Parvati Vallabha Ashtakam
Parvati Vallabha Ashtakam
pArvatI vallabha aSTakam
zloka 1
namo bhUtanAthaM namo devadevaM
namaH kAlakAlaM namo divyatejam |
namaH kAmabhasmaM namaH zAntazIlaM
bhaje pArvatIvallabhaM nIlakaNTham || 1 ||
sadA tIrthasiddhaM sadA bhaktarakSaM
sadA zaivapUjyaM sadA zubhrabhasmam |
sadA dhyAnayuktaM sadA jJAnatalpaM
bhaje pArvatIvallabhaM nIlakaNTham || 2 ||
zmazAne zayAnaM mahAsthAnavAsaM
zarIraM gajAnAM sadA carmaveSTam |
pizAcAdinAthaM pazUnAM pratiSThaM
bhaje pArvatIvallabhaM nIlakaNTham || 3 ||
phaNInAgakaNThe bhujaGgAdyanekaM
gale ruNDamAlaM mahAvIra zUram |
kaTivyAghracarmaM citAbhasmalepaM
bhaje pArvatIvallabhaM nIlakaNTham || 4 ||
ziraH zuddhagaGgA zivA vAmabhAgaM
viyaddIrghakezaM sadA mAM triNetram |
phaNInAgakarNaM sadA phAlacandraM
bhaje pArvatIvallabhaM nIlakaNTham || 5 ||
kare zUladhAraM mahAkaSTanAzaM
surezaM parezaM mahezaM janezam |
dhanezAmarezaM dhvajezaM girIzaM [dhanezasyamitraM]
bhaje pArvatIvallabhaM nIlakaNTham || 6 ||
udAsaM sudAsaM sukailAsavAsaM
dharAnirjhare saMsthitaM hyAdidevam |
ajaM hemakalpadrumaM kalpasevyaM
bhaje pArvatIvallabhaM nIlakaNTham || 7 ||
munInAM vareNyaM guNaM rUpavarNaM
dvijaiH sampaThantaM zivaM vedazAstram |
aho dInavatsaM kRpAluM zivaM taM
bhaje pArvatIvallabhaM nIlakaNTham || 8 ||
sadA bhAvanAthaM sadA sevyamAnaM
sadA bhaktidevaM sadA pUjyamAnam |
mahAtIrthavAsaM sadA sevyamekaM
bhaje pArvatIvallabhaM nIlakaNTham || 9 ||
iti zrImacchaGkarayogIndra viracitaM pArvatIvallabhASTakaM nAma nIlakaNTha stavaH ||