tAya॑ ca॒rakA॑cAryam |

adhva॑ne brahmacA॒riNam᳚ | pi॒zA॒cebhyaH॑ saila॒gam |

pi॒pA॒sAyai॑ govya॒ccham | nir-R॑tyai goghA॒tam |

kSu॒dhe go॑vika॒rtam | kSu॒ttR॒SNAbhyA॒-ntam |

yo gAM-vi~॒kRnta॑nta-mmA॒gM॒sa-mbhikSa॑mANa upa॒tiSTha॑te || 16 ||

bhUmyai॑ pIThasa॒rpiNa॒mAla॑bhate | a॒gnaye-'gM॑sa॒lam |

vA॒yave॑ cANDA॒lam | a॒ntari॑kSAya vagMzana॒rtinam᳚ |

di॒ve kha॑la॒tim | sUryA॑ya harya॒kSam |

ca॒ndrama॑se mirmi॒ram | nakSa॑trebhyaH ki॒lAsam᳚ |

ahne॑ zu॒kla-mpi॑Gga॒lam | rAtri॑yai kR॒SNa-mpi॑GgA॒kSam || 17 ||

vA॒ce puru॑Sa॒mAla॑bhate | prA॒Nama॑pA॒naM-vyA~॒namu॑dA॒nagM sa॑mA॒na-ntAnvA॒yave᳚ |

sUryA॑ya॒ cakSu॒rAla॑bhate | mana॑zca॒ndrama॑se |

di॒gbhya-zzrotram᳚ | pra॒jApa॑taye॒ puru॑Sam || 18 ||

athai॒tAnarU॑pebhya॒ Ala॑bhate | ati॑hrasva॒mati॑dIrgham |

ati॑kRza॒matyagM॑salam | ati॑zukla॒mati॑kRSNam |

ati॑zlakSNa॒mati॑lomazam | ati॑kiriTa॒mati॑danturam |

ati॑mirmira॒mati॑memiSam | A॒zAyai॑ jA॒mim | pra॒tI॒kSAyai॑ kumA॒rIm || 19 ||