സാനുസ്വാര പ്രശ്ന (സുന്നാല പന്നമ്)

സാനുസ്വാര പ്രശ്ന (സുന്നാല പന്നമ്)

ശ്ലോക 1

ശ്രീ ഗുരുഭ്യോ നമഃ । ഹരിഃ ഓമ് ।

ബ്രഹ്മ॑ണേ ബ്രാഹ്മ॒ണമാല॑ഭതേ । ക്ഷ॒ത്ത്രായ॑ രാജ॒ന്യമ്᳚ ।

മ॒രുദ്ഭ്യോ॒ വൈശ്യമ്᳚ । തപ॑സേ ശൂ॒ദ്രമ് ।

തമ॑സേ॒ തസ്ക॑രമ് । നാര॑കായ വീര॒ഹണമ്᳚ ।

പാ॒പ്മനേ᳚ ക്ലീ॒ബമ് । ആ॒ക്ര॒യായാ॑യോ॒ഗൂമ് ।

കാമാ॑യ പുഗ്ഗ്‍ശ്ച॒ലൂമ് । അതി॑ക്രുഷ്ടായ മാഗ॒ധമ്

ശ്ലോക 2

ഗീ॒തായ॑ സൂ॒തമ് । നൃ॒ത്തായ॑ ശൈലൂ॒ഷമ് ।

ധര്മാ॑യ സഭാച॒രമ് । ന॒ര്മായ॑ രേ॒ഭമ് ।

നരി॑ഷ്ഠായൈ ഭീമ॒ലമ് । ഹസാ॑യ॒ കാരിമ്᳚ ।

ആ॒ന॒ന്ദായ॑ സ്ത്രീഷ॒ഖമ് । പ്ര॒മുദേ॑ കുമാരീപു॒ത്രമ് ।

മേ॒ധായൈ॑ രഥകാ॒രമ് । ധൈര്യാ॑യ॒ തക്ഷാ॑ണമ്

॥ 1 ॥

ശ്ലോക 3

ശ്രമാ॑യ കൌലാ॒ലമ് । മാ॒യായൈ॑ കാര്മാ॒രമ് ।

രൂ॒പായ॑ മണികാ॒രമ് । ശുഭേ॑ വ॒പമ് ।

ശ॒ര॒വ്യാ॑യാ ഇഷുകാ॒രമ് । ഹേ॒ത്യൈ ധ॑ന്വകാ॒രമ് ।

കര്മ॑ണേ ജ്യാകാ॒രമ് । ദി॒ഷ്ടായ॑ രജ്ജുസ॒ര്ഗമ് ।

മൃ॒ത്യവേ॑ മൃഗ॒യുമ് । അന്ത॑കായ ശ്വ॒നിതമ്᳚

॥ 2 ॥

ശ്ലോക 4

സ॒ന്ധയേ॑ ജാ॒രമ് । ഗേ॒ഹായോ॑പപ॒തിമ് ।

നിര്-ഋ॑ത്യൈ പരിവി॒ത്തമ് । ആര്ത്യൈ॑ പരിവിവിദാ॒നമ് ।

അരാ᳚ധ്യൈ ദിധിഷൂ॒പതിമ്᳚ । പ॒വിത്രാ॑യ ഭി॒ഷജമ്᳚ ।

പ്ര॒ജ്ഞാനാ॑യ നക്ഷത്രദ॒ര്​ശമ് । നിഷ്കൃ॑ത്യൈ പേശസ്കാ॒രീമ് ।

ബലാ॑യോപ॒ദാമ് । വര്ണാ॑യാനൂ॒രുധമ്᳚

॥ 3 ॥

ശ്ലോക 5

ന॒ദീഭ്യഃ॑ പൌഞ്ജി॒ഷ്ടമ് । ഋ॒ക്ഷീകാ᳚ഭ്യോ॒ നൈഷാ॑ദമ് ।

പു॒രു॒ഷ॒വ്യാ॒ഘ്രായ॑ ദു॒ര്മദമ്᳚ । പ്ര॒യുദ്ഭ്യ॒ ഉന്മ॑ത്തമ് ।

ഗ॒ന്ധ॒ര്വാ॒പ്സ॒രാഭ്യോ॒ വ്രാത്യമ്᳚ । സ॒ര്പ॒ദേ॒വ॒ജ॒നേഭ്യോ-ഽപ്ര॑തിപദമ് ।

അവേ᳚ഭ്യഃ കിത॒വമ് । ഇ॒ര്യതാ॑യാ॒ അകി॑തവമ് ।

പി॒ശാ॒ചേഭ്യോ॑ ബിദലകാ॒രമ് । യാ॒തു॒ധാനേ᳚ഭ്യഃ കണ്ടകകാ॒രമ്

॥ 4 ॥

ശ്ലോക 6

ഉ॒ഥ്സാ॒ദേഭ്യഃ॑ കു॒ബ്ജമ് । പ്ര॒മുദേ॑ വാമ॒നമ് ।

ദ്വാ॒ര്ഭ്യ-സ്സ്രാ॒മമ് । സ്വപ്നാ॑യാ॒ന്ധമ് ।

അധ॑ര്മായ ബധി॒രമ് । സ॒ഞ്ജ്ഞാനാ॑യ സ്മരകാ॒രീമ് ।

പ്ര॒കാ॒മോദ്യാ॑യോപ॒സദമ്᳚ । ആ॒ശി॒ക്ഷായൈ᳚ പ്ര॒ശ്നിനമ്᳚ ।

ഉ॒പ॒ശി॒ക്ഷായാ॑ അഭിപ്ര॒ശ്നിനമ്᳚ । മ॒ര്യാദാ॑യൈ പ്രശ്നവിവാ॒കമ്

॥ 5 ॥

ശ്ലോക 7

ഋത്യൈ᳚ സ്തേ॒നഹൃ॑ദയമ് । വൈര॑ഹത്യായ॒ പിശു॑നമ് ।

വിവി॑ത്ത്യൈ ക്ഷ॒ത്താരമ്᳚ । ഔപ॑ദ്രഷ്ടായ സങ്ഗ്രഹീ॒താരമ്᳚ ।

ബലാ॑യാനുച॒രമ് । ഭൂ॒മ്നേ പ॑രിഷ്ക॒ന്ദമ് ।

പ്രി॒യായ॑ പ്രിയവാ॒ദിനമ്᳚ । അരി॑ഷ്ട്യാ അശ്വസാ॒ദമ് ।

മേധാ॑യ വാസഃ പല്പൂ॒ലീമ് । പ്ര॒കാ॒മായ॑ രജയി॒ത്രീമ്

॥ 6 ॥

ശ്ലോക 8

ഭായൈ॑ ദാര്വാഹാ॒രമ് । പ്ര॒ഭായാ॑ ആഗ്നേ॒ന്ധമ് ।

നാക॑സ്യ പൃ॒ഷ്ഠായാ॑ഭിഷേ॒ക്താരമ്᳚ ।

ബ്ര॒ധ്നസ്യ॑ വി॒ഷ്ടപാ॑യ പാത്രനിര്ണേ॒ഗമ് ।

ദേ॒വ॒ലോ॒കായ॑ പേശി॒താരമ്᳚ । മ॒നു॒ഷ്യ॒ലോ॒കായ॑ പ്രകരി॒താരമ്᳚ ।

സര്വേ᳚ഭ്യോ ലോ॒കേഭ്യ॑ ഉപസേ॒ക്താരമ്᳚ ।

അവ॑ര്ത്യൈ വ॒ധായോ॑പമന്ഥി॒താരമ്᳚ । സു॒വ॒ര്ഗായ॑ ലോ॒കായ॑ ഭാഗ॒ദുഘമ്᳚ ।

വര്​ഷി॑ഷ്ഠായ॒ നാകാ॑യ പരിവേ॒ഷ്ടാരമ്᳚

॥ 7 ॥

ശ്ലോക 9

അര്മേ᳚ഭ്യോ ഹസ്തി॒പമ് । ജ॒വായാ᳚ശ്വ॒പമ് ।

പുഷ്ട്യൈ॑ ഗോപാ॒ലമ് । തേജ॑സേ-ഽജപാ॒ലമ് ।

വീ॒ര്യാ॑യാവിപാ॒ലമ് । ഇരാ॑യൈ കീ॒നാശമ്᳚ ।

കീ॒ലാലാ॑യ സുരാകാ॒രമ് । ഭ॒ദ്രായ॑ ഗൃഹ॒പമ് ।

ശ്രേയ॑സേ വിത്ത॒ധമ് । അധ്യ॑ക്ഷായാനുക്ഷ॒ത്താരമ്᳚

॥ 8 ॥

ശ്ലോക 10

മ॒ന്യവേ॑-ഽയസ്താ॒പമ് । ക്രോധാ॑യ നിസ॒രമ് ।

ശോകാ॑യാഭിസ॒രമ് । ഉ॒ത്കൂ॒ല॒വി॒കൂ॒ലാഭ്യാ᳚-ന്ത്രി॒സ്ഥിനമ്᳚ ।

യോഗാ॑യ യോ॒ക്താരമ്᳚ । ക്ഷേമാ॑യ വിമോ॒ക്താരമ്᳚ ।

വപു॑ഷേ മാനസ്കൃ॒തമ് । ശീലാ॑യാഞ്ജനീകാ॒രമ് ।

നിര്-ഋ॑ത്യൈ കോശകാ॒രീമ് । യ॒മായാ॒സൂമ്

॥ 9 ॥

ശ്ലോക 11

യ॒മ്യൈ॑ യമ॒സൂമ് । അഥ॑ര്വ॒ഭ്യോ-ഽവ॑തോകാമ് ।

സം॒​വഁ॒ഥ്സ॒രായ॑ പര്യാ॒രിണീ᳚മ് । പ॒രി॒വ॒ഥ്സ॒രായാവി॑ജാതാമ് ।

ഇ॒ദാ॒വ॒ഥ്സ॒രായാ॑പ॒സ്കദ്വ॑രീമ് । ഇ॒ദ്വ॒ത്സ॒രായാ॒തീത്വ॑രീമ് ।

വ॒ഥ്സ॒രായ॒ വിജ॑ര്ജരാമ് । സം॒​വഁ॒ഥ്സ॒രായ॒ പലി॑ക്നീമ് ।

വനാ॑യ വന॒പമ് । അ॒ന്യതോ॑-ഽരണ്യായ ദാവ॒പമ്

॥ 10 ॥

ശ്ലോക 12

സരോ᳚ഭ്യോ ധൈവ॒രമ് । വേശ॑ന്താഭ്യോ॒ ദാശമ്᳚ ।

ഉ॒പ॒സ്ഥാവ॑രീഭ്യോ॒ ബൈന്ദമ്᳚ । ന॒ഡ്വ॒ലാഭ്യഃ॑ ശൌഷ്ക॒ലമ് ।

പാ॒ര്യാ॑യ കൈവ॒ര്തമ് । അ॒വാ॒ര്യാ॑യ മാര്ഗാ॒രമ് ।

തീ॒ര്ഥേഭ്യ॑ ആ॒ന്ദമ് । വിഷ॑മേഭ്യോ മൈനാ॒ലമ് ।

സ്വനേ᳚ഭ്യഃ॒ പര്ണ॑കമ് । ഗുഹാ᳚ഭ്യഃ॒ കിരാ॑തമ് ।

സാനു॑ഭ്യോ॒ ജമ്ഭ॑കമ് । പര്വ॑തേഭ്യഃ॒ കിമ്പൂ॑രുഷമ്

॥ 11 ॥

ശ്ലോക 13

പ്ര॒തി॒ശ്രുത്കാ॑യാ..ഋതു॒ലമ് । ഘോഷാ॑യ ഭ॒ഷമ് ।

അന്താ॑യ ബഹുവാ॒ദിനമ്᳚ । അ॒ന॒ന്തായ॒ മൂകമ്᳚ ।

മഹ॑സേ വീണാവാ॒ദമ് । ക്രോശാ॑യ തൂണവ॒ധ്മമ് ।

ആ॒ക്ര॒ന്ദായ॑ ദുന്ദുഭ്യാഘാ॒തമ് । അ॒വ॒ര॒സ്പ॒രായ॑ ശങ്ഖ॒ധ്മമ് ।

ഋ॒ഭുഭ്യോ॑-ഽജിനസന്ധാ॒യമ് । സാ॒ധ്യേഭ്യ॑ശ്ചര്മ॒മ്ണമ്

॥ 12 ॥

ശ്ലോക 14

ബീ॒ഭ॒ഥ്സായൈ॑ പൌല്ക॒സമ് । ഭൂത്യൈ॑ ജാഗര॒ണമ് ।

അഭൂ᳚ത്യൈ സ്വപ॒നമ് । തു॒ലായൈ॑ വാണി॒ജമ് ।

വര്ണാ॑യ ഹിരണ്യകാ॒രമ് । വിശ്വേ᳚ഭ്യോ ദേ॒വേഭ്യഃ॑ സിധ്മ॒ലമ് ।

പ॒ശ്ചാ॒ദ്ദോ॒ഷായ॑ ഗ്ലാ॒വമ് । ഋത്യൈ॑ ജനവാ॒ദിനമ്᳚ ।

വ്യൃ॑ദ്ധ്യാ അപഗ॒ല്ഭമ് । സ॒ഗ്ം॒‍ശ॒രായ॑ പ്ര॒ച്ഛിദമ്᳚

॥ 13 ॥

ശ്ലോക 15

ഹസാ॑യ പുഗ്ഗ്‍ശ്ച॒ലൂമാല॑ഭതേ । വീ॒ണാ॒വാ॒ദ-ങ്ഗണ॑ക-ങ്ഗീ॒തായ॑ ।

യാദ॑സേ ശാബു॒ല്യാമ് । ന॒ര്മായ॑ ഭദ്രവ॒തീമ് ।

തൂ॒ഷ്ണ॒വ॒ധ്മ-ങ്ഗ്രാ॑മ॒ണ്യ॑-മ്പാണിസങ്ഘാ॒ത-ന്നൃ॒ത്തായ॑ ।

മോദാ॑യാനു॒ക്രോശ॑കമ് । ആ॒ന॒ന്ദായ॑ തല॒വമ്

॥ 14 ॥

ശ്ലോക 16

അ॒ക്ഷ॒രാ॒ജായ॑ കിത॒വമ് । കൃ॒തായ॑ സഭാ॒വിനമ്᳚ ।

ത്രേതാ॑യാ ആദിനവദ॒ര്​ശമ് । ദ്വാ॒പ॒രായ॑ ബഹി॒-സ്സദമ്᳚ ।

കല॑യേ സഭാസ്ഥാ॒ണുമ് । ദു॒ഷ്കൃ॒തായ॑ ച॒രകാ॑ചാര്യമ് ।

അധ്വ॑നേ ബ്രഹ്മചാ॒രിണമ്᳚ । പി॒ശാ॒ചേഭ്യഃ॑ സൈല॒ഗമ് ।

പി॒പാ॒സായൈ॑ ഗോവ്യ॒ച്ഛമ് । നിര്-ഋ॑ത്യൈ ഗോഘാ॒തമ് ।

ക്ഷു॒ധേ ഗോ॑വിക॒ര്തമ് । ക്ഷു॒ത്തൃ॒ഷ്ണാഭ്യാ॒-ന്തമ് ।

യോ ഗാം-വിഁ॒കൃന്ത॑ന്ത-മ്മാ॒ഗ്ം॒സ-മ്ഭിക്ഷ॑മാണ ഉപ॒തിഷ്ഠ॑തേ

॥ 15 ॥

ശ്ലോക 17

ഭൂമ്യൈ॑ പീഠസ॒ര്പിണ॒മാല॑ഭതേ । അ॒ഗ്നയേ-ഽഗ്ം॑സ॒ലമ് ।

വാ॒യവേ॑ ചാണ്ഡാ॒ലമ് । അ॒ന്തരി॑ക്ഷായ വഗ്ംശന॒ര്തിനമ്᳚ ।

ദി॒വേ ഖ॑ല॒തിമ് । സൂര്യാ॑യ ഹര്യ॒ക്ഷമ് ।

ച॒ന്ദ്രമ॑സേ മിര്മി॒രമ് । നക്ഷ॑ത്രേഭ്യഃ കി॒ലാസമ്᳚ ।

അഹ്നേ॑ ശു॒ക്ല-മ്പി॑ങ്ഗ॒ലമ് । രാത്രി॑യൈ കൃ॒ഷ്ണ-മ്പി॑ങ്ഗാ॒ക്ഷമ്

॥ 16 ॥

ശ്ലോക 18

വാ॒ചേ പുരു॑ഷ॒മാല॑ഭതേ । പ്രാ॒ണമ॑പാ॒നം-വ്യാഁ॒നമു॑ദാ॒നഗ്ം സ॑മാ॒ന-ന്താന്വാ॒യവേ᳚ ।

സൂര്യാ॑യ॒ ചക്ഷു॒രാല॑ഭതേ । മന॑ശ്ച॒ന്ദ്രമ॑സേ ।

ദി॒ഗ്ഭ്യ-ശ്ശ്രോത്രമ്᳚ । പ്ര॒ജാപ॑തയേ॒ പുരു॑ഷമ്

॥ 17 ॥

ശ്ലോക 19

അഥൈ॒താനരൂ॑പേഭ്യ॒ ആല॑ഭതേ । അതി॑ഹ്രസ്വ॒മതി॑ദീര്ഘമ് ।

അതി॑കൃശ॒മത്യഗ്ം॑സലമ് । അതി॑ശുക്ല॒മതി॑കൃഷ്ണമ് ।

അതി॑ശ്ലക്ഷ്ണ॒മതി॑ലോമശമ് । അതി॑കിരിട॒മതി॑ദന്തുരമ് ।

അതി॑മിര്മിര॒മതി॑മേമിഷമ് । ആ॒ശായൈ॑ ജാ॒മിമ് । പ്ര॒തീ॒ക്ഷായൈ॑ കുമാ॒രീമ്

॥ 18 ॥

ശ്ലോക 20