Pitru Stotram (Garuda Puranam)

ପିତୃ ସ୍ତୋତ୍ରଂ (ଗରୁଡ ପୁରାଣମ୍)

ଶ୍ଲୋକ 1

ରୁଚିରୁଵାଚ ।

ନମସ୍ଯେଽହଂ ପିତୄନ୍ ଭକ୍ତ୍ଯା ଯେ ଵସନ୍ତ୍ଯଧିଦେଵତାଃ ।

ଦେଵୈରପି ହି ତର୍ପ୍ଯନ୍ତେ ଯେ ଶ୍ରାଦ୍ଧେଷୁ ସ୍ଵଧୋତ୍ତରୈଃ

ଶ୍ଲୋକ 2

ନମସ୍ଯେଽହଂ ପିତୄନ୍ ସ୍ଵର୍ଗେ ଯେ ତର୍ପ୍ଯନ୍ତେ ମହର୍ଷିଭିଃ ।

ଶ୍ରାଦ୍ଧୈର୍ମନୋମଯୈର୍ଭକ୍ତ୍ଯା ଭୁକ୍ତିମୁକ୍ତିମଭୀପ୍ସୁଭିଃ

॥ 1 ॥

ଶ୍ଲୋକ 3

ନମସ୍ଯେଽହଂ ପିତୄନ୍ ସ୍ଵର୍ଗେ ସିଦ୍ଧାଃ ସନ୍ତର୍ପଯନ୍ତି ଯାନ୍ ।

ଶ୍ରାଦ୍ଧେଷୁ ଦିଵ୍ଯୈଃ ସକଲୈରୁପହାରୈରନୁତ୍ତମୈଃ

॥ 2 ॥

ଶ୍ଲୋକ 4

ନମସ୍ଯେଽହଂ ପିତୄନ୍ ଭକ୍ତ୍ଯା ଯେଽର୍ଚ୍ଯନ୍ତେ ଗୁହ୍ଯକୈର୍ଦିଵି ।

ତନ୍ମଯତ୍ଵେନ ଵାଞ୍ଛଦ୍ଭିରୃଦ୍ଧିର୍ଯାତ୍ଯନ୍ତିକୀଂ ପରାମ୍

॥ 3 ॥

ଶ୍ଲୋକ 5

ନମସ୍ଯେଽହଂ ପିତୄନ୍ ମର୍ତ୍ଯୈରର୍ଚ୍ଯନ୍ତେ ଭୁଵି ଯେ ସଦା ।

ଶ୍ରାଦ୍ଧେଷୁ ଶ୍ରଦ୍ଧଯାଭୀଷ୍ଟଲୋକପୁଷ୍ଟିପ୍ରଦାଯିନଃ

॥ 4 ॥

ଶ୍ଲୋକ 6

ନମସ୍ଯେଽହଂ ପିତୄନ୍ ଵିପ୍ରୈରର୍ଚ୍ଯନ୍ତେ ଭୁଵି ଯେ ସଦା ।

ଵାଞ୍ଛିତାଭୀଷ୍ଟଲାଭାଯ ପ୍ରାଜାପତ୍ଯପ୍ରଦାଯିନଃ

॥ 5 ॥

ଶ୍ଲୋକ 7

ନମସ୍ଯେଽହଂ ପିତୄନ୍ ଯେ ଵୈ ତର୍ପ୍ଯନ୍ତେଽରଣ୍ଯଵାସିଭିଃ ।

ଵନ୍ଯୈଃ ଶ୍ରାଦ୍ଧୈର୍ଯତାହାରୈସ୍ତପୋନିର୍ଧୂତକଲ୍ମଷୈଃ

॥ 6 ॥

ଶ୍ଲୋକ 8

ନମସ୍ଯେଽହଂ ପିତୄନ୍ ଵିପ୍ରୈର୍ନୈଷ୍ଠିକୈର୍ଧର୍ମଚାରିଭିଃ ।

ଯେ ସଂଯତାତ୍ମଭିର୍ନିତ୍ଯଂ ସନ୍ତର୍ପ୍ଯନ୍ତେ ସମାଧିଭିଃ

॥ 7 ॥

ଶ୍ଲୋକ 9

ନମସ୍ଯେଽହଂ ପିତୄନ୍ ଶ୍ରାଦ୍ଧୈ ରାଜନ୍ଯାସ୍ତର୍ପଯନ୍ତି ଯାନ୍ ।

କଵ୍ଯୈରଶେଷୈର୍ଵିଧିଵଲ୍ଲୋକଦ୍ଵଯଫଲପ୍ରଦାନ୍

॥ 8 ॥

ଶ୍ଲୋକ 10

ନମସ୍ଯେଽହଂ ପିତୄନ୍ ଵୈଶ୍ଯୈରର୍ଚ୍ଯନ୍ତେ ଭୁଵି ଯେ ସଦା ।

ସ୍ଵକର୍ମାଭିରତୈର୍ନିତ୍ଯଂ ପୁଷ୍ପଧୂପାନ୍ନଵାରିଭିଃ

॥ 9 ॥

ଶ୍ଲୋକ 11

ନମସ୍ଯେଽହଂ ପିତୄନ୍ ଶ୍ରାଦ୍ଧେ ଶୂଦ୍ରୈରପି ଚ ଭକ୍ତିତଃ ।

ସନ୍ତର୍ପ୍ଯନ୍ତେ ଜଗତ୍କୃତ୍ସ୍ନଂ ନାମ୍ନା ଖ୍ଯାତାଃ ସୁକାଲିନଃ

॥ 10 ॥

ଶ୍ଲୋକ 12

ନମସ୍ଯେଽହଂ ପିତୄନ୍ ଶ୍ରାଦ୍ଧେ ପାତାଲେ ଯେ ମହାସୁରୈଃ ।

ସନ୍ତର୍ପ୍ଯନ୍ତେ ସୁଧାହାରାସ୍ତ୍ଯକ୍ତଦମ୍ଭମଦୈଃ ସଦା

॥ 11 ॥

ଶ୍ଲୋକ 13

ନମସ୍ଯେଽହଂ ପିତୄନ୍ ଶ୍ରାଦ୍ଧୈରର୍ଚ୍ଯନ୍ତେ ଯେ ରସାତଲେ ।

ଭୋଗୈରଶେଷୈର୍ଵିଧିଵନ୍ନାଗୈଃ କାମାନଭୀପ୍ସୁଭିଃ

॥ 12 ॥

ଶ୍ଲୋକ 14

ନମସ୍ଯେଽହଂ ପିତୄନ୍ ଶ୍ରାଦ୍ଧୈଃ ସର୍ପୈଃ ସନ୍ତର୍ପିତାନ୍ସଦା ।

ତତ୍ରୈଵ ଵିଧିଵନ୍ମନ୍ତ୍ରଭୋଗସମ୍ପତ୍ସମନ୍ଵିତୈଃ

॥ 13 ॥

ଶ୍ଲୋକ 15

ପିତୄନ୍ନମସ୍ଯେ ନିଵସନ୍ତି ସାକ୍ଷା-

-ଦ୍ଯେ ଦେଵଲୋକେଽଥ ମହୀତଲେ ଵା ।

ତଥାଽନ୍ତରିକ୍ଷେ ଚ ସୁରାରିପୂଜ୍ଯା-

-ସ୍ତେ ମେ ପ୍ରତୀଚ୍ଛନ୍ତୁ ମନୋପନୀତମ୍

॥ 14 ॥

ଶ୍ଲୋକ 16

ପିତୄନ୍ନମସ୍ଯେ ପରମାର୍ଥଭୂତା

ଯେ ଵୈ ଵିମାନେ ନିଵସନ୍ତ୍ଯମୂର୍ତାଃ ।

ଯଜନ୍ତି ଯାନସ୍ତମଲୈର୍ମନୋଭି-

-ର୍ଯୋଗୀଶ୍ଵରାଃ କ୍ଲେଶଵିମୁକ୍ତିହେତୂନ୍

॥ 15 ॥

ଶ୍ଲୋକ 17

ପିତୄନ୍ନମସ୍ଯେ ଦିଵି ଯେ ଚ ମୂର୍ତାଃ

ସ୍ଵଧାଭୁଜଃ କାମ୍ଯଫଲାଭିସନ୍ଧୌ ।

ପ୍ରଦାନଶକ୍ତାଃ ସକଲେପ୍ସିତାନାଂ

ଵିମୁକ୍ତିଦା ଯେଽନଭିସଂହିତେଷୁ

॥ 16 ॥

ଶ୍ଲୋକ 18

ତୃପ୍ଯନ୍ତୁ ତେଽସ୍ମିନ୍ପିତରଃ ସମସ୍ତା

ଇଚ୍ଛାଵତାଂ ଯେ ପ୍ରଦିଶନ୍ତି କାମାନ୍ ।

ସୁରତ୍ଵମିନ୍ଦ୍ରତ୍ଵମିତୋଽଧିକଂ ଵା

ଗଜାଶ୍ଵରତ୍ନାନି ମହାଗୃହାଣି

॥ 17 ॥

ଶ୍ଲୋକ 19

ସୋମସ୍ଯ ଯେ ରଶ୍ମିଷୁ ଯେଽର୍କବିମ୍ବେ

ଶୁକ୍ଲେ ଵିମାନେ ଚ ସଦା ଵସନ୍ତି ।

ତୃପ୍ଯନ୍ତୁ ତେଽସ୍ମିନ୍ପିତରୋଽନ୍ନତୋଯୈ-

-ର୍ଗନ୍ଧାଦିନା ପୁଷ୍ଟିମିତୋ ଵ୍ରଜନ୍ତୁ

॥ 18 ॥

ଶ୍ଲୋକ 20

ଯେଷାଂ ହୁତେଽଗ୍ନୌ ହଵିଷା ଚ ତୃପ୍ତି-

-ର୍ଯେ ଭୁଞ୍ଜତେ ଵିପ୍ରଶରୀରସଂସ୍ଥାଃ ।

ଯେ ପିଣ୍ଡଦାନେନ ମୁଦଂ ପ୍ରଯାନ୍ତି

ତୃପ୍ଯନ୍ତୁ ତେଽସ୍ମିନ୍ପିତରୋଽନ୍ନତୋଯୈଃ

॥ 19 ॥

ଶ୍ଲୋକ 21

ଯେ ଖଡ୍ଗମାଂସେନ ସୁରୈରଭୀଷ୍ଟୈଃ

କୃଷ୍ଣୈସ୍ତିଲୈର୍ଦିଵ୍ଯ ମନୋହରୈଶ୍ଚ ।

କାଲେନ ଶାକେନ ମହର୍ଷିଵର୍ଯୈଃ

ସମ୍ପ୍ରୀଣିତାସ୍ତେ ମୁଦମତ୍ର ଯାନ୍ତୁ

॥ 20 ॥

ଶ୍ଲୋକ 22

କଵ୍ଯାନ୍ଯଶେଷାଣି ଚ ଯାନ୍ଯଭୀଷ୍ଟା-

-ନ୍ଯତୀଵ ତେଷାଂ ମମ ପୂଜିତାନାମ୍ ।

ତେଷାଞ୍ଚ ସାନ୍ନିଧ୍ଯମିହାସ୍ତୁ ପୁଷ୍ପ-

-ଗନ୍ଧାମ୍ବୁଭୋଜ୍ଯେଷୁ ମଯା କୃତେଷୁ

॥ 21 ॥

ଶ୍ଲୋକ 23

ଦିନେ ଦିନେ ଯେ ପ୍ରତିଗୃହ୍ଣତେଽର୍ଚାଂ

ମାସାନ୍ତପୂଜ୍ଯା ଭୁଵି ଯେଽଷ୍ଟକାସୁ ।

ଯେ ଵତ୍ସରାନ୍ତେଽଭ୍ଯୁଦଯେ ଚ ପୂଜ୍ଯାଃ

ପ୍ରଯାନ୍ତୁ ତେ ମେ ପିତରୋଽତ୍ର ତୁଷ୍ଟିମ୍

॥ 22 ॥

ଶ୍ଲୋକ 24

ପୂଜ୍ଯା ଦ୍ଵିଜାନାଂ କୁମୁଦେନ୍ଦୁଭାସୋ

ଯେ କ୍ଷତ୍ରିଯାଣାଂ ଜ୍ଵଲନାର୍କଵର୍ଣାଃ ।

ତଥା ଵିଶାଂ ଯେ କନକାଵଦାତା

ନୀଲୀପ୍ରଭାଃ ଶୂଦ୍ରଜନସ୍ଯ ଯେ ଚ

॥ 23 ॥

ଶ୍ଲୋକ 25

ତେଽସ୍ମିନ୍ସମସ୍ତା ମମ ପୁଷ୍ପଗନ୍ଧ-

-ଧୂପାମ୍ବୁଭୋଜ୍ଯାଦିନିଵେଦନେନ ।

ତଥାଽଗ୍ନିହୋମେନ ଚ ଯାନ୍ତି ତୃପ୍ତିଂ

ସଦା ପିତୃଭ୍ଯଃ ପ୍ରଣତୋଽସ୍ମି ତେଭ୍ଯଃ

॥ 24 ॥

ଶ୍ଲୋକ 26

ଯେ ଦେଵପୂର୍ଵାଣ୍ଯଭିତୃପ୍ତିହେତୋ-

-ରଶ୍ନନ୍ତି କଵ୍ଯାନି ଶୁଭାହୃତାନି ।

ତୃପ୍ତାଶ୍ଚ ଯେ ଭୂତିସୃଜୋ ଭଵନ୍ତି

ତୃପ୍ଯନ୍ତୁ ତେଽସ୍ମିନ୍ପ୍ରଣତୋଽସ୍ମି ତେଭ୍ଯଃ

॥ 25 ॥

ଶ୍ଲୋକ 27

ରକ୍ଷାଂସି ଭୂତାନ୍ଯସୁରାଂସ୍ତଥୋଗ୍ରା-

-ନ୍ନିର୍ନାଶଯନ୍ତୁ ତ୍ଵଶିଵଂ ପ୍ରଜାନାମ୍ ।

ଆଦ୍ଯାଃ ସୁରାଣାମମରେଶପୂଜ୍ଯା-

-ସ୍ତୃପ୍ଯନ୍ତୁ ତେଽସ୍ମିନ୍ପ୍ରଣତୋଽସ୍ମିତେଭ୍ଯଃ

॥ 26 ॥

ଶ୍ଲୋକ 28

ଅଗ୍ନିସ୍ଵାତ୍ତା ବର୍ହିଷଦ ଆଜ୍ଯପାଃ ସୋମପାସ୍ତଥା ।

ଵ୍ରଜନ୍ତୁ ତୃପ୍ତିଂ ଶ୍ରାଦ୍ଧେଽସ୍ମିନ୍ପିତରସ୍ତର୍ପିତା ମଯା

॥ 27 ॥

ଶ୍ଲୋକ 29

ଅଗ୍ନିସ୍ଵାତ୍ତାଃ ପିତୃଗଣାଃ ପ୍ରାଚୀଂ ରକ୍ଷନ୍ତୁ ମେ ଦିଶମ୍ ।

ତଥା ବର୍ହିଷଦଃ ପାନ୍ତୁ ଯାମ୍ଯାଂ ମେ ପିତରଃ ସଦା ।

ପ୍ରତୀଚୀମାଜ୍ଯପାସ୍ତଦ୍ଵଦୁଦୀଚୀମପି ସୋମପାଃ

॥ 28 ॥

ଶ୍ଲୋକ 30

ରକ୍ଷୋଭୂତପିଶାଚେଭ୍ଯସ୍ତଥୈଵାସୁରଦୋଷତଃ ।

ସର୍ଵତଃ ପିତରୋ ରକ୍ଷାଂ କୁର୍ଵନ୍ତୁ ମମ ନିତ୍ଯଶଃ

॥ 29 ॥

ଶ୍ଲୋକ 31

ଵିଶ୍ଵୋ ଵିଶ୍ଵଭୁଗାରାଧ୍ଯୋ ଧର୍ମୋ ଧନ୍ଯଃ ଶୁଭାନନଃ ।

ଭୂତିଦୋ ଭୂତିକୃଦ୍ଭୂତିଃ ପିତୄଣାଂ ଯେ ଗଣା ନଵ

॥ 30 ॥

ଶ୍ଲୋକ 32

କଲ୍ଯାଣଃ କଲ୍ଯଦଃ କର୍ତା କଲ୍ଯଃ କଲ୍ଯତରାଶ୍ରଯଃ ।

କଲ୍ଯତାହେତୁରନଘଃ ଷଡିମେ ତେ ଗଣାଃ ସ୍ମୃତାଃ

॥ 31 ॥

ଶ୍ଲୋକ 33

ଵରୋ ଵରେଣ୍ଯୋ ଵରଦସ୍ତୁଷ୍ଟିଦଃ ପୁଷ୍ଟିଦସ୍ତଥା ।

ଵିଶ୍ଵପାତା ତଥା ଧାତା ସପ୍ତୈତେ ଚ ଗଣାଃ ସ୍ମୃତାଃ

॥ 32 ॥

ଶ୍ଲୋକ 34

ମହାନ୍ମହାତ୍ମା ମହିତୋ ମହିମାଵାନ୍ମହାବଲଃ ।

ଗଣାଃ ପଞ୍ଚ ତଥୈଵୈତେ ପିତୄଣାଂ ପାପନାଶନାଃ

॥ 33 ॥

ଶ୍ଲୋକ 35

ସୁଖଦୋ ଧନଦଶ୍ଚାନ୍ଯୋ ଧର୍ମଦୋଽନ୍ଯଶ୍ଚ ଭୂତିଦଃ ।

ପିତୄଣାଂ କଥ୍ଯତେ ଚୈଵ ତଥା ଗଣଚତୁଷ୍ଟଯମ୍

॥ 34 ॥

ଶ୍ଲୋକ 36

ଏକତ୍ରିଂଶତ୍ପିତୃଗଣା ଯୈର୍ଵ୍ଯାପ୍ତମଖିଲଂ ଜଗତ୍ ।

ତ ଏଵାତ୍ର ପିତୃଗଣାସ୍ତୁଷ୍ଯନ୍ତୁ ଚ ମଦାହିତମ୍

॥ 35 ॥

ଶ୍ଲୋକ 37

ଇତି ଶ୍ରୀ ଗରୁଡପୁରାଣେ ଊନନଵତିତମୋଽଧ୍ଯାଯେ ରୁଚିକୃତ ପିତୃ ସ୍ତୋତ୍ରମ୍ ।