Panduranga Ashtakam

ශ්රී පාණ්ඩුරඞ්ග අෂ්ටකම්

ශ්ලොක 1

මහායෝගපීඨේ තටේ භීමරථ්යා

වරං පුණ්ඩරීකාය දාතුං මුනීන්ද්රෛඃ .

සමාගත්ය තිෂ්ඨන්තමානන්දකන්දං

පරබ්රහ්මලිඞ්ගං භජේ පාණ්ඩුරඞ්ගම් .. 1 ..

තටිද්වාසසං නීලමේඝාවභාසං

රමාමන්දිරං සුන්දරං චිත්ප්රකාශම් .

වරං ත්විෂ්ටකායාං සමන්යස්තපාදං

පරබ්රහ්මලිඞ්ගං භජේ පාණ්ඩුරඞ්ගම් .. 2 ..

ප්රමාණං භවාබ්ධේරිදං මාමකානාං

නිතම්බඃ කරාභ්යාං ධෘතෝ යේන තස්මාත් .

විධාතුර්වසත්යෛ ධෘතෝ නාභිකෝශඃ

පරබ්රහ්මලිඞ්ගං භජේ පාණ්ඩුරඞ්ගම් .. 3 ..

ස්ඵුරත්කෞස්තුභාලඞ්කෘතං කණ්ඨදේශේ

ශ්රියා ජුෂ්ටකේයූරකං ශ්රීනිවාසම් .

ශිවං ශාන්තමීඩ්යං වරං ලෝකපාලං

පරබ්රහ්මලිඞ්ගං භජේ පාණ්ඩුරඞ්ගම් .. 4 ..

ශරච්චන්ද්රබිම්බානනං චාරුහාසං

ලසත්කුණ්ඩලාක්රාන්තගණ්ඩස්ථලාන්තම් .

ජපාරාගබිම්බාධරං කඤ්ජනේත්රං

පරබ්රහ්මලිඞ්ගං භජේ පාණ්ඩුරඞ්ගම් .. 5 ..

කිරීටෝජ්ජ්වලත්සර්වදික්ප්රාන්තභාගං

සුරෛරර්චිතං දිව්යරත්නෛරනර්ඝෛඃ .

ත්රිභඞ්ගාකෘතිං බර්හමාල්යාවතංසං

පරබ්රහ්මලිඞ්ගං භජේ පාණ්ඩුරඞ්ගම් .. 6 ..

විභුං වේණුනාදං චරන්තං දුරන්තං

ස්වයං ලීලයා ගෝපවේෂං දධානම් .

ගවාං බෘන්දකානන්දදං චාරුහාසං

පරබ්රහ්මලිඞ්ගං භජේ පාණ්ඩුරඞ්ගම් .. 7 ..

අජං රුක්මිණීප්රාණසඤ්ජීවනං තං

පරං ධාම කෛවල්යමේකං තුරීයම් .

ප්රසන්නං ප්රපන්නාර්තිහං දේවදේවං

පරබ්රහ්මලිඞ්ගං භජේ පාණ්ඩුරඞ්ගම් .. 8 ..

ස්තවං පාණ්ඩුරඞ්ගස්ය වෛ පුණ්යදං යේ

පඨන්ත්යේකචිත්තේන භක්ත්යා ච නිත්යම් .

භවාම්භෝනිධිං තේ(අ)පි තීර්ත්වාන්තකාලේ

හරේරාලයං ශාශ්වතං ප්රාප්නුවන්ති .. 9 ..

ඉති ශ්රීමත්පරමහංස පරිව්රාජකාචාර්ය ශ්රීමච්ඡඞ්කරභගවත්පාදාචාර්ය විරචිතං ශ්රී පාණ්ඩුරඞ්ගාෂ්ටකම් .