Pavamana Suktam

පවමාන සූක්තම්

ශ්ලොක 1

ඕම් .. හිර॑ණ්යවර්ණා॒-ශ්ශුච॑යඃ පාව॒කා

යාසු॑ ජා॒තඃ ක॒ශ්යපෝ॒ යාස්වින්ද්රඃ॑ .

අ॒ග්නිං-යාँ ගර්භ॑-න්දධි॒රේ විරූ॑පා॒ස්තා

න॒ ආප॒ශ්ශග්ග් ස්යෝ॒නා භ॑වන්තු ..

යාසා॒ග්ං॒ රාජා॒ වරු॑ණෝ॒ යාති॒ මධ්යේ॑

සත්යානෘ॒තේ අ॑ව॒පශ්ය॒-ඤ්ජනා॑නාම් .

ම॒ධු॒ශ්චුත॒ශ්ශුච॑යෝ॒ යාඃ පා॑ව॒කාස්තා

න॒ ආප॒ශ්ශග්ග් ස්යෝ॒නා භ॑වන්තු ..

යාසා᳚-න්දේ॒වා දි॒වි කෘ॒ණ්වන්ති॑ භ॒ක්ෂං

යා අ॒න්තරි॑ක්ෂේ බහු॒ධා භව॑න්ති .

යාඃ පෘ॑ථි॒වී-ම්පය॑සෝ॒න්දන්ති ශු॒ක්රාස්තා

න॒ ආප॒ශ්ශග්ග් ස්යෝ॒නා භ॑වන්තු ..

ශි॒වේන॑ මා॒ චක්ෂු॑ෂා පශ්යතාපශ්ශි॒වයා॑

ත॒නුවෝප॑ ස්පෘශත॒ ත්වච॑ඕ මේ .

සර්වාග්॑ඕ අ॒ග්නීග්ං ර॑ප්සු॒ෂදෝ॑ හුවේ වෝ॒ මයි॒

වර්චෝ॒ බල॒මෝජෝ॒ නිධ॑ත්ත ..

පව॑මාන॒ස්සුව॒ර්ජනඃ॑ . ප॒විත්රේ॑ණ॒ විච॑ර්​ෂණිඃ .

යඃ පෝතා॒ ස පු॑නාතු මා . පු॒නන්තු॑ මා දේවජ॒නාඃ .

පු॒නන්තු॒ මන॑වෝ ධි॒යා . පු॒නන්තු॒ විශ්ව॑ ආ॒යවඃ॑ .

ජාත॑වේදඃ ප॒විත්ර॑වත් . ප॒විත්රේ॑ණ පුනාහි මා .

ශු॒ක්රේණ॑ දේව॒දීද්ය॑ත් . අග්නේ॒ ක්රත්වා॒ ක්රතූ॒ග්ං॒ රනු॑ .

යත්තේ॑ ප॒විත්ර॑ම॒ර්චිෂි॑ . අග්නේ॒ විත॑තමන්ත॒රා .

බ්රහ්ම॒ තේන॑ පුනීමහේ . උ॒භාභ්යා᳚-න්දේවසවිතඃ .

ප॒විත්රේ॑ණ ස॒වේන॑ ච . ඉ॒ද-ම්බ්රහ්ම॑ පුනීමහේ .

වෛ॒ශ්ව॒දේ॒වී පු॑න॒තී දේ॒ව්යාගා᳚ත් .

යස්යෛ॑ බ॒හ්වීස්ත॒නුවෝ॑ වී॒තපෘ॑ෂ්ඨාඃ .

තයා॒ මද॑න්ත-ස්සධ॒මාද්යේ॑ෂු .

ව॒යග්ග් ස්යා॑ම॒ පත॑යෝ රයී॒ණාම් .

වෛ॒ශ්වා॒න॒රෝ ර॒ශ්මිභි॑ර්මා පුනාතු .

වාතඃ॑ ප්රා॒ණේනේ॑ෂි॒රෝ ම॑යෝ॒ භූඃ .

ද්යාවා॑පෘථි॒වී පය॑සා॒ පයෝ॑භිඃ .

ඍ॒තාව॑රී ය॒ජ්ඤියේ॑ මා පුනීතාම් ..

බෘ॒හද්භිඃ॑ සවිත॒ස්තෘභිඃ॑ .

වර්‍ෂි॑ෂ්ඨෛර්දේව॒මන්ම॑භිඃ . අග්නේ॒ දක්ෂෛඃ᳚ පුනාහි මා .

යේන॑ දේ॒වා අපු॑නත . යේනාපෝ॑ දි॒ව්යඞ්කශඃ॑ .

තේන॑ දි॒ව්යේන॒ බ්රහ්ම॑ණා . ඉ॒ද-ම්බ්රහ්ම॑ පුනීමහේ .

යඃ පා॑වමා॒නීර॒ද්ධ්යේති॑ . ඍෂි॑භි॒ස්සම්භෘ॑ත॒ග්ං॒ රසම්᳚ .

සර්ව॒ග්ං॒ ස පූ॒තම॑ශ්නාති . ස්ව॒දි॒ත-ම්මා॑ත॒රිශ්ව॑නා .

පා॒ව॒මා॒නීර්යෝ අ॒ධ්යේති॑ . ඍෂි॑භි॒ස්සම්භෘ॑ත॒ග්ං॒ රසම්᳚ .

තස්මෛ॒ සර॑ස්වතී දුහේ . ක්ෂී॒රග්ං ස॒ර්පිර්මධූ॑ද॒කම් ..

පා॒ව॒මා॒නීස්ස්ව॒ස්ත්යය॑නීඃ . සු॒දුඝා॒හි පය॑ස්වතීඃ .

ඍෂි॑භි॒ස්සම්භෘ॑තෝ॒ රසඃ॑ . බ්රා॒හ්ම॒ණේෂ්ව॒මෘතග්॑ඕ හි॒තම් .

පා॒ව॒මා॒නීර්දි॑ශන්තු නඃ . ඉ॒මං-ලෝँ॒කමථෝ॑ අ॒මුම් .

කාමා॒න්‍ථ්සම॑ර්ධයන්තු නඃ . දේ॒වී‍ර්දේ॒වෛ-ස්ස॒මාභෘ॑තාඃ .

පා॒ව॒මා॒නීස්ස්ව॒ස්ත්යය॑නීඃ . සු॒දුඝා॒හි ඝෘ॑ත॒ශ්චුතඃ॑ .

ඍෂි॑භි॒-ස්සම්භෘ॑තෝ॒ රසඃ॑ . බ්රා॒හ්ම॒ණේෂ්ව॒මෘතග්॑ඕ හි॒තම් .

යේන॑ දේ॒වාඃ ප॒විත්රේ॑ණ . ආ॒ත්මාන॑-ම්පු॒නතේ॒ සදා᳚ .

තේන॑ ස॒හස්ර॑ධාරේණ . පා॒ව॒මා॒න්යඃ පු॑නන්තු මා .

ප්රා॒ජා॒ප॒ත්ය-ම්ප॒විත්රම්᳚ . ශ॒තෝද්යා॑මග්ං හිර॒ණ්මයම්᳚ .

තේන॑ බ්රහ්ම॒ විදෝ॑ ව॒යම් . පූ॒ත-ම්බ්රහ්ම॑ පුනීමහේ .

ඉන්ද්ර॑ස්සුනී॒තී ස॒හමා॑ පුනාතු . සෝම॑ස්ස්ව॒ස්ත්යා ව॑රුණස්ස॒මීච්යා᳚ .

ය॒මෝ රාජා᳚ ප්රමෘ॒ණාභිඃ॑ පුනාතු මා . ජා॒තවේ॑දා මෝ॒ර්ජය॑න්ත්යා පුනාතු .

භූර්භුව॒ස්සුවඃ॑ ..

ඕ-න්තච්ඡං॒-යෝँරාවෘ॑ණීමහේ . ගා॒තුං-යँ॒ජ්ඤාය॑ . ගා॒තුං-යँ॒ජ්ඤප॑තයේ .

දෛවී᳚ස්ස්ව॒ස්තිර॑ස්තු නඃ . ස්ව॒ස්තිර්මානු॑ෂේභ්යඃ . ඌ॒ර්ධ්ව-ඤ්ජි॑ගාතු භේෂ॒ජම් .

ශන්නෝ॑ අස්තු ද්වි॒පදේ᳚ . ශ-ඤ්චතු॑ෂ්පදේ ..

ඕං ශාන්ති॒-ශ්ශාන්ති॒-ශ්ශාන්තිඃ॑ ..