Rudrashtakam

rudrAShTakam

shloka 1

namAmIshamIshAna nirvANarUpaM

vibhuM vyApakaM brahmaveda-svarUpam |

nijaM nirguNaM nirvikalpaM nirIhaM

chidAkAsha-mAkAshavAsaM bhaje.aham || 1 ||

nirAkAramo~NkAramUlaM turIyaM

girAj~nAnagotItamIshaM girIsham |

karAlaM mahAkAlakAlaM kRRipAluM

guNAgAra-saMsArapAraM nato.aham || 2 ||

tuShArAdri-sa~NkAshagauraM gabhIraM

manobhUtakoTi-prabhAsI sharIram |

sphuranmaulikallolinI chAruga~NgA

lasadbhAla-bAlendu kaNThe bhuja~Ngam || 3 ||

chalatkuNDalaM shubhranetraM vishAlaM [bhRRIsunetraM vishAlaM]

prasannAnanaM nIlakaNThaM dayAlum |

mRRigAdhIsha-charmAmbaraM muNDamAlaM

priyaM sha~NkaraM sarvanAthaM bhajAmi || 4 ||

prachaNDaM prakRRiShTaM pragalbhaM pareshaM

akhaNDaM bhaje bhAnukoTiprakAsham |

trayI-shUla-nirmUlanaM shUlapANiM

bhaje.ahaM bhavAnIpatiM bhAvagamyam || 5 ||

kalAtIta-kalyANa-kalpAntakArI

sadA sajjanAnanda-dAtA purArI |

chidAnanda sandohamohApahArI

prasIda prasIda prabho manmathArI || 6 ||

na yAvadumAnAtha-pAdAravindaM

bhajantIha loke pare vA narANAm |

na tAvatsukhaM shAnti santApanAshaM

prasIda prabho sarvabhUtAdhivAsam || 7 ||

na jAnAmi yogaM japaM naiva pUjAM

nato.ahaM sadA sarvadA deva tubhyam |

jarA-janma-duHkhaughatAtapyamAnaM

prabho pAhi shApAnnamAmIsha shambho || 8 ||

rudrAShTakamidaM proktaM vipreNa haratuShTaye |

ye paThanti narA bhaktyA teShAM shambhuH prasIdati || 9 ||

|| iti shrIrAmacharitamAnase uttarakANDe shrIgosvAmi tulasIdAsakRRitaM

shrIrudrAShTakaM sampUrNam ||