Priyam Bharatam

priyaM bhAratam

zloka 1

prakRtyA suramyaM vizAlaM prakAmaM

sarittArahAraiH lalAmaM nikAmam |

himAdrirlalATe pade caiva sindhuH

priyaM bhArataM sarvadA darzanIyam || 1 ||

dhanAnAM nidhAnaM dharAyAM pradhAnaM

idaM bhArataM devalokena tulyam |

yazo yasya zubhraM videzeSu gItaM

priyaM bhArataM tat sadA pUjanIyam || 2 ||

aneke pradezAH aneke ca veSAH

anekAni rupANi bhASA anekAH |

paraM yatra sarve vayaM bhAratIyAH

priyaM bhArataM tat sadA rakSaNIyam || 3 ||

vayaM bhAratIyAH svadezaM namAmaH

paraM dharmamekaM sadA mAnayAmaH |

tadarthaM dhanaM jIvanaM cArpayAma

priyaM bhArataM me sadA vandanIyam || 4 ||

racana: DA. candrabhAnu tripAThI