Runa Vimochana Angaraka (Mangala) Stotram

RRiNa vimochana aNgAraka (maNgala) stotram

shloka 1

skanda uvAcha |

RRiNagrastanarANAM tu RRiNamuktiH kathaM bhavet |

brahmovAcha |

vakShye.ahaM sarvalokAnAM hitArthaM hitakAmadam ||

asya shrI aNgAraka stotra mahAmantrasya gautama RRiShiH, anuShTup ChandaH, aNgArako devatA mama RRiNa vimochanArthe jape viniyogaH |

dhyAnam –

dharaNI garbha sambhUtaM vidyutkAnti samaprabham |

kumAraM shaktihastaM taM kujaM praNamAmyaham || 1 ||

raktamAlyAmbaradharaH shUlashaktigadAdharaH |

chaturbhujo meShagato varadashcha dharAsutaH || 2 ||

atha stotram –

ma~Ngalo bhUmiputrashcha RRiNahartA dhanapradaH |

sthirAsano mahAkAyaH sarvakarmAvabodhakaH || 3 ||

lohito lohitA~Ngashcha sAmagAyI kRRipAkaraH |

dharmarAjaH kujo bhaumo bhUmijo bhUminandanaH || 4 ||

a~NgArako yamashchaiva sarvarogApahArakaH |

sRRiShTikartA.apahartA cha sarvakAmaphalapradaH || 5 ||

bhUtido grahapUjyashcha vaktro raktavapuH prabhuH |

etAni kujanAmAni yo nityaM prayataH paThet |

RRiNaM na jAyate tasya dhanaM prApnotyasaMshayam || 6 ||

raktapuShpaishcha gandhaishcha dIpadhUpAdibhistathA |

maNgalaM pUjayitvA tu maNgale.ahani sarvadA || 7 ||

RRiNarekhAH prakartavyAH dagdhA~NgAraistadagrataH |

saptaviMshatinAmAni paThitvA tu tadantike || 8 ||

tAshcha pramArjayetpashchAdvAmapAdena saMspRRishan |

evaM kRRitvA na sandeho RRiNahIno dhanI bhavet || 9 ||

bhUmijasya prasAdena grahapIDA vinashyati |

yenArjitA jagatkIrtirbhUmiputreNa shAshvatI || 10 ||

shatravashcha hatA yena bhaumena mahitAtmanA |

sa prIyatAM tu bhaumo.adya tuShTo bhUyAt sadA mama || 11 ||

mUlamantraH –

a~NgAraka mahIputra bhagavan bhaktavatsala |

namo.astu te mamAsheSha RRiNamAshu vimochaya || 12 ||

arghyam –

bhUmiputra mahAtejaH svedodbhava pinAkinaH |

RRiNArtastvAM prapanno.asmi gRRihANArghyaM namo.astu te || 13 ||

iti RRiNa vimochana a~NgAraka stotram ||