Rudrashtakam

rudrASTakam

zloka 1

namAmIzamIzAna nirvANarUpaM

vibhuM vyApakaM brahmaveda-svarUpam |

nijaM nirguNaM nirvikalpaM nirIhaM

cidAkAza-mAkAzavAsaM bhaje'ham || 1 ||

nirAkAramoGkAramUlaM turIyaM

girAjJAnagotItamIzaM girIzam |

karAlaM mahAkAlakAlaM kRpAluM

guNAgAra-saMsArapAraM nato'ham || 2 ||

tuSArAdri-saGkAzagauraM gabhIraM

manobhUtakoTi-prabhAsI zarIram |

sphuranmaulikallolinI cArugaGgA

lasadbhAla-bAlendu kaNThe bhujaGgam || 3 ||

calatkuNDalaM zubhranetraM vizAlaM [bhRRsunetraM vizAlaM]

prasannAnanaM nIlakaNThaM dayAlum |

mRgAdhIza-carmAmbaraM muNDamAlaM

priyaM zaGkaraM sarvanAthaM bhajAmi || 4 ||

pracaNDaM prakRSTaM pragalbhaM parezaM

akhaNDaM bhaje bhAnukoTiprakAzam |

trayI-zUla-nirmUlanaM zUlapANiM

bhaje'haM bhavAnIpatiM bhAvagamyam || 5 ||

kalAtIta-kalyANa-kalpAntakArI

sadA sajjanAnanda-dAtA purArI |

cidAnanda sandohamohApahArI

prasIda prasIda prabho manmathArI || 6 ||

na yAvadumAnAtha-pAdAravindaM

bhajantIha loke pare vA narANAm |

na tAvatsukhaM zAnti santApanAzaM

prasIda prabho sarvabhUtAdhivAsam || 7 ||

na jAnAmi yogaM japaM naiva pUjAM

nato'haM sadA sarvadA deva tubhyam |

jarA-janma-duHkhaughatAtapyamAnaM

prabho pAhi zApAnnamAmIza zambho || 8 ||

rudrASTakamidaM proktaM vipreNa haratuSTaye |

ye paThanti narA bhaktyA teSAM zambhuH prasIdati || 9 ||

|| iti zrIrAmacaritamAnase uttarakANDe zrIgosvAmi tulasIdAsakRtaM

zrIrudrASTakaM sampUrNam ||