Pashupati Ashtakam

pazupatyaSTakam

zloka 1

pazupatIndupatiM dharaNIpatiM bhujagalokapatiM ca satIpatim |

praNatabhaktajanArtiharaM paraM bhajata re manujA girijApatim ||1||

na janako jananI na ca sodaro na tanayo na ca bhUribalaM kulam |

avati ko'pi na kAlavazaM gataM bhajata re manujA girijApatim ||2||

murajaDiNDimavAdyavilakSaNaM madhurapaJcamanAdavizAradam |

pramathabhUtagaNairapi sevitaM bhajata re manujA girijApatim  ||3||

zaraNadaM sukhadaM zaraNAnvitaM ziva ziveti ziveti nataM nRNAm |

abhayadaM karuNAvaruNAlayaM bhajata re manujA girijApatim  ||4||

naraziroracitaM maNikuNDalaM bhujagahAramudaM vRSabhadhvajam |

citirajodhavalIkRtavigrahaM bhajata re  manujA girijApatim  ||5||

makhavinAzakaraM zazizekharaM satatamadhvarabhAjiphalapradam |

pralayadagdhasurAsuramAnavaM bhajata re manujA girijApatim  ||6||

madamapAsya ciraM hRdi saMsthitaM maraNajanmajarAmayapIDitam |

jagadudIkSya samIpabhayAkulaM bhajata re manujA girijApatim  ||7||

hariviraJcisurAdhipapUjitaM yamajanezadhanezanamaskRRtam |

trinayanaM bhuvanatritayAdhipaM bhajata re manujA girijApatim  ||8||

pazupateridamaSTakamadbhutaM viracitaM pRthivIpatisUriNA |

paThati saMza‍RNute manujaH sadA zivapurIM vasate labhate mudam ||9||

iti zrIpazupatyaSTakaM sampUrNam ||