Pashupati Ashtakam

pashupatyaShTakam

shloka 1

pashupatIndupatiM dharaNIpatiM bhujagalokapatiM cha satIpatim |

praNatabhaktajanArtiharaM paraM bhajata re manujA girijApatim ||1||

na janako jananI na cha sodaro na tanayo na cha bhUribalaM kulam |

avati ko.api na kAlavashaM gataM bhajata re manujA girijApatim ||2||

murajaDiNDimavAdyavilakShaNaM madhurapa~nchamanAdavishAradam |

pramathabhUtagaNairapi sevitaM bhajata re manujA girijApatim  ||3||

sharaNadaM sukhadaM sharaNAnvitaM shiva shiveti shiveti nataM nRRiNAm |

abhayadaM karuNAvaruNAlayaM bhajata re manujA girijApatim  ||4||

narashirorachitaM maNikuNDalaM bhujagahAramudaM vRRiShabhadhvajam |

chitirajodhavalIkRRitavigrahaM bhajata re  manujA girijApatim  ||5||

makhavinAshakaraM shashishekharaM satatamadhvarabhAjiphalapradam |

pralayadagdhasurAsuramAnavaM bhajata re manujA girijApatim  ||6||

madamapAsya chiraM hRRidi saMsthitaM maraNajanmajarAmayapIDitam |

jagadudIkShya samIpabhayAkulaM bhajata re manujA girijApatim  ||7||

harivira~nchisurAdhipapUjitaM yamajaneshadhaneshanamaskRRItam |

trinayanaM bhuvanatritayAdhipaM bhajata re manujA girijApatim  ||8||

pashupateridamaShTakamadbhutaM virachitaM pRRithivIpatisUriNA |

paThati saMsha{}RRiNute manujaH sadA shivapurIM vasate labhate mudam ||9||

iti shrIpashupatyaShTakaM sampUrNam ||