Rudrashtakam

রুদ্রাষ্টকম্

শ্লোক 1

নমামীশমীশান নির্বাণরূপং

বিভুং ব্যাপকং ব্রহ্মবেদ-স্বরূপম্ ।

নিজং নির্গুণং নির্বিকল্পং নিরীহং

চিদাকাশ-মাকাশবাসং ভজেঽহম্

শ্লোক 2

নিরাকারমোঙ্কারমূলং তুরীযং

গিরাজ্ঞানগোতীতমীশং গিরীশম্ ।

করালং মহাকালকালং কৃপালুং

গুণাগার-সংসারপারং নতোঽহম্

॥ 1 ॥

শ্লোক 3

তুষারাদ্রি-সঙ্কাশগৌরং গভীরং

মনোভূতকোটি-প্রভাসী শরীরম্ ।

স্ফুরন্মৌলিকল্লোলিনী চারুগঙ্গা

লসদ্ভাল-বালেন্দু কণ্ঠে ভুজঙ্গম্

॥ 2 ॥

শ্লোক 4

চলত্কুণ্ডলং শুভ্রনেত্রং বিশালং [ভৄসুনেত্রং বিশালং]

প্রসন্নাননং নীলকণ্ঠং দযালুম্ ।

মৃগাধীশ-চর্মাম্বরং মুণ্ডমালং

প্রিযং শঙ্করং সর্বনাথং ভজামি

॥ 3 ॥

শ্লোক 5

প্রচণ্ডং প্রকৃষ্টং প্রগল্ভং পরেশং

অখণ্ডং ভজে ভানুকোটিপ্রকাশম্ ।

ত্রযী-শূল-নির্মূলনং শূলপাণিং

ভজেঽহং ভবানীপতিং ভাবগম্যম্

॥ 4 ॥

শ্লোক 6

কলাতীত-কল্যাণ-কল্পান্তকারী

সদা সজ্জনানন্দ-দাতা পুরারী ।

চিদানন্দ সন্দোহমোহাপহারী

প্রসীদ প্রসীদ প্রভো মন্মথারী

॥ 5 ॥

শ্লোক 7

ন যাবদুমানাথ-পাদারবিন্দং

ভজন্তীহ লোকে পরে বা নরাণাম্ ।

ন তাবত্সুখং শান্তি সন্তাপনাশং

প্রসীদ প্রভো সর্বভূতাধিবাসম্

॥ 6 ॥

শ্লোক 8

ন জানামি যোগং জপং নৈব পূজাং

নতোঽহং সদা সর্বদা দেব তুভ্যম্ ।

জরা-জন্ম-দুঃখৌঘতাতপ্যমানং

প্রভো পাহি শাপান্নমামীশ শম্ভো

॥ 7 ॥

শ্লোক 9

রুদ্রাষ্টকমিদং প্রোক্তং বিপ্রেণ হরতুষ্টযে ।

যে পঠন্তি নরা ভক্ত্যা তেষাং শম্ভুঃ প্রসীদতি

॥ 8 ॥

শ্লোক 10

॥ ইতি শ্রীরামচরিতমানসে উত্তরকাণ্ডে শ্রীগোস্বামি তুলসীদাসকৃতং

শ্রীরুদ্রাষ্টকং সম্পূর্ণম্ ॥