Runa Vimochana Angaraka Stotram

ඍණ විමෝචන අඞ්ගාරක ස්තෝත්රම්

ශ්ලොක 1

ස්කන්ද උවාච .

ඍණග්රස්තනරාණාං තු ඍණමුක්තිඃ කථං භවේත් .

බ්රහ්මෝවාච .

වක්ෂ්යේ(අ)හං සර්වලෝකානාං හිතාර්ථං හිතකාමදම් ..

අස්ය ශ්රී අඞ්ගාරක ස්තෝත්ර මහාමන්ත්රස්ය ගෞතම ඍෂිඃ, අනුෂ්ටුප් ඡන්දඃ, අඞ්ගාරකෝ දේවතා මම ඍණ විමෝචනාර්ථේ ජපේ විනියෝගඃ .

ධ්යානම් –

ධරණී ගර්භ සම්භූතං විද්යුත්කාන්ති සමප්රභම් .

කුමාරං ශක්තිහස්තං තං කුජං ප්රණමාම්යහම් .. 1 ..

රක්තමාල්යාම්බරධරඃ ශූලශක්තිගදාධරඃ .

චතුර්භුජෝ මේෂගතෝ වරදශ්ච ධරාසුතඃ .. 2 ..

අථ ස්තෝත්රම් –

මඞ්ගලෝ භූමිපුත්රශ්ච ඍණහර්තා ධනප්රදඃ .

ස්ථිරාසනෝ මහාකායඃ සර්වකර්මාවබෝධකඃ .. 3 ..

ලෝහිතෝ ලෝහිතාඞ්ගශ්ච සාමගායී කෘපාකරඃ .

ධර්මරාජඃ කුජෝ භෞමෝ භූමිජෝ භූමිනන්දනඃ .. 4 ..

අඞ්ගාරකෝ යමශ්චෛව සර්වරෝගාපහාරකඃ .

සෘෂ්ටිකර්තා(අ)පහර්තා ච සර්වකාමඵලප්රදඃ .. 5 ..

භූතිදෝ ග්රහපූජ්යශ්ච වක්ත්රෝ රක්තවපුඃ ප්රභුඃ .

ඒතානි කුජනාමානි යෝ නිත්යං ප්රයතඃ පඨේත් .

ඍණං න ජායතේ තස්ය ධනං ප්රාප්නෝත්යසංශයම් .. 6 ..

රක්තපුෂ්පෛශ්ච ගන්ධෛශ්ච දීපධූපාදිභිස්තථා .

මඞ්ගලං පූජයිත්වා තු මඞ්ගලේ(අ)හනි සර්වදා .. 7 ..

ඍණරේඛාඃ ප්රකර්තව්යාඃ දග්ධාඞ්ගාරෛස්තදග්රතඃ .

සප්තවිංශතිනාමානි පඨිත්වා තු තදන්තිකේ .. 8 ..

තාශ්ච ප්රමාර්ජයේත්පශ්චාද්වාමපාදේන සංස්පෘශන් .

ඒවං කෘත්වා න සන්දේහෝ ඍණහීනෝ ධනී භවේත් .. 9 ..

භූමිජස්ය ප්රසාදේන ග්රහපීඩා විනශ්යති .

යේනාර්ජිතා ජගත්කීර්තිර්භූමිපුත්රේණ ශාශ්වතී .. 10 ..

ශත්රවශ්ච හතා යේන භෞමේන මහිතාත්මනා .

ස ප්රීයතාං තු භෞමෝ(අ)ද්ය තුෂ්ටෝ භූයාත් සදා මම .. 11 ..

මූලමන්ත්රඃ –

අඞ්ගාරක මහීපුත්ර භගවන් භක්තවත්සල .

නමෝ(අ)ස්තු තේ මමාශේෂ ඍණමාශු විමෝචය .. 12 ..

අර්ඝ්යම් –

භූමිපුත්ර මහාතේජඃ ස්වේදෝද්භව පිනාකිනඃ .

ඍණාර්තස්ත්වාං ප්රපන්නෝ(අ)ස්මි ගෘහාණාර්ඝ්යං නමෝ(අ)ස්තු තේ .. 13 ..

ඉති ඍණ විමෝචන අඞ්ගාරක ස්තෝත්රම් ..