Panduranga Ashtakam

shrI pANDura~Nga aShTakam

shloka 1

mahAyogapIThe taTe bhImarathyA

varaM puNDarIkAya dAtuM munIndraiH |

samAgatya tiShThantamAnandakandaM

parabrahmaliNgaM bhaje pANDuraNgam || 1 ||

taTidvAsasaM nIlameghAvabhAsaM

ramAmandiraM sundaraM chitprakAsham |

varaM tviShTakAyAM samanyastapAdaM

parabrahmaliNgaM bhaje pANDuraNgam || 2 ||

pramANaM bhavAbdheridaM mAmakAnAM

nitambaH karAbhyAM dhRRito yena tasmAt |

vidhAturvasatyai dhRRito nAbhikoshaH

parabrahmaliNgaM bhaje pANDuraNgam || 3 ||

sphuratkaustubhAla~NkRRitaM kaNThadeshe

shriyA juShTakeyUrakaM shrInivAsam |

shivaM shAntamIDyaM varaM lokapAlaM

parabrahmaliNgaM bhaje pANDuraNgam || 4 ||

sharachchandrabimbAnanaM chAruhAsaM

lasatkuNDalAkrAntagaNDasthalAntam |

japArAgabimbAdharaM ka~njanetraM

parabrahmaliNgaM bhaje pANDuraNgam || 5 ||

kirITojjvalatsarvadikprAntabhAgaM

surairarchitaM divyaratnairanarghaiH |

tribha~NgAkRRitiM barhamAlyAvataMsaM

parabrahmaliNgaM bhaje pANDuraNgam || 6 ||

vibhuM veNunAdaM charantaM durantaM

svayaM lIlayA gopaveShaM dadhAnam |

gavAM bRRindakAnandadaM chAruhAsaM

parabrahmaliNgaM bhaje pANDuraNgam || 7 ||

ajaM rukmiNIprANasa~njIvanaM taM

paraM dhAma kaivalyamekaM turIyam |

prasannaM prapannArtihaM devadevaM

parabrahmaliNgaM bhaje pANDuraNgam || 8 ||

stavaM pANDura~Ngasya vai puNyadaM ye

paThantyekachittena bhaktyA cha nityam |

bhavAmbhonidhiM te.api tIrtvAntakAle

harerAlayaM shAshvataM prApnuvanti || 9 ||

iti shrImatparamahaMsa parivrAjakAchArya shrImachChaNkarabhagavatpAdAchArya virachitaM shrI pANDuraNgAShTakam |