Runa Vimochana Angaraka Stotram

ଋଣ ଵିମୋଚନ ଅଙ୍ଗାରକ ସ୍ତୋତ୍ରମ୍

ଶ୍ଲୋକ 1

ସ୍କନ୍ଦ ଉଵାଚ ।

ଋଣଗ୍ରସ୍ତନରାଣାଂ ତୁ ଋଣମୁକ୍ତିଃ କଥଂ ଭଵେତ୍ ।

ବ୍ରହ୍ମୋଵାଚ ।

ଵକ୍ଷ୍ଯେଽହଂ ସର୍ଵଲୋକାନାଂ ହିତାର୍ଥଂ ହିତକାମଦମ୍ ॥

ଅସ୍ଯ ଶ୍ରୀ ଅଙ୍ଗାରକ ସ୍ତୋତ୍ର ମହାମନ୍ତ୍ରସ୍ଯ ଗୌତମ ଋଷିଃ, ଅନୁଷ୍ଟୁପ୍ ଛନ୍ଦଃ, ଅଙ୍ଗାରକୋ ଦେଵତା ମମ ଋଣ ଵିମୋଚନାର୍ଥେ ଜପେ ଵିନିଯୋଗଃ ।

ଧ୍ଯାନମ୍ –

ଧରଣୀ ଗର୍ଭ ସମ୍ଭୂତଂ ଵିଦ୍ଯୁତ୍କାନ୍ତି ସମପ୍ରଭମ୍ ।

କୁମାରଂ ଶକ୍ତିହସ୍ତଂ ତଂ କୁଜଂ ପ୍ରଣମାମ୍ଯହମ୍

ଶ୍ଲୋକ 2

ରକ୍ତମାଲ୍ଯାମ୍ବରଧରଃ ଶୂଲଶକ୍ତିଗଦାଧରଃ ।

ଚତୁର୍ଭୁଜୋ ମେଷଗତୋ ଵରଦଶ୍ଚ ଧରାସୁତଃ

॥ 1 ॥

ଶ୍ଲୋକ 3

ଅଥ ସ୍ତୋତ୍ରମ୍ –

ମଙ୍ଗଲୋ ଭୂମିପୁତ୍ରଶ୍ଚ ଋଣହର୍ତା ଧନପ୍ରଦଃ ।

ସ୍ଥିରାସନୋ ମହାକାଯଃ ସର୍ଵକର୍ମାଵବୋଧକଃ

॥ 2 ॥

ଶ୍ଲୋକ 4

ଲୋହିତୋ ଲୋହିତାଙ୍ଗଶ୍ଚ ସାମଗାଯୀ କୃପାକରଃ ।

ଧର୍ମରାଜଃ କୁଜୋ ଭୌମୋ ଭୂମିଜୋ ଭୂମିନନ୍ଦନଃ

॥ 3 ॥

ଶ୍ଲୋକ 5

ଅଙ୍ଗାରକୋ ଯମଶ୍ଚୈଵ ସର୍ଵରୋଗାପହାରକଃ ।

ସୃଷ୍ଟିକର୍ତାଽପହର୍ତା ଚ ସର୍ଵକାମଫଲପ୍ରଦଃ

॥ 4 ॥

ଶ୍ଲୋକ 6

ଭୂତିଦୋ ଗ୍ରହପୂଜ୍ଯଶ୍ଚ ଵକ୍ତ୍ରୋ ରକ୍ତଵପୁଃ ପ୍ରଭୁଃ ।

ଏତାନି କୁଜନାମାନି ଯୋ ନିତ୍ଯଂ ପ୍ରଯତଃ ପଠେତ୍ ।

ଋଣଂ ନ ଜାଯତେ ତସ୍ଯ ଧନଂ ପ୍ରାପ୍ନୋତ୍ଯସଂଶଯମ୍

॥ 5 ॥

ଶ୍ଲୋକ 7

ରକ୍ତପୁଷ୍ପୈଶ୍ଚ ଗନ୍ଧୈଶ୍ଚ ଦୀପଧୂପାଦିଭିସ୍ତଥା ।

ମଙ୍ଗଲଂ ପୂଜଯିତ୍ଵା ତୁ ମଙ୍ଗଲେଽହନି ସର୍ଵଦା

॥ 6 ॥

ଶ୍ଲୋକ 8

ଋଣରେଖାଃ ପ୍ରକର୍ତଵ୍ଯାଃ ଦଗ୍ଧାଙ୍ଗାରୈସ୍ତଦଗ୍ରତଃ ।

ସପ୍ତଵିଂଶତିନାମାନି ପଠିତ୍ଵା ତୁ ତଦନ୍ତିକେ

॥ 7 ॥

ଶ୍ଲୋକ 9

ତାଶ୍ଚ ପ୍ରମାର୍ଜଯେତ୍ପଶ୍ଚାଦ୍ଵାମପାଦେନ ସଂସ୍ପୃଶନ୍ ।

ଏଵଂ କୃତ୍ଵା ନ ସନ୍ଦେହୋ ଋଣହୀନୋ ଧନୀ ଭଵେତ୍

॥ 8 ॥

ଶ୍ଲୋକ 10

ଭୂମିଜସ୍ଯ ପ୍ରସାଦେନ ଗ୍ରହପୀଡା ଵିନଶ୍ଯତି ।

ଯେନାର୍ଜିତା ଜଗତ୍କୀର୍ତିର୍ଭୂମିପୁତ୍ରେଣ ଶାଶ୍ଵତୀ

॥ 9 ॥

ଶ୍ଲୋକ 11

ଶତ୍ରଵଶ୍ଚ ହତା ଯେନ ଭୌମେନ ମହିତାତ୍ମନା ।

ସ ପ୍ରୀଯତାଂ ତୁ ଭୌମୋଽଦ୍ଯ ତୁଷ୍ଟୋ ଭୂଯାତ୍ ସଦା ମମ

॥ 10 ॥

ଶ୍ଲୋକ 12

ମୂଲମନ୍ତ୍ରଃ –

ଅଙ୍ଗାରକ ମହୀପୁତ୍ର ଭଗଵନ୍ ଭକ୍ତଵତ୍ସଲ ।

ନମୋଽସ୍ତୁ ତେ ମମାଶେଷ ଋଣମାଶୁ ଵିମୋଚଯ

॥ 11 ॥

ଶ୍ଲୋକ 13

ଅର୍ଘ୍ଯମ୍ –

ଭୂମିପୁତ୍ର ମହାତେଜଃ ସ୍ଵେଦୋଦ୍ଭଵ ପିନାକିନଃ ।

ଋଣାର୍ତସ୍ତ୍ଵାଂ ପ୍ରପନ୍ନୋଽସ୍ମି ଗୃହାଣାର୍ଘ୍ଯଂ ନମୋଽସ୍ତୁ ତେ

॥ 12 ॥

ଶ୍ଲୋକ 14

ଇତି ଋଣ ଵିମୋଚନ ଅଙ୍ଗାରକ ସ୍ତୋତ୍ରମ୍ ॥