Rama Raksha Stotram

shrI rAma rakShA stotram

shloka 1

OM asya shrI rAmarakShA stotramantrasya

budhakaushika RRiShiH

shrI sItArAma chandrodevatA

anuShTup ChandaH

sItA shaktiH

shrImad hanumAn kIlakam

shrIrAmachandra prItyarthe rAmarakShA stotrajape viniyogaH ||

dhyAnam

dhyAyedAjAnubAhuM dhRRitashara dhanuShaM baddha padmAsanasthaM

pItaM vAsovasAnaM navakamala dalasparthi netraM prasannam |

vAmA~NkArUDha sItAmukha kamalamilallochanaM nIradAbhaM

nAnAla~NkAra dIptaM dadhatamuru jaTAmaNDalaM rAmachandram ||

stotram

charitaM raghunAthasya shatakoTi pravistaram |

ekaikamakSharaM puMsAM mahApAtaka nAshanam || 1 ||

dhyAtvA nIlotpala shyAmaM rAmaM rAjIvalochanam |

jAnakI lakShmaNopetaM jaTAmukuTa maNDitam || 2 ||

sAsitUNa dhanurbANa pANiM naktaM charAntakam |

svalIlayA jagattrAtu mAvirbhUtamajaM vibhum || 3 ||

rAmarakShAM paThetprAj~naH pApaghnIM sarvakAmadAm |

shiro me rAghavaH pAtu phAlaM (bhAlaM) dasharathAtmajaH || 4 ||

kausalyeyo dRRishaupAtu vishvAmitrapriyaH shRRitI |

ghrANaM pAtu makhatrAtA mukhaM saumitrivatsalaH || 5 ||

jihvAM vidyAnidhiH pAtu kaNThaM bharatavanditaH |

skandhau divyAyudhaH pAtu bhujau bhagneshakArmukaH || 6 ||

karau sItApatiH pAtu hRRidayaM jAmadagnyajit |

madhyaM pAtu kharadhvaMsI nAbhiM jAmbavadAshrayaH || 7 ||

sugrIveshaH kaTiM pAtu sakthinI hanumat-prabhuH |

UrU raghUttamaH pAtu rakShaHkula vinAshakRRit || 8 ||

jAnunI setukRRit-pAtu ja~Nghe dashamukhAntakaH |

pAdau vibhIShaNashrIdaH pAtu rAmo.akhilaM vapuH || 9 ||

etAM rAmabalopetAM rakShAM yaH sukRRitI paThet |

sa chirAyuH sukhI putrI vijayI vinayI bhavet || 10 ||

pAtAla-bhUtala-vyoma-chAriNa-shchadma-chAriNaH |

na draShTumapi shaktAste rakShitaM rAmanAmabhiH || 11 ||

rAmeti rAmabhadreti rAmachandreti vA smaran |

naro na lipyate pApairbhuktiM muktiM cha vindati || 12 ||

jagajjaitraika mantreNa rAmanAmnAbhi rakShitam |

yaH kaNThe dhArayettasya karasthAH sarvasiddhayaH || 13 ||

vajrapa~njara nAmedaM yo rAmakavachaM smaret |

avyAhatAjnaH sarvatra labhate jayamaNgalam || 14 ||

AdiShTavAn-yathA svapne rAmarakShAmimAM haraH |

tathA likhitavAn-prAtaH prabuddhau budhakaushikaH || 15 ||

ArAmaH kalpavRRikShANAM virAmaH sakalApadAm |

abhirAma-strilokAnAM rAmaH shrImAn sa naH prabhuH || 16 ||

taruNau rUpasampannau sukumArau mahAbalau |

puNDarIka vishAlAkShau chIrakRRiShNAjinAmbarau || 17 ||

phalamUlAshinau dAntau tApasau brahmachAriNau |

putrau dasharathasyaitau bhrAtarau rAmalakShmaNau || 18 ||

sharaNyau sarvasattvAnAM shreShThau sarvadhanuShmatAm |

rakShaHkula nihantArau trAyetAM no raghUttamau || 19 ||

Atta sajya dhanuShA viShuspRRishA vakShayAshuga niShaNga saNginau |

rakShaNAya mama rAmalakShaNAvagrataH pathi sadaiva gachChatAm || 20 ||

sannaddhaH kavachI khaDgI chApabANadharo yuvA |

gachChan manorathAnnashcha (manoratho.asmAkaM) rAmaH pAtu sa lakShmaNaH || 21 ||

rAmo dAsharathi shshUro lakShmaNAnucharo balI |

kAkutsaH puruShaH pUrNaH kausalyeyo raghUttamaH || 22 ||

vedAntavedyo yaj~neshaH purANa puruShottamaH |

jAnakIvallabhaH shrImAnaprameya parAkramaH || 23 ||

ityetAni japennityaM madbhaktaH shraddhayAnvitaH |

ashvamedhAdhikaM puNyaM samprApnoti na saMshayaH || 24 ||

rAmaM dUrvAdala shyAmaM padmAkShaM pItavAsasam |

stuvanti nAmabhi-rdivyairna te saMsAriNo narAH || 25 ||

rAmaM lakShmaNa pUrvajaM raghuvaraM sItApatiM sundaram

kAkutsthaM karuNArNavaM guNanidhiM viprapriyaM dhArmikam |

rAjendraM satyasandhaM dasharathatanayaM shyAmalaM shAntamUrtim

vande lokAbhirAmaM raghukula tilakaM rAghavaM rAvaNArim || 26 ||

rAmAya rAmabhadrAya rAmachandrAya vedhase |

raghunAthAya nAthAya sItAyAH pataye namaH || 27 ||

shrIrAma rAma raghunandana rAma rAma

shrIrAma rAma bharatAgraja rAma rAma |

shrIrAma rAma raNakarkasha rAma rAma

shrIrAma rAma sharaNaM bhava rAma rAma || 28 ||

shrIrAma chandra charaNau manasA smarAmi

shrIrAma chandra charaNau vachasA gRRihNAmi |

shrIrAma chandra charaNau shirasA namAmi

shrIrAma chandra charaNau sharaNaM prapadye || 29 ||

mAtA rAmo mat-pitA rAmachandraH

svAmI rAmo mat-sakhA rAmachandraH |

sarvasvaM me rAmachandro dayAluH

nAnyaM jAne naiva jAne na jAne || 30 ||

dakShiNe lakShmaNo yasya vAme cha (tu) janakAtmajA |

purato mArutiryasya taM vande raghunandanam || 31 ||

lokAbhirAmaM raNara~NgadhIraM

rAjIvanetraM raghuvaMshanAtham |

kAruNyarUpaM karuNAkaraM taM

shrIrAmachandraM sharaNyaM prapadye || 32 ||

manojavaM mAruta tulya vegaM

jitendriyaM buddhimatAM variShTam |

vAtAtmajaM vAnarayUtha mukhyaM

shrIrAmadUtaM sharaNaM prapadye || 33 ||

kUjantaM rAmarAmeti madhuraM madhurAkSharam |

AruhyakavitA shAkhAM vande vAlmIki kokilam || 34 ||

ApadAmapahartAraM dAtAraM sarvasampadAm |

lokAbhirAmaM shrIrAmaM bhUyobhUyo namAmyaham || 35 ||

bharjanaM bhavabIjAnAmarjanaM sukhasampadAm |

tarjanaM yamadUtAnAM rAma rAmeti garjanam || 36 ||

rAmo rAjamaNiH sadA vijayate rAmaM rameshaM bhaje

rAmeNAbhihatA nishAcharachamU rAmAya tasmai namaH |

rAmAnnAsti parAyaNaM parataraM rAmasya dAsosmyahaM

rAme chittalayaH sadA bhavatu me bho rAma mAmuddhara || 37 ||

shrIrAma rAma rAmeti rame rAme manorame |

sahasranAma tattulyaM rAma nAma varAnane || 38 ||

iti shrIbudhakaushikamuni virachitaM shrIrAma rakShAstotraM sampUrNam |

shrIrAma jayarAma jayajayarAma |