Ranganatha Ashtakam

ra~NganAtha aShTakaM

shloka 1

AnandarUpe nijabodharUpe

brahmasvarUpe shrutimUrtirUpe |

shashA~NkarUpe ramaNIyarUpe

shrIra~NgarUpe ramatAM mano me || 1 ||

kAveritIre karuNAvilole

mandAramUle dhRRitachArukele |

daityAntakAle.akhilalokalIle

shrIra~NgalIle ramatAM mano me || 2 ||

lakShmInivAse jagatAM nivAse

hRRitpadmavAse ravibimbavAse |

kRRipAnivAse guNabRRindavAse

shrIra~NgavAse ramatAM mano me || 3 ||

brahmAdivandye jagadekavandye

mukundavandye suranAthavandye |

vyAsAdivandye sanakAdivandye

shrIra~Ngavandye ramatAM mano me || 4 ||

brahmAdhirAje garuDAdhirAje

vaikuNTharAje surarAjarAje |

trailokyarAje.akhilalokarAje

shrIra~NgarAje ramatAM mano me || 5 ||

amoghamudre paripUrNanidre

shrIyoganidre sasamudranidre |

shritaikabhadre jagadekanidre

shrIra~Ngabhadre ramatAM mano me || 6 ||

sachitrashAyI bhujagendrashAyI

nandANkashAyI kamalANkashAyI |

kShIrAbdhishAyI vaTapatrashAyI

shrIra~NgashAyI ramatAM mano me || 7 ||

idaM hi raNgaM tyajatAmihANgaM

punarna chANgaM yadi chANgameti |

pANau rathANgaM charaNe.ambu gANgaM

yAne vihaNgaM shayane bhujaNgam || 8 ||

ra~NganAthAShTakaM puNyaM prAtarutthAya yaH paThet |

sarvAnkAmAnavApnoti ra~NgisAyujyamApnuyAt || 9 ||

iti shrI ra~NganAthAShTakam |