Rudrashtakam

ରୁଦ୍ରାଷ୍ଟକମ୍

ଶ୍ଲୋକ 1

ନମାମୀଶମୀଶାନ ନିର୍ଵାଣରୂପଂ

ଵିଭୁଂ ଵ୍ଯାପକଂ ବ୍ରହ୍ମଵେଦ-ସ୍ଵରୂପମ୍ ।

ନିଜଂ ନିର୍ଗୁଣଂ ନିର୍ଵିକଲ୍ପଂ ନିରୀହଂ

ଚିଦାକାଶ-ମାକାଶଵାସଂ ଭଜେଽହମ୍

ଶ୍ଲୋକ 2

ନିରାକାରମୋଙ୍କାରମୂଲଂ ତୁରୀଯଂ

ଗିରାଜ୍ଞାନଗୋତୀତମୀଶଂ ଗିରୀଶମ୍ ।

କରାଲଂ ମହାକାଲକାଲଂ କୃପାଲୁଂ

ଗୁଣାଗାର-ସଂସାରପାରଂ ନତୋଽହମ୍

॥ 1 ॥

ଶ୍ଲୋକ 3

ତୁଷାରାଦ୍ରି-ସଙ୍କାଶଗୌରଂ ଗଭୀରଂ

ମନୋଭୂତକୋଟି-ପ୍ରଭାସୀ ଶରୀରମ୍ ।

ସ୍ଫୁରନ୍ମୌଲିକଲ୍ଲୋଲିନୀ ଚାରୁଗଙ୍ଗା

ଲସଦ୍ଭାଲ-ବାଲେନ୍ଦୁ କଣ୍ଠେ ଭୁଜଙ୍ଗମ୍

॥ 2 ॥

ଶ୍ଲୋକ 4

ଚଲତ୍କୁଣ୍ଡଲଂ ଶୁଭ୍ରନେତ୍ରଂ ଵିଶାଲଂ [ଭୄସୁନେତ୍ରଂ ଵିଶାଲଂ]

ପ୍ରସନ୍ନାନନଂ ନୀଲକଣ୍ଠଂ ଦଯାଲୁମ୍ ।

ମୃଗାଧୀଶ-ଚର୍ମାମ୍ବରଂ ମୁଣ୍ଡମାଲଂ

ପ୍ରିଯଂ ଶଙ୍କରଂ ସର୍ଵନାଥଂ ଭଜାମି

॥ 3 ॥

ଶ୍ଲୋକ 5

ପ୍ରଚଣ୍ଡଂ ପ୍ରକୃଷ୍ଟଂ ପ୍ରଗଲ୍ଭଂ ପରେଶଂ

ଅଖଣ୍ଡଂ ଭଜେ ଭାନୁକୋଟିପ୍ରକାଶମ୍ ।

ତ୍ରଯୀ-ଶୂଲ-ନିର୍ମୂଲନଂ ଶୂଲପାଣିଂ

ଭଜେଽହଂ ଭଵାନୀପତିଂ ଭାଵଗମ୍ଯମ୍

॥ 4 ॥

ଶ୍ଲୋକ 6

କଲାତୀତ-କଲ୍ଯାଣ-କଲ୍ପାନ୍ତକାରୀ

ସଦା ସଜ୍ଜନାନନ୍ଦ-ଦାତା ପୁରାରୀ ।

ଚିଦାନନ୍ଦ ସନ୍ଦୋହମୋହାପହାରୀ

ପ୍ରସୀଦ ପ୍ରସୀଦ ପ୍ରଭୋ ମନ୍ମଥାରୀ

॥ 5 ॥

ଶ୍ଲୋକ 7

ନ ଯାଵଦୁମାନାଥ-ପାଦାରଵିନ୍ଦଂ

ଭଜନ୍ତୀହ ଲୋକେ ପରେ ଵା ନରାଣାମ୍ ।

ନ ତାଵତ୍ସୁଖଂ ଶାନ୍ତି ସନ୍ତାପନାଶଂ

ପ୍ରସୀଦ ପ୍ରଭୋ ସର୍ଵଭୂତାଧିଵାସମ୍

॥ 6 ॥

ଶ୍ଲୋକ 8

ନ ଜାନାମି ଯୋଗଂ ଜପଂ ନୈଵ ପୂଜାଂ

ନତୋଽହଂ ସଦା ସର୍ଵଦା ଦେଵ ତୁଭ୍ଯମ୍ ।

ଜରା-ଜନ୍ମ-ଦୁଃଖୌଘତାତପ୍ଯମାନଂ

ପ୍ରଭୋ ପାହି ଶାପାନ୍ନମାମୀଶ ଶମ୍ଭୋ

॥ 7 ॥

ଶ୍ଲୋକ 9

ରୁଦ୍ରାଷ୍ଟକମିଦଂ ପ୍ରୋକ୍ତଂ ଵିପ୍ରେଣ ହରତୁଷ୍ଟଯେ ।

ଯେ ପଠନ୍ତି ନରା ଭକ୍ତ୍ଯା ତେଷାଂ ଶମ୍ଭୁଃ ପ୍ରସୀଦତି

॥ 8 ॥

ଶ୍ଲୋକ 10

॥ ଇତି ଶ୍ରୀରାମଚରିତମାନସେ ଉତ୍ତରକାଣ୍ଡେ ଶ୍ରୀଗୋସ୍ଵାମି ତୁଲସୀଦାସକୃତଂ

ଶ୍ରୀରୁଦ୍ରାଷ୍ଟକଂ ସମ୍ପୂର୍ଣମ୍ ॥