Rahu Kavacham

rAhu kavacam

zloka 1

dhyAnam

praNamAmi sadA rAhuM zUrpAkAraM kirITinam |

saiMhikeyaM karAlAsyaM lokAnAmabhayapradam || 1||

| atha rAhu kavacam |

nIlAmbaraH ziraH pAtu lalATaM lokavanditaH |

cakSuSI pAtu me rAhuH zrotre tvardhazariravAn || 2||

nAsikAM me dhUmravarNaH zUlapANirmukhaM mama |

jihvAM me siMhikAsUnuH kaNThaM me kaThinAGghrikaH || 3||

bhujaGgezo bhujau pAtu nIlamAlyAmbaraH karau |

pAtu vakSaHsthalaM mantrI pAtu kukSiM vidhuntudaH || 4||

kaTiM me vikaTaH pAtu UrU me surapUjitaH |

svarbhAnurjAnunI pAtu jaGghe me pAtu jADyahA || 5||

gulphau grahapatiH pAtu pAdau me bhISaNAkRtiH |

sarvANyaGgAni me pAtu nIlacandanabhUSaNaH || 6||

phalazrutiH

rAhoridaM kavacamRddhidavastudaM yo

bhaktyA paThatyanudinaM niyataH zuciH san |

prApnoti kIrtimatulAM zriyamRddhi-

mAyurArogyamAtmavijayaM ca hi tatprasAdAt || 7||

|| iti zrImahAbhArate dhRtarASTrasaJjayasaMvAde droNaparvaNi rAhukavacaM sampUrNam ||