Runa Vimochana Ganapathi Stotram

RNa vimocana gaNapati stotram

zloka 1

smarAmi devadevezaM vakratuNDaM mahAbalam |

SaDakSaraM kRpAsindhuM namAmi RNamuktaye || 1 ||

ekAkSaraM hyekadantaM ekaM brahma sanAtanam |

ekamevAdvitIyaM ca namAmi RNamuktaye || 2 ||

mahAgaNapatiM devaM mahAsattvaM mahAbalam |

mahAvighnaharaM zambhoH namAmi RNamuktaye || 3 ||

kRSNAmbaraM kRSNavarNaM kRSNagandhAnulepanam |

kRSNasarpopavItaM ca namAmi RNamuktaye || 4 ||

raktAmbaraM raktavarNaM raktagandhAnulepanam |

raktapuSpapriyaM devaM namAmi RNamuktaye || 5 ||

pItAmbaraM pItavarNaM pItagandhAnulepanam |

pItapuSpapriyaM devaM namAmi RNamuktaye || 6 ||

dhUmrAmbaraM dhUmravarNaM dhUmragandhAnulepanam |

homadhUmapriyaM devaM namAmi RNamuktaye || 7 ||

phAlanetraM phAlacandraM pAzAGkuzadharaM vibhum |

cAmarAlaGkRtaM devaM namAmi RNamuktaye || 8 ||

idaM tvRNaharaM stotraM sandhyAyAM yaH paThennaraH |

SaNmAsAbhyantareNaiva RNamukto bhaviSyati || 9 ||

iti RNavimocana mahAgaNapati stotram |