Santhana Ganapathi Stotram

santAna gaNapati stotram

zloka 1

namo'stu gaNanAthAya siddhibuddhiyutAya ca |

sarvapradAya devAya putravRddhipradAya ca || 1 ||

gurUdarAya gurave goptre guhyAsitAya te |

gopyAya gopitAzeSabhuvanAya cidAtmane || 2 ||

vizvamUlAya bhavyAya vizvasRSTikarAya te |

namo namaste satyAya satyapUrNAya zuNDine || 3 ||

ekadantAya zuddhAya sumukhAya namo namaH |

prapannajanapAlAya praNatArtivinAzine || 4 ||

zaraNaM bhava deveza santatiM sudRDhA kuru |

bhaviSyanti ca ye putrA matkule gaNanAyaka || 5 ||

te sarve tava pUjArthaM niratAH syurvaromataH |

putrapradamidaM stotraM sarvasiddhipradAyakam || 6 ||

iti santAnagaNapatistotraM sampUrNam ||