Runa Vimochana Angaraka Stotram

RNa vimocana aGgAraka stotram

zloka 1

skanda uvAca |

RNagrastanarANAM tu RNamuktiH kathaM bhavet |

brahmovAca |

vakSye'haM sarvalokAnAM hitArthaM hitakAmadam ||

asya zrI aGgAraka stotra mahAmantrasya gautama RSiH, anuSTup chandaH, aGgArako devatA mama RNa vimocanArthe jape viniyogaH |

dhyAnam –

dharaNI garbha sambhUtaM vidyutkAnti samaprabham |

kumAraM zaktihastaM taM kujaM praNamAmyaham || 1 ||

raktamAlyAmbaradharaH zUlazaktigadAdharaH |

caturbhujo meSagato varadazca dharAsutaH || 2 ||

atha stotram –

maGgalo bhUmiputrazca RNahartA dhanapradaH |

sthirAsano mahAkAyaH sarvakarmAvabodhakaH || 3 ||

lohito lohitAGgazca sAmagAyI kRpAkaraH |

dharmarAjaH kujo bhaumo bhUmijo bhUminandanaH || 4 ||

aGgArako yamazcaiva sarvarogApahArakaH |

sRSTikartA'pahartA ca sarvakAmaphalapradaH || 5 ||

bhUtido grahapUjyazca vaktro raktavapuH prabhuH |

etAni kujanAmAni yo nityaM prayataH paThet |

RNaM na jAyate tasya dhanaM prApnotyasaMzayam || 6 ||

raktapuSpaizca gandhaizca dIpadhUpAdibhistathA |

maGgalaM pUjayitvA tu maGgale'hani sarvadA || 7 ||

RNarekhAH prakartavyAH dagdhAGgAraistadagrataH |

saptaviMzatinAmAni paThitvA tu tadantike || 8 ||

tAzca pramArjayetpazcAdvAmapAdena saMspRzan |

evaM kRtvA na sandeho RNahIno dhanI bhavet || 9 ||

bhUmijasya prasAdena grahapIDA vinazyati |

yenArjitA jagatkIrtirbhUmiputreNa zAzvatI || 10 ||

zatravazca hatA yena bhaumena mahitAtmanA |

sa prIyatAM tu bhaumo'dya tuSTo bhUyAt sadA mama || 11 ||

mUlamantraH –

aGgAraka mahIputra bhagavan bhaktavatsala |

namo'stu te mamAzeSa RNamAzu vimocaya || 12 ||

arghyam –

bhUmiputra mahAtejaH svedodbhava pinAkinaH |

RNArtastvAM prapanno'smi gRhANArghyaM namo'stu te || 13 ||

iti RNa vimocana aGgAraka stotram ||