সানুস্বার প্রশ্ন (সুন্নাল পন্নম্)

সানুস্বার প্রশ্ন (সুন্নাল পন্নম্)

শ্লোক 1

শ্রী গুরুভ্যো নমঃ । হরিঃ ওম্ ।

ব্রহ্ম॑ণে ব্রাহ্ম॒ণমাল॑ভতে । ক্ষ॒ত্ত্রায॑ রাজ॒ন্যম্᳚ ।

ম॒রুদ্ভ্যো॒ বৈশ্যম্᳚ । তপ॑সে শূ॒দ্রম্ ।

তম॑সে॒ তস্ক॑রম্ । নার॑কায বীর॒হণম্᳚ ।

পা॒প্মনে᳚ ক্লী॒বম্ । আ॒ক্র॒যাযা॑যো॒গূম্ ।

কামা॑য পুগ্গ্‍শ্চ॒লূম্ । অতি॑ক্রুষ্টায মাগ॒ধম্

শ্লোক 2

গী॒তায॑ সূ॒তম্ । নৃ॒ত্তায॑ শৈলূ॒ষম্ ।

ধর্মা॑য সভাচ॒রম্ । ন॒র্মায॑ রে॒ভম্ ।

নরি॑ষ্ঠাযৈ ভীম॒লম্ । হসা॑য॒ কারিম্᳚ ।

আ॒ন॒ন্দায॑ স্ত্রীষ॒খম্ । প্র॒মুদে॑ কুমারীপু॒ত্রম্ ।

মে॒ধাযৈ॑ রথকা॒রম্ । ধৈর্যা॑য॒ তক্ষা॑ণম্

॥ 1 ॥

শ্লোক 3

শ্রমা॑য কৌলা॒লম্ । মা॒যাযৈ॑ কার্মা॒রম্ ।

রূ॒পায॑ মণিকা॒রম্ । শুভে॑ ব॒পম্ ।

শ॒র॒ব্যা॑যা ইষুকা॒রম্ । হে॒ত্যৈ ধ॑ন্বকা॒রম্ ।

কর্ম॑ণে জ্যাকা॒রম্ । দি॒ষ্টায॑ রজ্জুস॒র্গম্ ।

মৃ॒ত্যবে॑ মৃগ॒যুম্ । অন্ত॑কায শ্ব॒নিতম্᳚

॥ 2 ॥

শ্লোক 4

স॒ন্ধযে॑ জা॒রম্ । গে॒হাযো॑পপ॒তিম্ ।

নির্-ঋ॑ত্যৈ পরিবি॒ত্তম্ । আর্ত্যৈ॑ পরিবিবিদা॒নম্ ।

অরা᳚ধ্যৈ দিধিষূ॒পতিম্᳚ । প॒বিত্রা॑য ভি॒ষজম্᳚ ।

প্র॒জ্ঞানা॑য নক্ষত্রদ॒র্​শম্ । নিষ্কৃ॑ত্যৈ পেশস্কা॒রীম্ ।

বলা॑যোপ॒দাম্ । বর্ণা॑যানূ॒রুধম্᳚

॥ 3 ॥

শ্লোক 5

ন॒দীভ্যঃ॑ পৌঞ্জি॒ষ্টম্ । ঋ॒ক্ষীকা᳚ভ্যো॒ নৈষা॑দম্ ।

পু॒রু॒ষ॒ব্যা॒ঘ্রায॑ দু॒র্মদম্᳚ । প্র॒যুদ্ভ্য॒ উন্ম॑ত্তম্ ।

গ॒ন্ধ॒র্বা॒প্স॒রাভ্যো॒ ব্রাত্যম্᳚ । স॒র্প॒দে॒ব॒জ॒নেভ্যো-ঽপ্র॑তিপদম্ ।

অবে᳚ভ্যঃ কিত॒বম্ । ই॒র্যতা॑যা॒ অকি॑তবম্ ।

পি॒শা॒চেভ্যো॑ বিদলকা॒রম্ । যা॒তু॒ধানে᳚ভ্যঃ কণ্টককা॒রম্

॥ 4 ॥

শ্লোক 6

উ॒থ্সা॒দেভ্যঃ॑ কু॒ব্জম্ । প্র॒মুদে॑ বাম॒নম্ ।

দ্বা॒র্ভ্য-স্স্রা॒মম্ । স্বপ্না॑যা॒ন্ধম্ ।

অধ॑র্মায বধি॒রম্ । স॒ঞ্জ্ঞানা॑য স্মরকা॒রীম্ ।

প্র॒কা॒মোদ্যা॑যোপ॒সদম্᳚ । আ॒শি॒ক্ষাযৈ᳚ প্র॒শ্নিনম্᳚ ।

উ॒প॒শি॒ক্ষাযা॑ অভিপ্র॒শ্নিনম্᳚ । ম॒র্যাদা॑যৈ প্রশ্নবিবা॒কম্

॥ 5 ॥

শ্লোক 7

ঋত্যৈ᳚ স্তে॒নহৃ॑দযম্ । বৈর॑হত্যায॒ পিশু॑নম্ ।

বিবি॑ত্ত্যৈ ক্ষ॒ত্তারম্᳚ । ঔপ॑দ্রষ্টায সঙ্গ্রহী॒তারম্᳚ ।

বলা॑যানুচ॒রম্ । ভূ॒ম্নে প॑রিষ্ক॒ন্দম্ ।

প্রি॒যায॑ প্রিযবা॒দিনম্᳚ । অরি॑ষ্ট্যা অশ্বসা॒দম্ ।

মেধা॑য বাসঃ পল্পূ॒লীম্ । প্র॒কা॒মায॑ রজযি॒ত্রীম্

॥ 6 ॥

শ্লোক 8

ভাযৈ॑ দার্বাহা॒রম্ । প্র॒ভাযা॑ আগ্নে॒ন্ধম্ ।

নাক॑স্য পৃ॒ষ্ঠাযা॑ভিষে॒ক্তারম্᳚ ।

ব্র॒ধ্নস্য॑ বি॒ষ্টপা॑য পাত্রনির্ণে॒গম্ ।

দে॒ব॒লো॒কায॑ পেশি॒তারম্᳚ । ম॒নু॒ষ্য॒লো॒কায॑ প্রকরি॒তারম্᳚ ।

সর্বে᳚ভ্যো লো॒কেভ্য॑ উপসে॒ক্তারম্᳚ ।

অব॑র্ত্যৈ ব॒ধাযো॑পমন্থি॒তারম্᳚ । সু॒ব॒র্গায॑ লো॒কায॑ ভাগ॒দুঘম্᳚ ।

বর্​ষি॑ষ্ঠায॒ নাকা॑য পরিবে॒ষ্টারম্᳚

॥ 7 ॥

শ্লোক 9

অর্মে᳚ভ্যো হস্তি॒পম্ । জ॒বাযা᳚শ্ব॒পম্ ।

পুষ্ট্যৈ॑ গোপা॒লম্ । তেজ॑সে-ঽজপা॒লম্ ।

বী॒র্যা॑যাবিপা॒লম্ । ইরা॑যৈ কী॒নাশম্᳚ ।

কী॒লালা॑য সুরাকা॒রম্ । ভ॒দ্রায॑ গৃহ॒পম্ ।

শ্রেয॑সে বিত্ত॒ধম্ । অধ্য॑ক্ষাযানুক্ষ॒ত্তারম্᳚

॥ 8 ॥

শ্লোক 10

ম॒ন্যবে॑-ঽযস্তা॒পম্ । ক্রোধা॑য নিস॒রম্ ।

শোকা॑যাভিস॒রম্ । উ॒ত্কূ॒ল॒বি॒কূ॒লাভ্যা᳚-ন্ত্রি॒স্থিনম্᳚ ।

যোগা॑য যো॒ক্তারম্᳚ । ক্ষেমা॑য বিমো॒ক্তারম্᳚ ।

বপু॑ষে মানস্কৃ॒তম্ । শীলা॑যাঞ্জনীকা॒রম্ ।

নির্-ঋ॑ত্যৈ কোশকা॒রীম্ । য॒মাযা॒সূম্

॥ 9 ॥

শ্লোক 11

য॒ম্যৈ॑ যম॒সূম্ । অথ॑র্ব॒ভ্যো-ঽব॑তোকাম্ ।

সং॒​বঁ॒থ্স॒রায॑ পর্যা॒রিণী᳚ম্ । প॒রি॒ব॒থ্স॒রাযাবি॑জাতাম্ ।

ই॒দা॒ব॒থ্স॒রাযা॑প॒স্কদ্ব॑রীম্ । ই॒দ্ব॒ত্স॒রাযা॒তীত্ব॑রীম্ ।

ব॒থ্স॒রায॒ বিজ॑র্জরাম্ । সং॒​বঁ॒থ্স॒রায॒ পলি॑ক্নীম্ ।

বনা॑য বন॒পম্ । অ॒ন্যতো॑-ঽরণ্যায দাব॒পম্

॥ 10 ॥

শ্লোক 12

সরো᳚ভ্যো ধৈব॒রম্ । বেশ॑ন্তাভ্যো॒ দাশম্᳚ ।

উ॒প॒স্থাব॑রীভ্যো॒ বৈন্দম্᳚ । ন॒ড্ব॒লাভ্যঃ॑ শৌষ্ক॒লম্ ।

পা॒র্যা॑য কৈব॒র্তম্ । অ॒বা॒র্যা॑য মার্গা॒রম্ ।

তী॒র্থেভ্য॑ আ॒ন্দম্ । বিষ॑মেভ্যো মৈনা॒লম্ ।

স্বনে᳚ভ্যঃ॒ পর্ণ॑কম্ । গুহা᳚ভ্যঃ॒ কিরা॑তম্ ।

সানু॑ভ্যো॒ জম্ভ॑কম্ । পর্ব॑তেভ্যঃ॒ কিম্পূ॑রুষম্

॥ 11 ॥

শ্লোক 13

প্র॒তি॒শ্রুত্কা॑যা..ঋতু॒লম্ । ঘোষা॑য ভ॒ষম্ ।

অন্তা॑য বহুবা॒দিনম্᳚ । অ॒ন॒ন্তায॒ মূকম্᳚ ।

মহ॑সে বীণাবা॒দম্ । ক্রোশা॑য তূণব॒ধ্মম্ ।

আ॒ক্র॒ন্দায॑ দুন্দুভ্যাঘা॒তম্ । অ॒ব॒র॒স্প॒রায॑ শঙ্খ॒ধ্মম্ ।

ঋ॒ভুভ্যো॑-ঽজিনসন্ধা॒যম্ । সা॒ধ্যেভ্য॑শ্চর্ম॒ম্ণম্

॥ 12 ॥

শ্লোক 14

বী॒ভ॒থ্সাযৈ॑ পৌল্ক॒সম্ । ভূত্যৈ॑ জাগর॒ণম্ ।

অভূ᳚ত্যৈ স্বপ॒নম্ । তু॒লাযৈ॑ বাণি॒জম্ ।

বর্ণা॑য হিরণ্যকা॒রম্ । বিশ্বে᳚ভ্যো দে॒বেভ্যঃ॑ সিধ্ম॒লম্ ।

প॒শ্চা॒দ্দো॒ষায॑ গ্লা॒বম্ । ঋত্যৈ॑ জনবা॒দিনম্᳚ ।

ব্যৃ॑দ্ধ্যা অপগ॒ল্ভম্ । স॒গ্ং॒‍শ॒রায॑ প্র॒চ্ছিদম্᳚

॥ 13 ॥

শ্লোক 15

হসা॑য পুগ্গ্‍শ্চ॒লূমাল॑ভতে । বী॒ণা॒বা॒দ-ঙ্গণ॑ক-ঙ্গী॒তায॑ ।

যাদ॑সে শাবু॒ল্যাম্ । ন॒র্মায॑ ভদ্রব॒তীম্ ।

তূ॒ষ্ণ॒ব॒ধ্ম-ঙ্গ্রা॑ম॒ণ্য॑-ম্পাণিসঙ্ঘা॒ত-ন্নৃ॒ত্তায॑ ।

মোদা॑যানু॒ক্রোশ॑কম্ । আ॒ন॒ন্দায॑ তল॒বম্

॥ 14 ॥

শ্লোক 16

অ॒ক্ষ॒রা॒জায॑ কিত॒বম্ । কৃ॒তায॑ সভা॒বিনম্᳚ ।

ত্রেতা॑যা আদিনবদ॒র্​শম্ । দ্বা॒প॒রায॑ বহি॒-স্সদম্᳚ ।

কল॑যে সভাস্থা॒ণুম্ । দু॒ষ্কৃ॒তায॑ চ॒রকা॑চার্যম্ ।

অধ্ব॑নে ব্রহ্মচা॒রিণম্᳚ । পি॒শা॒চেভ্যঃ॑ সৈল॒গম্ ।

পি॒পা॒সাযৈ॑ গোব্য॒চ্ছম্ । নির্-ঋ॑ত্যৈ গোঘা॒তম্ ।

ক্ষু॒ধে গো॑বিক॒র্তম্ । ক্ষু॒ত্তৃ॒ষ্ণাভ্যা॒-ন্তম্ ।

যো গাং-বিঁ॒কৃন্ত॑ন্ত-ম্মা॒গ্ং॒স-ম্ভিক্ষ॑মাণ উপ॒তিষ্ঠ॑তে

॥ 15 ॥

শ্লোক 17

ভূম্যৈ॑ পীঠস॒র্পিণ॒মাল॑ভতে । অ॒গ্নযে-ঽগ্ং॑স॒লম্ ।

বা॒যবে॑ চাণ্ডা॒লম্ । অ॒ন্তরি॑ক্ষায বগ্ংশন॒র্তিনম্᳚ ।

দি॒বে খ॑ল॒তিম্ । সূর্যা॑য হর্য॒ক্ষম্ ।

চ॒ন্দ্রম॑সে মির্মি॒রম্ । নক্ষ॑ত্রেভ্যঃ কি॒লাসম্᳚ ।

অহ্নে॑ শু॒ক্ল-ম্পি॑ঙ্গ॒লম্ । রাত্রি॑যৈ কৃ॒ষ্ণ-ম্পি॑ঙ্গা॒ক্ষম্

॥ 16 ॥

শ্লোক 18

বা॒চে পুরু॑ষ॒মাল॑ভতে । প্রা॒ণম॑পা॒নং-ব্যাঁ॒নমু॑দা॒নগ্ং স॑মা॒ন-ন্তান্বা॒যবে᳚ ।

সূর্যা॑য॒ চক্ষু॒রাল॑ভতে । মন॑শ্চ॒ন্দ্রম॑সে ।

দি॒গ্ভ্য-শ্শ্রোত্রম্᳚ । প্র॒জাপ॑তযে॒ পুরু॑ষম্

॥ 17 ॥

শ্লোক 19

অথৈ॒তানরূ॑পেভ্য॒ আল॑ভতে । অতি॑হ্রস্ব॒মতি॑দীর্ঘম্ ।

অতি॑কৃশ॒মত্যগ্ং॑সলম্ । অতি॑শুক্ল॒মতি॑কৃষ্ণম্ ।

অতি॑শ্লক্ষ্ণ॒মতি॑লোমশম্ । অতি॑কিরিট॒মতি॑দন্তুরম্ ।

অতি॑মির্মির॒মতি॑মেমিষম্ । আ॒শাযৈ॑ জা॒মিম্ । প্র॒তী॒ক্ষাযৈ॑ কুমা॒রীম্

॥ 18 ॥

শ্লোক 20