Panduranga Ashtakam

zrI pANDuraGga aSTakam

zloka 1

mahAyogapIThe taTe bhImarathyA

varaM puNDarIkAya dAtuM munIndraiH |

samAgatya tiSThantamAnandakandaM

parabrahmaliGgaM bhaje pANDuraGgam || 1 ||

taTidvAsasaM nIlameghAvabhAsaM

ramAmandiraM sundaraM citprakAzam |

varaM tviSTakAyAM samanyastapAdaM

parabrahmaliGgaM bhaje pANDuraGgam || 2 ||

pramANaM bhavAbdheridaM mAmakAnAM

nitambaH karAbhyAM dhRto yena tasmAt |

vidhAturvasatyai dhRto nAbhikozaH

parabrahmaliGgaM bhaje pANDuraGgam || 3 ||

sphuratkaustubhAlaGkRtaM kaNThadeze

zriyA juSTakeyUrakaM zrInivAsam |

zivaM zAntamIDyaM varaM lokapAlaM

parabrahmaliGgaM bhaje pANDuraGgam || 4 ||

zaraccandrabimbAnanaM cAruhAsaM

lasatkuNDalAkrAntagaNDasthalAntam |

japArAgabimbAdharaM kaJjanetraM

parabrahmaliGgaM bhaje pANDuraGgam || 5 ||

kirITojjvalatsarvadikprAntabhAgaM

surairarcitaM divyaratnairanarghaiH |

tribhaGgAkRtiM barhamAlyAvataMsaM

parabrahmaliGgaM bhaje pANDuraGgam || 6 ||

vibhuM veNunAdaM carantaM durantaM

svayaM lIlayA gopaveSaM dadhAnam |

gavAM bRndakAnandadaM cAruhAsaM

parabrahmaliGgaM bhaje pANDuraGgam || 7 ||

ajaM rukmiNIprANasaJjIvanaM taM

paraM dhAma kaivalyamekaM turIyam |

prasannaM prapannArtihaM devadevaM

parabrahmaliGgaM bhaje pANDuraGgam || 8 ||

stavaM pANDuraGgasya vai puNyadaM ye

paThantyekacittena bhaktyA ca nityam |

bhavAmbhonidhiM te'pi tIrtvAntakAle

harerAlayaM zAzvataM prApnuvanti || 9 ||

iti zrImatparamahaMsa parivrAjakAcArya zrImacchaGkarabhagavatpAdAcArya viracitaM zrI pANDuraGgASTakam |