Runa Vimochana Ganapathi Stotram

RRiNa vimochana gaNapati stotram

shloka 1

smarAmi devadeveshaM vakratuNDaM mahAbalam |

ShaDakSharaM kRRipAsindhuM namAmi RRiNamuktaye || 1 ||

ekAkSharaM hyekadantaM ekaM brahma sanAtanam |

ekamevAdvitIyaM cha namAmi RRiNamuktaye || 2 ||

mahAgaNapatiM devaM mahAsattvaM mahAbalam |

mahAvighnaharaM shambhoH namAmi RRiNamuktaye || 3 ||

kRRiShNAmbaraM kRRiShNavarNaM kRRiShNagandhAnulepanam |

kRRiShNasarpopavItaM cha namAmi RRiNamuktaye || 4 ||

raktAmbaraM raktavarNaM raktagandhAnulepanam |

raktapuShpapriyaM devaM namAmi RRiNamuktaye || 5 ||

pItAmbaraM pItavarNaM pItagandhAnulepanam |

pItapuShpapriyaM devaM namAmi RRiNamuktaye || 6 ||

dhUmrAmbaraM dhUmravarNaM dhUmragandhAnulepanam |

homadhUmapriyaM devaM namAmi RRiNamuktaye || 7 ||

phAlanetraM phAlachandraM pAshA~NkushadharaM vibhum |

chAmarAla~NkRRitaM devaM namAmi RRiNamuktaye || 8 ||

idaM tvRRiNaharaM stotraM sandhyAyAM yaH paThennaraH |

ShaNmAsAbhyantareNaiva RRiNamukto bhaviShyati || 9 ||

iti RRiNavimochana mahAgaNapati stotram |