Panduranga Ashtakam
Panduranga Ashtakam
ଶ୍ରୀ ପାଣ୍ଡୁରଙ୍ଗ ଅଷ୍ଟକମ୍
ଶ୍ଲୋକ 1
ମହାଯୋଗପୀଠେ ତଟେ ଭୀମରଥ୍ଯା
ଵରଂ ପୁଣ୍ଡରୀକାଯ ଦାତୁଂ ମୁନୀନ୍ଦ୍ରୈଃ ।
ସମାଗତ୍ଯ ତିଷ୍ଠନ୍ତମାନନ୍ଦକନ୍ଦଂ
ପରବ୍ରହ୍ମଲିଙ୍ଗଂ ଭଜେ ପାଣ୍ଡୁରଙ୍ଗମ୍
ଶ୍ଲୋକ 2
ତଟିଦ୍ଵାସସଂ ନୀଲମେଘାଵଭାସଂ
ରମାମନ୍ଦିରଂ ସୁନ୍ଦରଂ ଚିତ୍ପ୍ରକାଶମ୍ ।
ଵରଂ ତ୍ଵିଷ୍ଟକାଯାଂ ସମନ୍ଯସ୍ତପାଦଂ
ପରବ୍ରହ୍ମଲିଙ୍ଗଂ ଭଜେ ପାଣ୍ଡୁରଙ୍ଗମ୍
॥ 1 ॥
ଶ୍ଲୋକ 3
ପ୍ରମାଣଂ ଭଵାବ୍ଧେରିଦଂ ମାମକାନାଂ
ନିତମ୍ବଃ କରାଭ୍ଯାଂ ଧୃତୋ ଯେନ ତସ୍ମାତ୍ ।
ଵିଧାତୁର୍ଵସତ୍ଯୈ ଧୃତୋ ନାଭିକୋଶଃ
ପରବ୍ରହ୍ମଲିଙ୍ଗଂ ଭଜେ ପାଣ୍ଡୁରଙ୍ଗମ୍
॥ 2 ॥
ଶ୍ଲୋକ 4
ସ୍ଫୁରତ୍କୌସ୍ତୁଭାଲଙ୍କୃତଂ କଣ୍ଠଦେଶେ
ଶ୍ରିଯା ଜୁଷ୍ଟକେଯୂରକଂ ଶ୍ରୀନିଵାସମ୍ ।
ଶିଵଂ ଶାନ୍ତମୀଡ୍ଯଂ ଵରଂ ଲୋକପାଲଂ
ପରବ୍ରହ୍ମଲିଙ୍ଗଂ ଭଜେ ପାଣ୍ଡୁରଙ୍ଗମ୍
॥ 3 ॥
ଶ୍ଲୋକ 5
ଶରଚ୍ଚନ୍ଦ୍ରବିମ୍ବାନନଂ ଚାରୁହାସଂ
ଲସତ୍କୁଣ୍ଡଲାକ୍ରାନ୍ତଗଣ୍ଡସ୍ଥଲାନ୍ତମ୍ ।
ଜପାରାଗବିମ୍ବାଧରଂ କଞ୍ଜନେତ୍ରଂ
ପରବ୍ରହ୍ମଲିଙ୍ଗଂ ଭଜେ ପାଣ୍ଡୁରଙ୍ଗମ୍
॥ 4 ॥
ଶ୍ଲୋକ 6
କିରୀଟୋଜ୍ଜ୍ଵଲତ୍ସର୍ଵଦିକ୍ପ୍ରାନ୍ତଭାଗଂ
ସୁରୈରର୍ଚିତଂ ଦିଵ୍ଯରତ୍ନୈରନର୍ଘୈଃ ।
ତ୍ରିଭଙ୍ଗାକୃତିଂ ବର୍ହମାଲ୍ଯାଵତଂସଂ
ପରବ୍ରହ୍ମଲିଙ୍ଗଂ ଭଜେ ପାଣ୍ଡୁରଙ୍ଗମ୍
॥ 5 ॥
ଶ୍ଲୋକ 7
ଵିଭୁଂ ଵେଣୁନାଦଂ ଚରନ୍ତଂ ଦୁରନ୍ତଂ
ସ୍ଵଯଂ ଲୀଲଯା ଗୋପଵେଷଂ ଦଧାନମ୍ ।
ଗଵାଂ ବୃନ୍ଦକାନନ୍ଦଦଂ ଚାରୁହାସଂ
ପରବ୍ରହ୍ମଲିଙ୍ଗଂ ଭଜେ ପାଣ୍ଡୁରଙ୍ଗମ୍
॥ 6 ॥
ଶ୍ଲୋକ 8
ଅଜଂ ରୁକ୍ମିଣୀପ୍ରାଣସଞ୍ଜୀଵନଂ ତଂ
ପରଂ ଧାମ କୈଵଲ୍ଯମେକଂ ତୁରୀଯମ୍ ।
ପ୍ରସନ୍ନଂ ପ୍ରପନ୍ନାର୍ତିହଂ ଦେଵଦେଵଂ
ପରବ୍ରହ୍ମଲିଙ୍ଗଂ ଭଜେ ପାଣ୍ଡୁରଙ୍ଗମ୍
॥ 7 ॥
ଶ୍ଲୋକ 9
ସ୍ତଵଂ ପାଣ୍ଡୁରଙ୍ଗସ୍ଯ ଵୈ ପୁଣ୍ଯଦଂ ଯେ
ପଠନ୍ତ୍ଯେକଚିତ୍ତେନ ଭକ୍ତ୍ଯା ଚ ନିତ୍ଯମ୍ ।
ଭଵାମ୍ଭୋନିଧିଂ ତେଽପି ତୀର୍ତ୍ଵାନ୍ତକାଲେ
ହରେରାଲଯଂ ଶାଶ୍ଵତଂ ପ୍ରାପ୍ନୁଵନ୍ତି
॥ 8 ॥
ଶ୍ଲୋକ 10
ଇତି ଶ୍ରୀମତ୍ପରମହଂସ ପରିଵ୍ରାଜକାଚାର୍ଯ ଶ୍ରୀମଚ୍ଛଙ୍କରଭଗଵତ୍ପାଦାଚାର୍ଯ ଵିରଚିତଂ ଶ୍ରୀ ପାଣ୍ଡୁରଙ୍ଗାଷ୍ଟକମ୍ ।