Pitru Suktam

পিতৃ সূক্তম্

শ্লোক 1

(ঋ.1.10.15.1)

উদী॑রতা॒মব॑র॒ উত্পরা॑স॒ উন্ম॑ধ্য॒মাঃ পি॒তরঃ॑ সো॒ম্যাসঃ॑ ।

অসুং॒-যঁ ঈ॒যুর॑বৃ॒কা ঋ॑ত॒জ্ঞাস্তে নো॑-ঽবন্তু পি॒তরো॒ হবে॑ষু ॥ 01

ই॒দ-ম্পি॒তৃভ্যো॒ নমো॑ অস্ত্ব॒দ্য যে পূর্বা॑সো॒ য উপ॑রাস ঈ॒যুঃ ।

যে পার্থি॑বে॒ রজ॒স্যা নিষ॑ত্তা॒ যে বা॑ নূ॒নং সু॑বৃ॒জনা॑সু বি॒ক্ষু ॥ 02

আহ-ম্পি॒তৄন্সু॑বি॒দত্রাং॑ অবিত্সি॒ নপা॑ত-ঞ্চ বি॒ক্রম॑ণ-ঞ্চ॒ বিষ্ণোঃ॑ ।

ব॒র্​হি॒ষদো॒ যে স্ব॒ধযা॑ সু॒তস্য॒ ভজ॑ন্ত পি॒ত্বস্ত ই॒হাগ॑মিষ্ঠাঃ ॥ 03

বর্​হি॑ষদঃ পিতর ঊ॒ত্য(1॒॑ )র্বাগি॒মা বো॑ হ॒ব্যা চ॑কৃমা জু॒ষধ্ব॑ম্ ।

ত আ গ॒তাব॑সা॒ শন্ত॑মে॒নাথা॑ ন॒-শ্শং-যোঁর॑র॒পো দ॑ধাত ॥ 04

উপ॑হূতাঃ পি॒তরঃ॑ সো॒ম্যাসো॑ বর্​হি॒ষ্যে॑ষু নি॒ধিষু॑ প্রি॒যেষু॑ ।

ত আ গ॑মন্তু॒ ত ই॒হ শ্রু॑ব॒ন্ত্বধি॑ ব্রুবন্তু॒ তে॑-ঽবন্ত্ব॒স্মান্ ॥ 05

আচ্যা॒ জানু॑ দক্ষিণ॒তো নি॒ষদ্যে॒মং-যঁ॒জ্ঞম॒ভি গৃ॑ণীত॒ বিশ্বে॑ ।

মা হিং॑সিষ্ট পিতরঃ॒ কেন॑ চিন্নো॒ যদ্ব॒ আগঃ॑ পুরু॒ষতা॒ করা॑ম ॥ 06

আসী॑নাসো অরু॒ণীনা॑মু॒পস্থে॑ র॒যি-ন্ধ॑ত্ত দা॒শুষে॒ মর্ত্যা॑য ।

পু॒ত্রেভ্যঃ॑ পিতর॒স্তস্য॒ বস্বঃ॒ প্র য॑চ্ছত॒ ত ই॒হোর্জ॑-ন্দধাত ॥ 07

যে নঃ॒ পূর্বে॑ পি॒তরঃ॑ সো॒ম্যাসো॑-ঽনূহি॒রে সো॑মপী॒থং-বঁসি॑ষ্ঠাঃ ।

তেভি॑র্য॒ম-স্সং॑ররা॒ণো হ॒বীং‍ষ্যু॒শন্নু॒শদ্ভিঃ॑ প্রতিকা॒মম॑ত্তু ॥ 08

যে তা॑তৃ॒ষুর্দে॑ব॒ত্রা জেহ॑মানা হোত্রা॒বিদ॒-স্স্তোম॑তষ্টাসো অ॒র্কৈঃ ।

আগ্নে॑ যাহি সুবি॒দত্রে॑ভির॒র্বাঙ্‍ স॒ত্যৈঃ ক॒ব্যৈঃ পি॒তৃভি॑র্ঘর্ম॒সদ্ভিঃ॑ ॥ 09

যে স॒ত্যাসো॑ হবি॒রদো॑ হবি॒ষ্পা ইন্দ্রে॑ণ দে॒বৈ-স্স॒রথ॒-ন্দধা॑নাঃ ।

আগ্নে॑ যাহি স॒হস্র॑-ন্দেবব॒ন্দৈঃ পরৈঃ॒ পূর্বৈঃ॑ পি॒তৃভি॑র্ঘর্ম॒সদ্ভিঃ॑ ॥ 10

অগ্নি॑ষ্বাত্তাঃ পিতর॒ এহ গ॑চ্ছত॒ সদঃ॑সদ-স্সদত সুপ্রণীতযঃ ।

অ॒ত্তা হ॒বীংষি॒ প্রয॑তানি ব॒র্​হিষ্যথা॑ র॒যিং সর্ব॑বীর-ন্দধাতন ॥ 11

ত্বম॑গ্ন ঈলি॒তো জা॑তবে॒দো-ঽবা॑ড্ঢ॒ব্যানি॑ সুর॒ভীণি॑ কৃ॒ত্বী ।

প্রাদাঃ॑ পি॒তৃভ্যঃ॑ স্ব॒ধযা॒ তে অ॑ক্ষন্ন॒দ্ধি ত্ব-ন্দে॑ব॒ প্রয॑তা হ॒বীংষি॑ ॥ 12

যে চে॒হ পি॒তরো॒ যে চ॒ নেহ যাং‍শ্চ॑ বি॒দ্ম যাঁ উ॑ চ॒ ন প্র॑বি॒দ্ম ।

ত্বং-বেঁ॑ত্থ॒ যতি॒ তে জা॑তবেদ-স্স্ব॒ধাভি॑র্য॒জ্ঞং সুকৃ॑ত-ঞ্জুষস্ব ॥ 13

যে অ॑গ্নিদ॒গ্ধা যে অন॑গ্নিদগ্ধা॒ মধ্যে॑ দি॒ব-স্স্ব॒ধযা॑ মা॒দয॑ন্তে ।

তেভিঃ॑ স্ব॒রালসু॑নীতিমে॒তাং-যঁ॑থাব॒শ-ন্ত॒ন্ব॑-ঙ্কল্পযস্ব ॥ 14

ওঁ শান্তি॒-শ্শান্তি॒-শ্শান্তিঃ॑ ।