രങ്ഗനാഥ അഷ്ടകം

രങ്ഗനാഥ അഷ്ടകം

ശ്ലോക 1

ആനന്ദരൂപേ നിജബോധരൂപേ

ബ്രഹ്മസ്വരൂപേ ശ്രുതിമൂര്തിരൂപേ ।

ശശാങ്കരൂപേ രമണീയരൂപേ

ശ്രീരങ്ഗരൂപേ രമതാം മനോ മേ

ശ്ലോക 2

കാവേരിതീരേ കരുണാവിലോലേ

മന്ദാരമൂലേ ധൃതചാരുകേലേ ।

ദൈത്യാന്തകാലേഽഖിലലോകലീലേ

ശ്രീരങ്ഗലീലേ രമതാം മനോ മേ

॥ 1 ॥

ശ്ലോക 3

ലക്ഷ്മീനിവാസേ ജഗതാം നിവാസേ

ഹൃത്പദ്മവാസേ രവിബിമ്ബവാസേ ।

കൃപാനിവാസേ ഗുണബൃന്ദവാസേ

ശ്രീരങ്ഗവാസേ രമതാം മനോ മേ

॥ 2 ॥

ശ്ലോക 4

ബ്രഹ്മാദിവന്ദ്യേ ജഗദേകവന്ദ്യേ

മുകുന്ദവന്ദ്യേ സുരനാഥവന്ദ്യേ ।

വ്യാസാദിവന്ദ്യേ സനകാദിവന്ദ്യേ

ശ്രീരങ്ഗവന്ദ്യേ രമതാം മനോ മേ

॥ 3 ॥

ശ്ലോക 5

ബ്രഹ്മാധിരാജേ ഗരുഡാധിരാജേ

വൈകുണ്ഠരാജേ സുരരാജരാജേ ।

ത്രൈലോക്യരാജേഽഖിലലോകരാജേ

ശ്രീരങ്ഗരാജേ രമതാം മനോ മേ

॥ 4 ॥

ശ്ലോക 6

അമോഘമുദ്രേ പരിപൂര്ണനിദ്രേ

ശ്രീയോഗനിദ്രേ സസമുദ്രനിദ്രേ ।

ശ്രിതൈകഭദ്രേ ജഗദേകനിദ്രേ

ശ്രീരങ്ഗഭദ്രേ രമതാം മനോ മേ

॥ 5 ॥

ശ്ലോക 7

സചിത്രശായീ ഭുജഗേന്ദ്രശായീ

നന്ദാങ്കശായീ കമലാങ്കശായീ ।

ക്ഷീരാബ്ധിശായീ വടപത്രശായീ

ശ്രീരങ്ഗശായീ രമതാം മനോ മേ

॥ 6 ॥

ശ്ലോക 8

ഇദം ഹി രങ്ഗം ത്യജതാമിഹാങ്ഗം

പുനര്ന ചാങ്ഗം യദി ചാങ്ഗമേതി ।

പാണൌ രഥാങ്ഗം ചരണേഽമ്ബു ഗാങ്ഗം

യാനേ വിഹങ്ഗം ശയനേ ഭുജങ്ഗമ്

॥ 7 ॥

ശ്ലോക 9

രങ്ഗനാഥാഷ്ടകം പുണ്യം പ്രാതരുത്ഥായ യഃ പഠേത് ।

സര്വാന്കാമാനവാപ്നോതി രങ്ഗിസായുജ്യമാപ്നുയാത്

॥ 8 ॥

ശ്ലോക 10

ഇതി ശ്രീ രങ്ഗനാഥാഷ്ടകമ് ।