Radha Sahasranama Stotram

राधा सहस्रनाम स्तोत्रम्

श्लोक 1

वन्दे वृन्दावनानन्दा राधिका परमेश्वरी ।

गोपिकां परमां श्रेष्ठां ह्लादिनीं शक्तिरूपिणीम् ॥

श्रीराधां परमाराज्यां कृष्णसेवापरायणाम् ।

श्रीकृष्णाङ्ग सदाध्यात्री नवधाभक्तिकारिणी ॥

येषां गुणमयी-राधा वृषभानुकुमारिका ।

दामोदरप्रिया-राधा मनोभीष्टप्रदायिनी ॥

तस्या नामसहस्रं त्वं श्रुणु भागवतोत्तमा ॥

मानसतन्त्रे अनुष्टुप्छन्दसे अकारादि क्षकारान्तानि

श्रीराधिकासहस्रनामानि ॥

अथ स्तोत्रम्

ॐ अनन्तरूपिणी-राधा अपारगुणसागरा ।

अध्यक्षरा आदिरूपा अनादिराशेश्वरी

श्लोक 2

अणिमादि सिद्धिदात्री अधिदेवी अधीश्वरी ।

अष्टसिद्धिप्रदादेवी अभया अखिलेश्वरी

॥ 1॥

श्लोक 3

अनङ्गमञ्जरीभग्ना अनङ्गदर्पनाशिनी ।

अनुकम्पाप्रदा-राधा अपराधप्रणाशिनी

॥ 2॥

श्लोक 4

अन्तर्वेत्री अधिष्ठात्री अन्तर्यामी सनातनी ।

अमला अबला बाला अतुला च अनूपमा

॥ 3॥

श्लोक 5

अशेषगुणसम्पन्ना अन्तःकरणवासिनी ।

अच्युता रमणी आद्या अङ्गरागविधायिनी

॥ 4॥

श्लोक 6

अरविन्दपदद्वन्द्वा अध्यक्षा परमेश्वरी ।

अवनीधारिणीदेवी अचिन्त्याद्भुतरूपिणी

॥ 5॥

श्लोक 7

अशेषगुणसाराच अशोकाशोकनाशिनी ।

अभीष्टदा अंशमुखी अक्षयाद्भुतरूपिणी

॥ 6॥

श्लोक 8

अवलम्बा अधिष्ठात्री अकिञ्चनवरप्रदा ।

अखिलानन्दिनी आद्या अयाना कृष्णमोहिनी

॥ 7॥

श्लोक 9

अवधीसर्वशास्त्राणामापदुद्धारिणी शुभा ।

आह्लादिनी आदिशक्तिरन्नदा अभयापि च

॥ 8॥

श्लोक 10

अन्नपूर्णा अहोधन्या अतुल्या अभयप्रदा ।

इन्दुमुखी दिव्यहासा इष्टभक्तिप्रदायिनी

॥ 7॥

श्लोक 11

इच्छामयी इच्छारूपा इन्दिरा ईश्वरीऽपरा ।

इष्टदायीश्वरी माया इष्टमन्त्रस्वरूपिणी

॥ 10॥

श्लोक 12

ओङ्काररूपिणीदेवी उर्वीसर्वजनेश्वरी ।

ऐरावतवती पूज्या अपारगुणसागरा

॥ 11॥

श्लोक 13

कृष्णप्राणाधिकाराधा कृष्णप्रेमविनोदिनी ।

श्रीकृष्णाङ्गसदाध्यायी कृष्णानन्दप्रदायिनी

॥ 12॥

श्लोक 14

कृष्णाऽह्लादिनीदेवी कृष्णध्यानपरायणा ।

कृष्णसम्मोहिनीनित्या कृष्णानन्दप्रवर्धिनी

॥ 13॥

श्लोक 15

कृष्णानन्दा सदानन्दा कृष्णकेलि सुखास्वदा ।

कृष्णप्रिया कृष्णकान्ता कृष्णसेवापरायणा

॥ 14॥

श्लोक 16

कृष्णप्रेमाब्धिसभरी कृष्णप्रेमतरङ्गिणी ।

कृष्णचित्तहरादेवी कीर्तिदाकुलपद्मिनी

॥ 15॥

श्लोक 17

कृष्णमुखी हासमुखी सदाकृष्णकुतूहली ।

कृष्णानुरागिणी धन्या किशोरी कृष्णवल्लभा

॥ 16॥

श्लोक 18

कृष्णकामा कृष्णवन्द्या कृष्णाब्धे सर्वकामना ।

कृष्णप्रेममयी-राधा कल्याणी कमलानना ॥। 18॥

कृष्णसून्मादिनी काम्या कृष्णलीला शिरोमणी ।

कृष्णसञ्जीवनी-राधा कृष्णवक्षस्थलस्थिता

॥ 17॥

श्लोक 19

कृष्णप्रेमसदोन्मत्ता कृष्णसङ्गविलासिनी ।

श्रीकृष्णरमणीराधा कृष्णप्रेमाऽकलङ्किणी

॥ 19॥

श्लोक 20

कृष्णप्रेमवतीकर्त्री कृष्णभक्तिपरायणा ।

श्रीकृष्णमहिषी पूर्णा श्रीकृष्णाङ्गप्रियङ्करी

॥ 20॥

श्लोक 21

कामगात्रा कामरूपा कलिकल्मषनाशिनी ।

कृष्णसंयुक्तकामेशी श्रीकृष्णप्रियवादिनी

॥ 21॥

श्लोक 22

कृष्णशक्ति काञ्चनाभा कृष्णाकृष्णप्रियासती ।

कृष्णप्राणेश्वरी धीरा कमलाकुञ्जवासिनी

॥ 22॥

श्लोक 23

कृष्णप्राणाधिदेवी च किशोरानन्ददायिनी ।

कृष्णप्रसाध्यमाना च कृष्णप्रेमपरायणा

॥ 23॥

श्लोक 24

कृष्णवक्षस्थितादेवी श्रीकृष्णाङ्गसदाव्रता ।

कुञ्जाधिराजमहिषी पूजन्नूपुररञ्जनी

॥ 24॥

श्लोक 25

कारुण्यामृतपाधोधी कल्याणी करुणामयी ।

कुन्दकुसुमदन्ता च कस्तूरिबिन्दुभिः शुभा

॥ 25॥

श्लोक 26

कुचकुटमलसौन्दर्या कृपामयी कृपाकरी ।

कुञ्जविहारिणी गोपी कुन्ददामसुशोभिनी

॥ 26॥

श्लोक 27

कोमलाङ्गी कमलाङ्घ्री कमलाऽकमलानना ।

कन्दर्पदमनादेवी कौमारी नवयौवना

॥ 27॥

श्लोक 28

कुङ्कुमाचर्चिताङ्गी च केसरीमध्यमोत्तमा ।

काञ्चनाङ्गी कुरङ्गाक्षी कनकाङ्गुलिधारिणी

॥ 28॥

श्लोक 29

करुणार्णवसम्पूर्णा कृष्णप्रेमतरङ्गिणी ।

कल्पदृमा कृपाध्यक्षा कृष्णसेवा परायणा

॥ 29॥

श्लोक 30

खञ्जनाक्षी खनीप्रेम्णा अखण्डिता मानकारिणी ।

गोलोकधामिनी-राधा गोकुलानन्ददायिनी

॥ 30॥

श्लोक 31

गोविन्दवल्लभादेवी गोपिनी गुणसागरा ।

गोपालवल्लभा गोपी गौराङ्गी गोधनेश्वरी

॥ 31॥

श्लोक 32

गोपाली गोपिकाश्रेष्ठा गोपकन्या गणेश्वरी ।

गजेन्द्रगामिनीगन्या गन्धर्वकुलपावनी

॥ 32॥

श्लोक 33

गुणाध्यक्षा गणाध्यक्षा गवोन्गती गुणाकरा ।

गुणगम्या गृहलक्ष्मी गोप्येचूडाग्रमालिका ॥। 34॥

गङ्गागीतागतिर्दात्री गायत्री ब्रह्मरूपिणी ।

गन्धपुष्पधरादेवी गन्धमाल्यादिधारिणी

॥ 33॥

श्लोक 34

गोविन्दप्रेयसी धीरा गोविन्दबन्धकारणा ।

ज्ञानदागुणदागम्या गोपिनी गुणशोभिनी

॥ 35॥

श्लोक 35

गोदावरी गुणातीता गोवर्धनधनप्रिया ।

गोपिनी गोकुलेन्द्राणी गोपिका गुणशालिनी

॥ 36॥

श्लोक 36

गन्धेश्वरी गुणालम्बा गुणाङ्गी गुणपावनी ।

गोपालस्य प्रियाराधा कुञ्जपुञ्जविहारिणी

॥ 37॥

श्लोक 37

गोकुलेन्दुमुखी वृन्दा गोपालप्राणवल्लभा ।

गोपाङ्गनाप्रियाराधा गौराङ्गी गौरवान्विता

॥ 38॥

श्लोक 38

गोवत्सधारिणीवत्सा सुबलावेशधारिणी ।

गीर्वाणवन्द्या गीर्वाणी गोपिनी गणशोभिता

॥ 39॥

श्लोक 39

घनश्यामप्रियाधीरा घोरसंसारतारिणी ।

घूर्णायमाननयना घोरकल्मषनाशिनी

॥ 40॥

श्लोक 40

चैतन्यरूपिणीदेवी चित्तचैतन्यदायिनी ।

चन्द्राननी चन्द्रकान्ती चन्द्रकोटिसमप्रभा

॥ 41॥

श्लोक 41

चन्द्रावली शुक्लपक्षा चन्द्राच कृष्णवल्लभा ।

चन्द्रार्कनखरज्योती चारुवेणीशिखारुचिः

॥ 42॥

श्लोक 42

चन्दनैश्चर्चिताङ्गी च चतुराचञ्चलेक्षणा ।

चारुगोरोचनागौरी चतुर्वर्गप्रदायिनी

॥ 43॥

श्लोक 43

श्रीमतीचतुराध्यक्षा चरमागतिदायिनी ।

चराचरेश्वरीदेवी चिन्तातीता जगन्मयी

॥ 44॥

श्लोक 44

चतुःषष्टिकलालम्बा चम्पापुष्पविधारिणी ।

चिन्मयी चित्शक्तिरूपा चर्चिताङ्गी मनोरमा

॥ 45॥

श्लोक 45

चित्रलेखाच श्रीरात्री चन्द्रकान्तिजितप्रभा ।

चतुरापाङ्गमाधुर्या चारुचञ्चललोचना

॥ 46॥

श्लोक 46

छन्दोमयी छन्दरूपा छिद्रछन्दोविनाशिनी ।

जगत्कर्त्री जगद्धात्री जगदाधाररूपिणी

॥ 47॥

श्लोक 47

जयङ्करी जगन्माता जयदादियकारिणी ।

जयप्रदाजयालक्ष्मी जयन्ती सुयशप्रदा

॥ 48॥

श्लोक 48

जाम्बूनदा हेमकान्ती जयावती यशस्विनी ।

जगहिता जगत्पूज्या जननी लोकपालिनी

॥ 49॥

श्लोक 49

जगद्धात्री जगत्कर्त्री जगद्बीजस्वरूपिणी ।

जगन्माता योगमाया जीवानां गतिदायिनी

॥ 50॥

श्लोक 50

जीवाकृतिर्योगगम्या यशोदानन्ददायिनी ।

जपाकुसुमसङ्काशा पादाब्जामणिमण्डिता

॥ 51॥

श्लोक 51

जानुद्युतिजितोत्फुल्ला यन्त्रणाविघ्नघातिनी ।

जितेन्द्रिया यज्ञरूपा यज्ञाङ्गी जलशायिनी

॥ 52॥

श्लोक 52

जानकीजन्मशून्याच जन्ममृत्युजराहरा ।

जाह्नवी यमुनारूपा जाम्बूनदस्वरूपिणी

॥ 53॥

श्लोक 53

झणत्कृतपदाम्भोजा जडतारिनिवारिणी ।

टङ्कारिणी महाध्याना दिव्यवाद्यविनोदिनी

॥ 54॥

श्लोक 54

तप्तकाञ्चनवर्णाभा त्रैलोक्यलोकतारिणी ।

तिलपुष्पजितानासा तुलसीमञ्जरीप्रिया

॥ 55॥

श्लोक 55

त्रैलोक्याऽकर्षिणी-राधा त्रिवर्गफलदायिनी ।

तुलसीतोषकर्त्री च कृष्णचन्द्रतपस्विनी

॥ 56॥

श्लोक 56

तरुणादित्यसङ्काशा नखश्रेणिसमप्रभा ।

त्रैलोक्यमङ्गलादेवी दिग्धमूलपदद्वयी

॥ 57॥

श्लोक 57

त्रैलोक्यजननी-राधा तापत्रयनिवारिणी ।

त्रैलोक्यसुन्दरी धन्या तन्त्रमन्त्रस्वरूपिणी

॥ 58॥

श्लोक 58

त्रिकालज्ञा त्राणकर्त्री त्रैलोक्यमङ्गलासदा ।

तेजस्विनी तपोमूर्ती तापत्रयविनाशिनी

॥ 59॥

श्लोक 59

त्रिगुणाधारिणी देवी तारिणी त्रिदशेश्वरी ।

त्रयोदशवयोनित्या तरुणीनवयौवना

॥ 60॥

श्लोक 60

हृत्पद्मेस्थितिमति स्थानदात्री पदाम्बुजे ।

स्थितिरूपा स्थिरा शान्ता स्थितसंसारपालिनी

॥ 61॥

श्लोक 61

दामोदरप्रियाधीरा दुर्वासोवरदायिनी ।

दयामयी दयाध्यक्षा दिव्ययोगप्रदर्शिनी

॥ 62॥

श्लोक 62

दिव्यानुलेपनारागा दिव्यालङ्कारभूषणा ।

दुर्गतिनाशिनी-राधा दुर्गा दुःखविनाशिनी

॥ 63॥

श्लोक 63

देवदेवीमहादेवी दयाशीला दयावती ।

दयार्द्रसागराराधा महादारिद्र्यनाशिनी

॥ 64॥

श्लोक 64

देवतानां दुराराध्या महापापविनाशिनी ।

द्वारकावासिनी देवी दुःखशोकविनाशिनी

॥ 65॥

श्लोक 65

दयावती द्वारकेशा दोलोत्सवविहारिणी ।

दान्ता शान्ता कृपाध्यक्षा दक्षिणायज्ञकारिणी

॥ 66॥

श्लोक 66

दीनबन्धुप्रियादेवी शुभा दुर्घटनाशिनी ।

ध्वजवज्राब्जपाशाङ्घ्री धीमहीचरणाम्बुजा

॥ 67॥

श्लोक 67

धर्मातीता धराध्यक्षा धनधान्यप्रदायिनी ।

धर्माध्यक्षा ध्यानगम्या धरणीभारनाशिनी

॥ 68॥

श्लोक 68

धर्मदाधैर्यदाधात्री धन्यधन्यधुरन्धरी ।

धरणीधारिणीधन्या धर्मसङ्कटरक्षिणी

॥ 69॥

श्लोक 69

धर्माधिकारिणीदेवी धर्मशास्त्रविशारदा ।

धर्मसंस्थापनाधाग्रा ध्रुवानन्दप्रदायिनी

॥ 70॥

श्लोक 70

नवगोरोचना गौरी नीलवस्त्रविधारिणी ।

नवयौवनसम्पन्ना नन्दनन्दनकारिणी

॥ 71॥

श्लोक 71

नित्यानन्दमयी नित्या नीलकान्तमणिप्रिया ।

नानारत्नविचित्राङ्गी नानासुखमयीसुधा

॥ 72॥

श्लोक 72

निगूढरसरासज्ञा नित्यानन्दप्रदायिनी ।

नवीनप्रवणाधन्या नीलपद्मविधारिणी

॥ 73॥

श्लोक 73

नन्दाऽनन्दा सदानन्दा निर्मला मुक्तिदायिनी ।

निर्विकारा नित्यरूपा निष्कलङ्का निरामया

॥ 74॥

श्लोक 74

नलिनी नलिनाक्षी च नानालङ्कारभूषिता ।

नितम्बिनि निराकाङ्क्षा नित्या सत्या सनातनी

॥ 75॥

श्लोक 75

नीलाम्बरपरीधाना नीलाकमललोचना ।

निरपेक्षा निरूपमा नारायणी नरेश्वरी

॥ 76॥

श्लोक 76

निरालम्बा रक्षकर्त्री निगमार्थप्रदायिनी ।

निकुञ्जवासिनी-राधा निर्गुणागुणसागरा

॥ 77॥

श्लोक 77

नीलाब्जा कृष्णमहिषी निराश्रयगतिप्रदा ।

निधूवनवनानन्दा निकुञ्जशी च नागरी

॥ 78॥

श्लोक 78

निरञ्जना नित्यरक्ता नागरी चित्तमोहिनी ।

पूर्णचन्द्रमुखी देवी प्रधानाप्रकृतिपरा

॥ 79॥

श्लोक 79

प्रेमरूपा प्रेममयी प्रफुल्लजलजानना ।

पूर्णानन्दमयी-राधा पूर्णब्रह्मसनातनी

॥ 80॥

श्लोक 80

परमार्थप्रदा पूज्या परेशा पद्मलोचना ।

पराशक्ति पराभक्ति परमानन्ददायिनी

॥ 81॥

श्लोक 81

पतितोद्धारिणी पुण्या प्रवीणा धर्मपावनी ।

पङ्कजाक्षी महालक्ष्मी पीनोन्नतपयोधरा

॥ 82॥

श्लोक 82

प्रेमाश्रुपरिपूर्णाङ्गी पद्मेलसदृषानना ।

पद्मरागधरादेवी पौर्णमासीसुखास्वदा

॥ 83॥

श्लोक 83

पूर्णोत्तमो परञ्ज्योती प्रियङ्करी प्रियंवदा ।

प्रेमभक्तिप्रदा-राधा प्रेमानन्दप्रदायिनी

॥ 84॥

श्लोक 84

पद्मगन्धा पद्महस्ता पद्माङ्घ्री पद्ममालिनी ।

पद्मासना महापद्मा पद्ममाला-विधारिणी

॥ 85॥

श्लोक 85

प्रबोधिनी पूर्णलक्ष्मी पूर्णेन्दुसदृषानना ।

पुण्डरीकाक्षप्रेमाङ्गी पुण्डरीकाक्षरोहिनी

॥ 86॥

श्लोक 86

परमार्थप्रदापद्मा तथा प्रणवरूपिणी ।

फलप्रिया स्फूर्तिदात्री महोत्सवविहारिणी

॥ 87॥

श्लोक 87

फुल्लाब्जदिव्यनयना फणिवेणिसुशोभिता ।

वृन्दावनेश्वरी-राधा वृन्दावनविलासिनी

॥ 88॥

श्लोक 88

वृषभानुसुतादेवी व्रजवासीगणप्रिया ।

वृन्दा वृन्दावनानन्दा व्रजेन्द्रा च वरप्रदा

॥ 89॥

श्लोक 89

विद्युत्गौरी सुवर्णाङ्गी वंशीनादविनोदिनी ।

वृषभानुराधेकन्या व्रजराजसुतप्रिया

॥ 90॥

श्लोक 90

विचित्रपट्टचमरी विचित्राम्बरधारिणी ।

वेणुवाद्यप्रियाराधा वेणुवाद्यपरायणा

॥ 91॥

श्लोक 91

विश्वम्भरी विचित्राङ्गी ब्रह्माण्डोदरीकासती ।

विश्वोदरी विशालाक्षी व्रजलक्ष्मी वरप्रदा

॥ 92॥

श्लोक 92

ब्रह्ममयी ब्रह्मरूपा वेदाङ्गी वार्षभानवी ।

वराङ्गना कराम्भोजा वल्लवी वृजमोहिनी

॥ 93॥

श्लोक 93

विष्णुप्रिया विश्वमाता ब्रह्माण्डप्रतिपालिनी ।

विश्वेश्वरी विश्वकर्त्री वेद्यमन्त्रस्वरूपिणी

॥ 94॥

श्लोक 94

विश्वमाया विष्णुकान्ता विश्वाङ्गी विश्वपावनी ।

व्रजेश्वरी विश्वरूपा वैष्णवी विघ्ननाशिनी

॥ 95॥

श्लोक 95

ब्रह्माण्डजननी-राधा वत्सला व्रजवत्सला ।

वरदा वाक्यसिद्धा च बुद्धिदा वाक्प्रदायिनी

॥ 96॥

श्लोक 96

विशाखाप्राणसर्वस्वा वृषभानुकुमारिका ।

विशाखासख्यविजिता वंशीवटविहारिणी

॥ 97॥

श्लोक 97

वेदमाता वेदगम्या वेद्यवर्णा शुभङ्करी ।

वेदातीता गुणातीता विदग्धा विजनप्रिया ॥ 99।

भक्तभक्तिप्रिया-राधा भक्तमङ्गलदायिनी ।

भगवन्मोहिनी देवी भवक्लेशविनाशिनी

॥ 98॥

श्लोक 98

भाविनी भवती भाव्या भारती भक्तिदायिनी ।

भागीरथी भाग्यवती भूतेशी भवकारिणी

॥ 100॥

श्लोक 99

भवार्णवत्राणकर्त्री भद्रदा भुवनेश्वरी ।

भक्तात्मा भुवनानन्दा भाविका भक्तवत्सला

॥ 101॥

श्लोक 100

भुक्तिमुक्तिप्रदा-राधा शुभा भुजमृणालिका ।

भानुशक्तिच्छलाधीरा भक्तानुग्रहकारिणी

॥ 102॥

श्लोक 101

माधवी माधवायुक्ता मुकुन्दाद्यासनातनी ।

महालक्ष्मी महामान्या माधवस्वान्तमोहिनी

॥ 103॥

श्लोक 102

महाधन्या महापुण्या महामोहविनाशिनी ।

मोक्षदा मानदा भद्रा मङ्गलाऽमङ्गलात्पदा

॥ 104॥

श्लोक 103

मनोभीष्टप्रदादेवी महाविष्णुस्वरूपिणी ।

माधव्याङ्गी मनोरामा रम्या मुकुररञ्जनी

॥ 105॥

श्लोक 104

मनीशा वनदाधारा मुरलीवादनप्रिया ।

मुकुन्दाङ्गकृतापाङ्गी मालिनी हरिमोहिनी

॥ 106॥

श्लोक 105

मानग्राही मधुवती मञ्जरी मृगलोचना ।

नित्यवृन्दा महादेवी महेन्द्रकृतशेखरी

॥ 107॥

श्लोक 106

मुकुन्दप्राणदाहन्त्री मनोहरमनोहरा ।

माधवमुखपद्मस्या मथुपानमधुव्रता

॥ 108॥

श्लोक 107

मुकुन्दमधुमाधुर्या मुख्यावृन्दावनेश्वरी ।

मन्त्रसिद्धिकृता-राधा मूलमन्त्रस्वरूपिणी

॥ 109॥

श्लोक 108

मन्मथा सुमतीधात्री मनोज्ञमतिमानिता ।

मदनामोहिनीमान्या मञ्जीरचरणोत्पला

॥ 110॥

श्लोक 109

यशोदासुतपत्नी च यशोदानन्ददायिनी ।

यौवनापूर्णसौन्दर्या यमुनातटवासिनी

॥ 111॥

श्लोक 110

यशस्विनी योगमाया युवराजविलासिनी ।

युग्मश्रीफलसुवत्सा युग्माङ्गदविधारिणी

॥ 112॥

श्लोक 111

यन्त्रातिगाननिरता युवतीनांशिरोमणी ।

श्रीराधा परमाराध्या राधिका कृष्णमोहिनी

॥ 113॥

श्लोक 112

रूपयौवनसम्पन्ना रासमण्डलकारिणी ।

राधादेवी पराप्राप्ता श्रीराधापरमेश्वरी

॥ 114॥

श्लोक 113

राधावाग्मी रसोन्मादी रसिका रसशेखरी ।

राधारासमयीपूर्णा रसज्ञा रसमञ्जरी

॥ 115॥

श्लोक 114

राधिका रसदात्री च राधारासविलासिनी ।

रञ्जनी रसवृन्दाच रत्नालङ्कारधारिणी

॥ 116॥

श्लोक 115

रामारत्नारत्नमयी रत्नमालाविधारिणी ।

रमणीरामणीरम्या राधिकारमणीपरा

॥ 117॥

श्लोक 116

रासमण्डलमध्यस्था राजराजेश्वरी शुभा ।

राकेन्दुकोटिसौन्दर्या रत्नाङ्गदविधारिणी

॥ 118॥

श्लोक 117

रासप्रिया रासगम्या रासोत्सवविहारिणी ।

लक्ष्मीरूपा च ललना ललितादिसखिप्रिया

॥ 119॥

श्लोक 118

लोकमाता लोकधात्री लोकानुग्रहकारिणी ।

लोलाक्षी ललिताङ्गी च ललिताजीवतारका

॥ 120॥

श्लोक 119

लोकालया लज्जारूपा लास्यविद्यालताशुभा ।

ललिताप्रेमललितानुग्धप्रेमलिलावती

॥ 121॥

श्लोक 120

लीलालावण्यसम्पन्ना नागरीचित्तमोहिनी ।

लीलारङ्गीरती रम्या लीलागानपरायणा

॥ 122॥

श्लोक 121

लीलावती रतिप्रीता ललिताकुलपद्मिनी ।

शुद्धकाञ्चनगौराङ्गी शङ्खकङ्कणधारिणी

॥ 123॥

श्लोक 122

शक्तिसञ्चारिणी देवी शक्तीनां शक्तिदायिनी ।

सुचारुकबरीयुक्ता शशिरेखा शुभङ्करी

॥ 124॥

श्लोक 123

सुमती सुगतिर्दात्री श्रीमती श्रीहरिपिया ।

सुन्दराङ्गी सुवर्णाङ्गी सुशीला शुभदायिनी

॥ 125॥

श्लोक 124

शुभदा सुखदा साध्वी सुकेशी सुमनोरमा ।

सुरेश्वरी सुकुमारी शुभाङ्गी सुमशेखरा

॥ 126॥

श्लोक 125

शाकम्भरी सत्यरूपा शस्ता शान्ता मनोरमा ।

सिद्धिधात्री महाशान्ती सुन्दरी शुभदायिनी

॥ 127॥

श्लोक 126

शब्दातीता सिन्धुकन्या शरणागतपालिनी ।

शालग्रामप्रिया-राधा सर्वदा नवयौवना

॥ 128॥

श्लोक 127

सुबलानन्दिनीदेवी सर्वशास्त्रविशारदा ।

सर्वाङ्गसुन्दरी-राधा सर्वसल्लक्षणान्विता

॥ 129॥

श्लोक 128

सर्वगोपीप्रधाना च सर्वकामफलप्रदा ।

सदानन्दमयीदेवी सर्वमङ्गलदायिनी

॥ 130॥

श्लोक 129

सर्वमण्डलजीवातु सर्वसम्पत्प्रदायिनी ।

संसारपारकरणी सदाकृष्णकुतूहला

॥ 131॥

श्लोक 130

सर्वागुणमयी-राधा साध्या सर्वगुणान्विता ।

सत्यस्वरूपा सत्या च सत्यनित्या सनातनी

॥ 132॥

श्लोक 131

सर्वमाधव्यलहरी सुधामुखशुभङ्करी ।

सदाकिशोरिकागोष्ठी सुबलावेशधारिणी

॥ 133॥

श्लोक 132

सुवर्णमालिनी-राधा श्यामसुन्दरमोहिनी ।

श्यामामृतरसेमग्ना सदासीमन्तिनीसखी

॥ 134॥

श्लोक 133

षोडशीवयसानित्या षडरागविहारिणी ।

हेमाङ्गीवरदाहन्त्री भूमाता हंसगामिनी

॥ 135॥

श्लोक 134

हासमुखी व्रजाध्यक्षा हेमाब्जा कृष्णमोहिनी ।

हरिविनोदिनी-राधा हरिसेवापरायणा

॥ 136॥

श्लोक 135

हेमारम्भा मदारम्भा हरिहारविलोचना ।

हेमाङ्गवर्णारम्या श्रेषहृत्पद्मवासिनी

॥ 137॥

श्लोक 136

हरिपादाब्जमधुपा मधुपानमधुव्रता ।

क्षेमङ्करी क्षीणमध्या क्षमारूपा क्षमावती

॥ 138॥

श्लोक 137

क्षेत्राङ्गी श्रीक्षमादात्री क्षितिवृन्दावनेश्वरी ।

क्षमाशीला क्षमादात्री क्षौमवासोविधारिणी ।

क्षान्तिनामावयवती क्षीरोदार्णवशायिनी

॥ 139॥

श्लोक 138

राधानामसहस्राणि पठेद्वा श्रुणुयादपि ।

इष्टसिद्धिर्भवेत्तस्या मन्त्रसिद्धिर्भवेत् ध्रुवम्

॥ 140॥

श्लोक 139

धर्मार्थकाममोक्षांश्च लभते नात्र संशयः ।

वाञ्छासिद्धिर्भवेत्तस्य भक्तिस्यात् प्रेमलक्षण

॥ 141॥

श्लोक 140

लक्ष्मीस्तस्यवसेत्गेहे मुखेभातिसरस्वती ।

अन्तकालेभवेत्तस्य राधाकृष्णेचसंस्थितिः

॥ 142॥

श्लोक 141

इति श्रीराधामानसतन्त्रे श्रीराधासहस्रनामस्तोत्रं सम्पूर्णम् ॥